ລິ້ງ ສຳຫລັບເຂົ້າຫາ

ວັນພຸດ, ໑໗ ເມສາ ໒໐໒໔

ລາຍງານ ກ່າວວ່າ ການປະຕິບັດງານ ຂອງ ສຫລ ເຕັມໄປດ້ວຍ ຫຼາຍບັນຫາ ຢູ່ໄນເຈີ


ກອງກຽດຕິຍົດ ຫາມຫີບສົບ ສິບເອກທະຫານກອງທັບບົກ ສິບເອກ ລາ ເດວິດ ຈອນສັນ ທີ່ຮ່ວມຢູ່ໃນກຳລັງພິເສດ ເສບຊີວິດຢູ່ປະເທດໄນເຈີ.
ກອງກຽດຕິຍົດ ຫາມຫີບສົບ ສິບເອກທະຫານກອງທັບບົກ ສິບເອກ ລາ ເດວິດ ຈອນສັນ ທີ່ຮ່ວມຢູ່ໃນກຳລັງພິເສດ ເສບຊີວິດຢູ່ປະເທດໄນເຈີ.

ການ​ປະຕິບັດ​ງງານ ຂອງ​ໜ່ວຍ​ລົບ​ພິ​ເສດ​ສະຫະລັດ ທີ່​ຍັງ​ຜົນໃຫ້​ທະຫານ​ອາ​ເມ ຣິກັນ​
ສີ່​ຄົນ ​ແລະ​ທະຫານ​ໄນ​ຈີ​ເຣຍສີ່ຄົນ ເສຍຊີວິດ ​ແມ່ນ​ເກີ​ດຈາກ​ຫຼາຍ​ບັນຫາ​ ​ທັງຢູ່ໃນຂັ້ນ
ເທິງແລະຂັ້ນລຸ່ມຂອງ​ການບັງຄັບບັນ​ຊາ​ ​ແຕ່ໃນ​ທີ່​ສຸດ ມັນກໍແມ່ນ ການສະ​ແດງ​ກຳລັງ
ແບບ​ທີ່​ບໍ່​ມີ​ມາ​ກ່ອນ ໂດຍນ້ຳມື​ຂອງ​ກຸ່ມກໍ່ການຮ້າຍ ທີ່ເປັນເຄືອຂ່າຍລັດ​ອິສລາມ.

ການ​ພົບ​ເຫັນນີ້ແມ່ນ​ເປັນ​ພາກ​ສ່ວນນຶ່ງຂອງລາຍງານ ທີ່​ມີການ​ລໍຖ້າ​ມາ​ດົນ​ນານ ທີ່ໄດ້
ພິມ​ເຜີຍແຜ່​ໃນ​ວັນ​ພະຫັດວານ​ນີ້​ວ່າ ​ແມ່ນ​ຫຍັງໄດ້ຜິດພາດ ໃນລະຫວ່າງ​ສອງ​ວັນ​ຂອງ
​ເດືອນ​ຕຸລາ​ປີ​ກາຍ​ນີ້ (2017) ​ໃກ້​ກັບບ້ານ​ຕົງ​ໂກ ຕົງ​ໂກປະມານ 200 ກິ​ໂລ​ແມັດຢູ່ທາງ
​ພາກ​ເໜືອ​ຂອງ​ນະຄອນຫຼວງ​ນິອາ​ເມ ​ໄນ​ເຈີ.

ນາຍ​ພົນ​ໂທ​ມັສ ວອລດ໌​ຮາວ​ເຊີ​ ຜູ້​ບັນຊາ​ການ​ກອງທັບ​ສະຫະລັດ​ໃນ​ອາ​ຟຣິກາ ກ່າວ​ຕໍ່
​ບັນດາ​ນັກ​ຂ່າວ ​ຢູ່​ທຳນຽບຫ້າ​ແຈ​ວ່າ “ຂ້າພະ​ເຈົ້າ​ຮັບເອົາ​ ຄວາມ​ຮັບຜິດຊອບ."

ຮູບພາບກຳລັງພິເສດສະຫະລັດ ສິບເອກເຈີຣາເມຍ ຈອນສັນ ສິບເອກບຣາຍອັນ ບແລັກ ແລະສິອເອກ ລາ ເດວິດ ຈອນສັນ ທີ່ຖືກຂ້າຕາຍໃນໄນເຈີ ວັນທີ 4, 2017.
ຮູບພາບກຳລັງພິເສດສະຫະລັດ ສິບເອກເຈີຣາເມຍ ຈອນສັນ ສິບເອກບຣາຍອັນ ບແລັກ ແລະສິອເອກ ລາ ເດວິດ ຈອນສັນ ທີ່ຖືກຂ້າຕາຍໃນໄນເຈີ ວັນທີ 4, 2017.

ທ່ານ​ກ່າວ​ວ່າ “ຂ້າພະ​ເຈົ້າ​ຈະຂໍ​ຄໍ້າ​ປະ​ກັນວ່າ ບົດຮຽນ​ທີ່​ໄດ້ມີການຖອດຖອນຈະ​ຖືກສົ່ງ
ໄປຍັງລະດັບ ​ພາຍ​ໃນກອງ​ບັນຊາ​ການ​ກຳລັງສະຫະລັດໃນອາຟຣິກາຫຼື AFRICOM.
ລາຍ​ງານ ​ທີ່ໃຊ້ເວລາໃນການສືບສວນ​ຫົກ​ເດືອນ ຮວມທັງບັນທຶກຕ່າງໆຫຼາຍ​ພັນ​ໜ້າ
ທີ່​ໄດ້​ເກັບ​ກຳ​ໂດຍ​ຄະນະ​ສືບສວນຂອງ​ກອງທັບ ທີ່​ໄດ້​ກັບ​ຄືນ​ໄປ​ຍັງ ສະຖານ​ທີ່ໆ​ຖືກ
​ດັກ​ສະກັດ​ໂຈມຕີ ເພື່ອກວດກາ​ເບິ່ງຫລັກ​ຖານ​ຕ່າງໆ ​ແລະ​ໂອ້​ລົມ​ກັບ​ບັນດາ​ຜູ້​ເຫັນ
​ເຫດການ 143 ຄົນ ຮວມທັງ​ຜູ້​ລອດ​ຊີວິດ 37 ຄົນຈາກ ການ​ຖືກ​ກັດ​ສະກັດ​ໂຈມຕີຄັ້ງນີ້.

Pentagon Animation: How US Soldiers Were Wounded in Niger Firefight
please wait

No media source currently available

0:00 0:00:56 0:00

ບົດສະຫລຸບ​ແປດ​ໜ້າ​ຂອງ​ການ​ພົບ​ເຫັນ​ ໄດ້​ລົງ​ຄວາມ​ເຫັນ​ວ່າ “ບໍ່​ໄດ້ມີຄວາມ​ລົ້ມ​ແຫຼວ
ຫຼືການຂາດຕົກບົກຜ່ອງ ພຽງຢ່າງໃດຢ່າງນຶ່ງ” ​ແຕ່​ຫາກເປັນການເອົາ​ກ້າວທີ່​ຜິດພາດອັນ
ສຳຄັນຈຳນວນນຶ່ງ ​ຍ້ອນການ​ຂາດ​ເຝິກແອບ ຂາດ​ການ​ກະ ກຽມໃນການ​ປະຕິບັດ​ງານ
​ໃນ​ວັນ​ນັ້ນ ​ແລະ​ຂາດ​ອຸບປະກອນ​ທີ່​ເໝາະ​ສົມ.​

ນາຍ​ພົນ​ຕີ​ໂຣ​ເຈີ ຄລາວ​ຕີ​ເອ ຫົວໜ້າເສນາທິການຂອງກຳລັງສະຫະລັດໃນ​ອາ​ຟຣິກາ
​ແລະ​ຜູ້ນຳພາໃນ​ການ​ສືບສວນ ​ກ່າວ​ວ່າ “ມີ​ການ​ດຳ​ເນີນ​ຂັ້ນຕອນໃນ​ທຸກ ລະ​ດັບ​ຂອງ
ກອງ​ບັນຊາ​ການ ທີ່ຈຳເປັນ​ຕ້ອງໄດ້ຮັບການ​ປັບປຸງ​.”

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG