ສະພາສູງສະຫະລັດລົງມະຕິ ລົບລ້າງກົດໝາຍຫ້າມພວກ
ກະເທີຍເຂົ້າ ຮັບໃຊ້ໃນກອງທັບຢ່າງເປີດເຜີຍ.
ເມື່ອວັນເສົາວານນີ້ ສະພາສູງສະຫະລັດໄດ້ລົງຄະແນນ
ສຽງ 65 ເຫັນດີ ຕໍ່ 31 ສຽງຄັດຄ້ານ ລົບລ້າງນະໂຍ
ບາຍທີ່ເອີ້ນກັນວ່າ “Don’t Ask, Don’t Tell” ຫລື
“ບໍ່ຕ້ອງຖາມ ບໍ່ຕ້ອງບອກ” ນັ້ນ ຊຶ່ງສະພາຕໍ່າກໍໄດ້ອະນຸ ມັດມາດຕະການດັ່ງກ່າວໄປແລ້ວ ໃນຕົ້ນອາທິດນີ້.
ປະທານາທິບໍດີ ບາຣັກ ໂອບາມາ ກ່າວໃນຖະແຫລງ
ການສະບັບນຶ່ງ ເມື່ອວັນເສົາວານນີ້ວ່າ ທ່ານຕັ້ງໜ້າລໍ
ຄອຍທີ່ຈະເຊັນຮ່າງຍັດຕິນີ້ ໃຫ້ເປັນກົດໝາຍ. ທ່ານໂອບາມາກ່າວຕໍ່ໄປວ່າ ກົດໝາຍ
ສະບັບນີ້ແມ່ນ ຈະສ້າງຄວາມເຂັ້ມແຂງໃຫ້ແກ່ຄວາມໝັ້ນຄົງຂອງຊາດ ໃນຂະນະດຽວກັນ
ກໍຍຶດໝັ້ນໃນຄວາມສະເໝີພາບຂັ້ນພື້ນຖານ ອັນເປັນພື້ນຖານທີ່ ປະເທດຊາດຂອງເຮົາຖືກ ກໍ່ຕັ້ງຂຶ້ນມານັ້ນ.
ຜ່ານມາ ມີພວກທະຫານຈໍານວນ 14,000 ຄົນ ໄດ້ຖືກປົດອອກຈາກ ປະຈໍາການພາຍໃຕ້ ກົດຫ້າມ “ບໍ່ຕ້ອງຖາມ ບໍ່ຕ້ອງບອກ” ນັ້ນ ນັບຕັ້ງແຕ່ກົດດັ່ງກ່າວນີ້ຖືກນໍາໃຊ້ໃນປີ 1993 ເປັນຕົ້ນມາ.
