ລິ້ງ ສຳຫລັບເຂົ້າຫາ

ທູດພິເສດສະຫະລັດ ພົບປະ ນາຍົກອິສຣາແອລ

  • ໄພສານ ວໍຣະຈັກ

ທ່ານ GEORGE MITCHELL ທູດພິເສດຂອງສະຫະລັດ ຮັບຜິດຊອບກ່ຽວກັບ ພາກຕາເວັນອອກກາງ ມີແຜນການ ທີ່ຈະພົບປະກັບ ນາຍົກລັດຖະມົນຕີ ອິສຣາແອລ ທ່ານ BENJAMIN NETANYAHU ໃນວັນພຸດມື້ນີ້ ໃນການດຳ ເນີນຄວາມພະຍາຍາມ ເທື່ອລ່າສຸດຂອງທ່ານ ເພື່ອລິເລີ້ມ ການເຈລະຈາໂດຍກົງ ລະຫວ່າງອິສຣາແອລແລະປາແລສ ໄຕນ໌.

ທ່ານ NETANYAHU ​ໄດ້ກ່າວວ່າ ການເຈລະຈາໂດຍກົງ ຄວນຈະເລີ້ມຂຶ້ນໃນທັນທີ ໂດຍປາສະຈາກ ເງື່ອນໄຂໃດໆ ທັງສິ້ນ. ແຕ່ໃນມື້ວານນີ້ ທ່ານ MITCHELL ບໍ່ສາມາດຊັກຊວນໃຫ້ ປະທານາທິບໍດີ ປາແລສໄຕນ໌ ທ່ານ MAHMOUD ABBAS ເປີດການເຈລະຈາໂດຍກົງ ກັບອິສຣາ ແອລໄດ້.

ທ່ານ ABBAS ຢາກໃຫ້ມີ ການຕົກລົງກັນກ່ອນ ກ່ຽວກັບ​ໂຄງ​ຮ່າງ ຫົວຂໍ້ ແລະກຳນົດ ເວລາ ໃນການເຈລະຈາກັນ. ນອກນັ້ນ ຝ່າຍປາແລສໄຕນ໌ ຍັງຮຽກຮ້ອງໃຫ້ ອິສຣາແອລ ຢຸດເຊົາການກໍ່ສ້າງບ້ານ​ໃໝ່ ໃສ່ທີ່ດິນ ບ່ອນທີ່ຊາວປາແລສໄຕນ໌ ຕ້ອງການຈະຕັ້ງ ເປັນ ປະເທດໃນອະນາຄົດນັ້ນ.

ທ່ານ P.J. CROWLEY ໂຄສົກກະຊວງ ການຕ່າງປະເທດ ສະຫະລັດ ກ່າວໃນມື້ວານ ນີ້ວ່າ ກຸ່ມ 4 ຝ່າຍ ທີ່ພົວພັນ ໃນການໄກ່ເກ່ຍສັນຕິພາບ ໃນພາກຕາເວັນອອກກາງ ຫລື ກຸ່ມ QUARTET ສາມາດອອກຖະແຫຼງຂ່າວ​ໄດ້ ໃນວັນພຸດມື້ນີ້ ຮຽກຮ້ອງໃຫ້ອິສຣາ ແອລ ແລະປາແລສໄຕນ໌ ເລີ້ມການເຈລາຈາໂດຍກົງ.

ກຸ່ມ QUARTET ປະກອບດ້ວຍ ສະຫະລັດ ສະຫະພາບຢູໂຣບ ຣັດເຊຍ ແລະອົງການ ສະຫະປະຊາຊາດ.

XS
SM
MD
LG