ລິ້ງ ສຳຫລັບເຂົ້າຫາ

ທ່ານ Kerry ພະຍາຍາມ ຊຸກຍູ້ ການເຈລະຈາ ສັນຕິພາບ ພາກຕາເວັນອອກກາງ (ວີດີໂອ)


ລັດຖະມົນຕີການຕ່າງປະເທດ ສຫລ ທ່ານ John Kerry (ຊ້າຍ) ພົບປະກັບທ່ານ Mahmoud Abbas ປະທານາທິບໍດີປາແລສໄຕນ໌ ທີ່ບ້ານພັກເອກອັກຄະຖະທູດປາແລສໄຕນ໌ ທີ່ກຸງ ອຳມານ ປະເທດຈໍແດັນ (26 ມີນາ 2014)
ລັດຖະມົນຕີ ​ຕ່າງປະ​ເທດ​ສະຫະລັດ ທ່ານ John Kerry
ຈະ​ສືບ​ຕໍ່​ດຳ​ເນີນ​ງານ ​ກັບ​ບັນດາ​ຜູ້ນຳ​ ອິສຣາ​ແອ​ລ ແລະ
​ປາ​ແລ​ສ​ໄຕ​ນ໌ໃນ​ອີກ​ບໍ່​ເທົ່າ​ໃດ​ມື້​ຕໍ່ໜ້າ​ນີ້ ​ໃນ​ຂະນະ​ທີ່​ທ່ານ
​ພະຍາຍາມ​ຊຸກຍູ້​ ໃຫ້ການ​ເຈລະຈາ​ສັນຕິພາບ​ຂອງ​ພວກ ​
ເຂົາ​ເຈົ້າມີຄວາມຄືບໜ້າ ໂດຍແກ້ໄຂ​ບັນຫາທ້າ​ທາຍ ​ຈຳ
ນວນນຶ່ງທີ່​ເປັນ​ໄພ​ຂົ່ມຂູ່​ຕໍ່​ການ​ດຳ​ເນີນ​ຂັ້ນ​ຕອນໃຫ້​ອອກ
​ນອກ​ທິດທາງ​ໄປນັ້ນ.

ທ່ານ Kerry ​ໄດ້​ທຳ​ການ​ໂອ້​ລົມ​ສົນທະນາທີ່​ກະຊວງ​ການ​
ຕ່າງປະເທດ​ສະຫະລັດ ເອີ້ນ​ວ່າ “ໃຫ້ດອກອອກ​ຜົນ" ​ໃນ
​ວັນ​ພຸດ​ວານ​ນີ້ ກັບ​ປະທານາທິບໍດີ Mah-moud Abbas ​
ແຫ່ງ​ປາ​ແລ​ສ​ໄຕ​ນ໌ໃນ​ກຸງ Amman ​ແລະ​ໃນຂະນະ​ດຽວກັນ ​ທ່ານ​ກໍ​ໄດ້​ໂອ້​ລົມ​ກັນ​ທາງ​ ໂທລະສັບ​ກັບ​ນາຍົກລັດຖະມົນຕີ Benjamin Netanyahu ແຫ່ງ​ອິສຣາ​ແອ​ລ​ເຊັ່ນກັນ

ທັງ​ສອງ​ຝ່າຍ ​ໄດ້​ທຳ​ການ​ພົບ​ປະ​ເຈລະຈາ​ກັນ​ມາ​ ເປັນ​ເວລາ 8 ​ເດືອນ​ແລ້ວ ໃນອັນທີ່ ພວກຜູ້ນຳ​ທັງ​ສອງ​ໄດ້​ຕົກລົງກັນກ່ຽວກັບການເຈລະຈາທີ່ຈະໃຊ້ເວລາ​ເກົ້າເດືອນນັ້ນ.

ຂໍ້​ຕົກລົງ​ທີ່​ພວກ​ຜູ້ນຳທັງສອງໄດ້​ບັນລຸ​ໃນ​ປີ​ແລ້ວ​ນີ້ ​ເພື່ອ​ຟື້ນການ​ເຈລະຈາ​ກັນ​ຄືນ​ໃໝ່
ຍັງໄດ້​ຮຽກຮ້ອງ​ເຊັ່ນ​ກັນໃຫ້​ອິສຣາ​ແອ​ລປ່ອຍ​ໂຕ​ພວກ​ນັກ​ໂທດ​ປາ​ແລ​ສ​ໄຕ​ນ໌​ເປັນ​ອິດ ສະລະໃນຈຳນວນຫຼາຍໆ​ຮອບ ຊຶ່ງ​ຮອບ​ທີສີ່​ກຳນົດ​ຈະ​ມີ​ຂຶ້ນ​ໃນ​ວັນ​ເສົາ​ສັບປະດາ​ນີ້.

​ແຕ່​ຝ່າຍ​ອິສຣາ​ແອ​ລ ຢາກ​ໃຫ້​ ຝ່າຍ​ປາ​ແລ​ສ​ໄຕ​ນ໌ ຕົກລົງ​ຕໍ່​ເວລາ​ ການ​ເຈລະຈາກັນ​
ອອກ​ໄປ​ອີກ​ກາຍ​ເດືອນ​ໜ້າ ກ່ອນ​ອີສຣາ​ແອ​ລ ຈະ​ປ່ອຍ​ໂຕ​ພວກ​ນັກ​ໂທດ​ຈຸ​ສຸດ​ທ້າຍ​
ນັ້ນ. ບັນດາ​ເຈົ້າ​ໜ້າ​ທີ່​ປາ​ແລ​ສ​ໄຕ​ນ໌ກ່າວ​ວ່າ ພວກ​ຕົນ​ຈະ​ເຊົາ​ການ​ເຈລະ​ຈາຖ້າ​ພວກ​
ນັກ​ໂທດ​ເຫຼົ່າ​ນີ້​ບໍ່​ຖືກ​ປ່ອຍ​ໂຕ ຕາມ​ທີ່​ໄດ້​ໃຫ້​ຄຳ​ໝັ້ນ​ສັນຍາ​ໄວ້​ກ່ອນ​ໜ້ານັ້ນ.
XS
SM
MD
LG