ລິ້ງ ສຳຫລັບເຂົ້າຫາ

logo-print

ສະຫະລັດ ຊຸກຍູ້​ໃຫ້ ພັນທະ​ມິດ ແລະ​ພາຄີ ​ຂອງ​ຕົນ ​​ເອົາ​ບົດບາດ ​ເພີ້ມ​ຂຶ້ນ ​ໃນ​ຊີ​ເຣຍ


ປະທານາທິບໍດີສະຫະລັດ ທ່ານດໍ​ໂນລ ທຣຳ ນັ່ງຄຽງຂ້າງກັບ ລັດຖະມົນຕີ ປ້ອງກັນປະເທດ ທ່ານແຈມສ໌ ແມັຕຕິສ (James Mattis) ໃນກອງປະຊຸມ ທີ່ທຳນຽບຂາວ, ວໍຊີງຕັນ, 3 ເມສາ 2018.

ສະຫະລັດ ​ກຳລັງຊຸກຍູ້ໃຫ້​ບັນດາ​ປະ​ເທດພັນທະ​ມິດ​ແລະ​ພາຄີ​ຂອງ​ຕົນ ​ໃນ​ທົ່ວ​ພາກ
​ຕາ​ເວັນ​ອອກ​ກາງ ​ເພີ້ມການດຳເນີນ​ຄວາມ​ພະຍາຍາມ ​ເພື່ອ​ຈະ​ທຳລາຍກຸ່ມກໍ່​ການ
​ຮ້າຍລັດອິ​ສ​ລາມ ​ໂດຍ​ກ່າວ​ວ່າ ການ​ພົວພັນ​ຂອງ​ກອງ​ກຳລັງ​ສະຫະລັດ ​ໃນ​ຊີ​ເຣຍ
​ແມ່ນກຳລັງ “ຈະຈົບ​ສິ້ນ​ລົງ​ຢ່າງ​ໄວວາ.”

ການ​ປະກາດ​ຂອງ​ທຳນຽບຂາວ ມີ​ຂຶ້ນ​ນຶ່ງ​ມື້ ຫຼັງຈາກ​ປະທານາທິບໍດີ​ສະຫະລັດ
ທ່ານ​ດໍ​ໂນ​ລ ທຣຳ ​ໄດ້ກ່າວຢ້ຳຢ່າງເປັນການເປີດເຜີຍເຖິງຄວາມປະສົງຂອງທ່ານ ​
ທີ່​ຈະ​ນຳ​ກຳລັງສະຫະລັດ ປະມານ 2 ພັນ ຄົນ ຊຶ່ງໃນ​ປັດຈຸບັນ​ນີ້ ​ປະຕິບັດໜ້າ​ທີ່​
ໃນ​ຊີ​ເຣຍ ກັບຄືນປະເທດ ​ເຖິງ​ແມ່ນ​ວ່າ ພວກ​ເຈົ້າ​ໜ້າ​ທີ່ີ​ຂັ້ນ​ສູງທາງ​ທະຫານ ​ໃຫ້​ສັນ
ຍານ​ວ່າ ​ເປົ້າ​ໝາຍໃນ​ການ​ປະຕິບັດ​ພາລະກິດ​ຢູ່​ທີ່​ນັ້ນ ຍັງ​ບໍ່​ທັນ​ໃກ້ຈະເສັດສິ້ນ​ເທື່ອ
ກໍ​ຕາມ.

​ທຳນຽບຂາວ​ໄດ້​ກ່າວໃນ​ຖະ​ແຫຼ​ງການສະບັບນຶ່ງ ​ໃນ​ວັນ​ພຸດ​ວານ​ນີ້ ໂດຍ​ໃຊ້​ຊື່​ຫຍໍ້​
ຂອງກຸ່ມ​ລັດ​ອິສລາມວ່າ IS ໂດຍກ່າວວ່າ “ຈຸດປະສົງ​ທາງ​ທະຫານ​ເພື່ອ​ກຳຈັດ​ກຸ່ມ​
ກໍ່ການຮ້າຍ ISIS ​ໃນ​ຊີ​ເຣຍ ​ແມ່ນ​ກຳລັງ​ຈະ​ເສັດ​ສິ້ນ​ລົງ​ຢ່າງວ່ອງໄວ ​ໂດຍ​ທີ່​ກຸ່ມ
​ດັ່ງກ່າວໄດ້ຖືກ​ທຳລາຍເກືອບ​ໝົດ​ແລ້ວ,”


ຖະແຫຼງການກ່າວຕື່ມວ່າ “ສະຫະລັດ​ແລະ​ກຸ່ມປະ​ເທດພາຄີຂອງພວກເຮົາ ຍັງ​ສືບ​ຕໍ່
ມີຄວາມໝັ້ນໝາຍ ທີ່​ຈະ​ລົບ​ລ້າງ ການ​ມີໜ້າ​ເປັນກຸ່ມນ້ອຍໆ ຂອງລັດ​ອິສລາມ​ໃນ​ຊີ​ເຣຍ
​ແລະ​ວ່າ ກອງ​ກຳລັງ​ຂອງ​ພວກ​ເຮົາ ​ຍັງບໍ່ທັນກຳຈັດໃຫ້ໝົດໄປເທື່ອນັ້ນ ພວກ​ເຮົາ​ຈະ
​ສືບ​ຕໍ່​ປຶກສາ​ຫາ ລື​ກັບ​ພັນທະມິດ ​ແລະ​ປະເທດເພື່ອນມິດ ກ່ຽວ​ກັບ​ເ​ເຜນການຕ່າງໆ​
ໃນ​ອະນາ​ຄົດ.”

ເຊີນຊົມ: ພວກນັກວິໄຈ ກ່າວເຖິງສາຍພົວພັນລະຫວ່າງສະຫະລັດ ກັບຊີເຣຍ

​ເມື່ອມີການຖາມຕື່ມວ່າ ນັ້ນແມ່ນ​ໝາຍວ່າກຳລັງ​ສະຫະລັດ​ ຍັງຈະ​ຢູ່​ໃນ​ຂົງ​ເຂດຕໍ່
ໄປບໍ, ​ໂຄ ສົກ​ຂອງທຳນຽບຂາວທ່ານ​ນາງ​ຊາ​ຣາ ຮັກ​ກາ​ບີ ​ເຊ​ນ​ເດີຣສ໌ (Sarah
Huckavee Sanders) ກ່າວ​ວ່າ ​ກຳລັງ​ສະຫະລັດ ຈະ​ກັບ​ຄືນ​ປະເທດ ເວລາການ
​ສູ້​ລົບຕໍ່ຕ້ານ​ກັບ​ກຸ່ມ​ລັດ​ອິສລາມ ​ໄດ້​ສິ້ນ​ສຸດ​ລົງ​ແລ້ວ.

ທ່ານ​ນາງ​ແຊນ​ເດີຣສ໌ ​ໄດ້ກ່າວຕໍ່​ພວກ​ນັກ​ຂ່າວ​ ຢູ່​ກອງ​ປະຊຸມ​ຖະ​ແຫຼງຂ່າວທີ່​ທຳນຽບ
ຂາວວ່າ “​ໃນ​ຂະນະ​ທີ່ ​ທ່ານ​ປະທານາທິບໍດີ ຍັງສືບຕໍ່ຢືນຢັນ ​ຕັ້ງ​ແຕ່​ຕອນ​ທຳ​ອິດ
​ແລ້ວວ່າ ທ່ານ​ຈະ​ບໍ່​ ​ກຳໜົດວັນເວລາໃດໆ​ເປັນເສັ້ນຕາຍ ທ່ານ​ຈະຊັ່ງຊາຈາກໄຊຊະນະຕົວຈິງ.”

ທ່ານ​ນາງແຊນ​ເດີຣສ໌ ​ໄດ້​ກ່າວ​ວ່າ ​“ໃນ​ຂະນະ​ທີ່ກຳລັງ​ສະຫະລັດ ​ໄດ້ສ້າງຄວາມ
ກ້າວໜ້າທີ່ສຳຄັນ ແຕ່ເວລາແມ່ນພວມຍັບໃກ້ເຂົ້າມາ ສຳລັບບັນດາປະເທດ
ພາຄີໃນຂົງເຂດທີ່ຈະຕ້ອງໄດ້ເອົາບົດບາດເພີ້ມຂຶ້ນ ທັງໃນການຕໍ່ສູ້ຕ້ານກຸ່ມ
ລັດອິສລາມ ແລະໄພຂົ່ມຂູ່ອື່ນໆ ແລະໃຊ້ຄວາມພະຍາຍາມຫຼາຍຂຶ້ນ.”

ທ່ານ​ນາງແຊນເດີຣສ໌ ​ໄດ້​ກ່າວ​ວ່າ “​ແນ່​ນອນ​, ທ່ານ​ປະທານາທິບໍດີ ຕ້ອງການ​ທີ່​
ຈະ​ເຫັນ​ມັນ​ເກີດ​ຂຶ້ນ ເພື່ອໃຫ້​ພວກ​ເຂົາ​ເຈົ້າ​ເພີ້ມຄວາມພະຍາຍາມ ແລະເພື່ອ​ໃຫ້ພວກເຂົາເຈົ້າດຳເນີນ ການຫຼາຍ​ກວ່າ​ນີ້,”

ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສາ​ອັງກິດ

ພວກນັກຕໍ່ສູ້ຊາວເຄີດ ຈາກພັກ (YPG) ໂອ້ລົມກັບກອງກຳລັງສະຫະລັດ ກັບເມືອງກາຣບາຊີຢາ (Darbasiya) ທີ່ຢູ່ຊາຍແດນເທີກີ, ຊີເຣຍ, 29 ເມສາ 2017.
ພວກນັກຕໍ່ສູ້ຊາວເຄີດ ຈາກພັກ (YPG) ໂອ້ລົມກັບກອງກຳລັງສະຫະລັດ ກັບເມືອງກາຣບາຊີຢາ (Darbasiya) ທີ່ຢູ່ຊາຍແດນເທີກີ, ຊີເຣຍ, 29 ເມສາ 2017.

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ທ່ານອາດຈະມັກເລື້ອງນີ້ຄືກັນ

XS
SM
MD
LG