ນາຍທະຫານເຮືອຂັ້ນສູງສຸດຂອງສະຫະລັດທ່ານນຶ່ງໄດ້ທໍາການໂອ້ລົມສົນທະນາກັນ
ກັບພວກນາຍທະຫານຂັ້ນສູງຂອງກໍາປູເຈຍ ທີ່ມີວັດຖຸປະສົງເພື່ອປັບປຸງຄວາມຮ່ວມໄມ້
ຮ່ວມມືກັນທາງເຮືອ ໃຫ້ດີຂຶ້ນລະຫວ່າງສອງປະເທດ.
ພົນເຮືອໂທ Scott Van Buskirk ຜູ້ບັນຊາການທັບເຮືອທີ 7 ຂອງສະຫະລັດໄດ້ເດີນ
ທາງໄປຮອດກຸງພະນົມເປນ ໃນວັນພຸດວານນີ້ ເພື່ອ ທໍາການຢ້ຽມຢາມ ເປັນເວລາ 2 ມື້.
ໂຄສົກກອງທັບກໍາປູເຈຍກ່າວວ່າ ພົນເຮືອໂທ Van Buskirk ໄດ້ພົບປະກັບພົນເຮືອໂທ
Soa Sarin ຮອງຜູ້ບັນຊາການກອງທັບເຮືອແລະພົນໂທ Noun Samnang ເພື່ອທໍາ
ການໂອ້ລົມສົນທະນາກັນເລື້ອງບັນຫາສອງຝ່າຍແລະບັນຫາລະດັບພາກພື້ນ. ພົນໂທ
Samnang ເປັນຮອງລັດຖະມົນຕີປ້ອງກັນ ປະເທດກໍາປູເຈຍ.
ກອງທັບສະຫະລັດກ່າວວ່າ ສອງຝ່າຍໄດ້ໂອ້ລົມສົນທະນາກັນເລື້ອງການປະກອບສ່ວນ
ຂອງກໍປູເຈຍ ໃນການເຝິກແອບເລື້ອງຄວາມພ້ອມຮ່ວມກັນທີ່ຈະມີຂຶ້ນໃນທ້າຍປີນີ້. ນອກ
ນັ້ນ ພວກທ່ານຍັງໄດ້ສົນທະນາກັນເລື້ອງການເຝິກແອບໃນດ້ານຄວາມປອດໄພ ການ
ຊອກຄົ້ນ ແລະການກູ້ໄພທາງທະເລ ພ້ອມທັງການຊ່ອຍບັນເທົາທຸກໃນດ້ານມະນຸດສະທໍາ
ແລະໄພຫາຍຍະນະ.
ພົນໂທ Van Buskirk ຈະທໍາການຢ້ຽມຢາມຖານທັບເຮືອແຫ່ງນຶ່ງເຊ່ນກັນ ເພື່ອໄປສັງເກດ
ເບິ່ງການເຝິກຊ້ອມລົບທາງເຮືອຂອງກໍາປູເຈຍ.
ສະຫະລັດແລະກໍາປູເຈຍໄດ້ທໍາການເຝິກຊ້ອມທາງເຮືອຮ່ວມກັນເມື່ອຕົ້ນປີນີ້.
