ທ່ານ George Mitchell ທູດພິເສດສະຫະລັດຮັບຜິດຊອບພາກຕາເວັນອອກກາງກ່າວວ່າ ການເຈລະຈາຂອງທ່ານກັບຜູ້ນຳອິສະຣາແອລແລະປາແລສະຕາຍໄ ດ້ເປັນໄປໃນທາງບວກແລະມີໝາກຜົນ ຂະນະທີ່ທ່ານມ້ວນທ້າຍພາລະກິດທາງການທູດ 3 ວັນຢູ່ທີ່ພາກຕາເວັນອອກກາງ. ທ່ານ Mitchell ມີຄວາມເຫັນດັ່ງກ່າວໃນວັນອາທິດມື້ນີ້ ຫລັງຈາກໄດ້ພົບປະກັບນາຍົກ ລັດຖະມົນຕີອິສະຣາແອລ ທ່ານ Benjamin Netanyahou ແລະກ່າວວ່າ ທ່ານຈະກັບຄືນໄປພາກຕາເວັນອອກກາງອີກ ໃນອາທິດໜ້າ.
ກ່ອນໜ້ານັ້ນ ໃນມື້ນີ້ ເຈົ້າໜ້າທີ່ປາເເລສຕາຍທ່ານນື່ງກ່າວວ່າ ປະທານາທິບໍດີ Mahmoud Abbas ໄດ້ຖືກເຊື້ອເຊີນໃຫ້ໄປພົບປະກັບປະທານາບໍດິ ສະຫະລັດ ທ່ານ ບາຣັກ ໂອບາມາ ເວລາໃດເວລານຶ່ງໃນ ເດືອນພືດສະພາ ເດືອນໜ້ານີ້. ແຕ່ທາງສະຫະລັດຍັງບໍ່ໄດ້ປະກາດຂ່າວການເຊຶ້ອເຊີນໃດໆ ໃຫ້ຮູ້ເທື່ອ.
ໜັງສືພິມ Haaretz ຂອງອີສະຣາແອລ ກໍໄດ້ລາຍງານໃນວັນອາທິດມື້ ນີ້ວ່າ ການເຈລະຈາສັນຕິພາບໂດຍທາງອ້ອມ ລະວ່າງອີສຣາແອລກັບ ປາເເລສະຕາຍນັ້ນ ຈະເລີ່ມມີຂຶ້ນຄືນໃໝ່ ບໍ່ກາຍກາງເດືອນໜ້າ.
ທ່ານ Mitchell ໄດ້ພົບປະກັບປະທານາທິບໍດີປາເເລດສະຕາຍ ທ່ານ Abbas ເມື່ອວັນສຸກຜ່ານມາໃນຄວາມຫວັງທີ່ຢາກຈະໃຫ້ອີສະຣາແອລ ແລະປາເເລສະຕາຍ ເລີ່ມທຳການເຈລະຈາສັນຕິພາບກັນຄືນໃໝ່.
