ລິ້ງ ສຳຫລັບເຂົ້າຫາ

ສຫລ ວ່າ ຕາເວັນອອກກາງ ມີໂອກາດ ທີ່ແທ້ຈິງ ສໍາລັບການປ່ຽນແປງ

  • ທອງປານ ເທບວົງສາ

ຮູບພາບການລຸກຮືຂຶ້ນຂອງປະຊາຊົນໃນຕາເວັນອອກກາງ ເຊັ່ນຢູ່ໃນປະເທດອີຈິບ ເພື່ອຂັບໄລ່ ຜູ້ນໍາຂອງຕົນ ທີ່ປົກຄອງປະເທດດົນນານໃຫ້ອອກຈາກອໍານາດ

ຫົວໜ້ານັກການທູດຂອງສະຫະລັດກ່າວວ່າ ການລຸກຮືຂຶ້ນ ແລະການປ່ຽນແປງທີ່ຮຸນແຮງຕ່າງໆທີ່ເກີດຂຶ້ນເມື່ອໝໍ່ໆ ມານີ້ໃນຂົງເຂດຕາເວັນອອກກາງ ນັ້ນສະແດງໃຫ້ເຫັນວ່າ ຂົງເຂດດັ່ງກ່າວກໍາລັງຕົກຢູ່ໃນທ່າມກາງ “ໂອກາດທີ່ແທ້ ຈິງສໍາລັບການປ່ຽນແປງໄປຕະຫລອດການ

ເມື່ອພິດຈາລະນາເຖິງເຫດການດັ່ງກ່າວນີ້ແລ້ວ ທ່ານນາງ
ລັດຖະມົນຕີຕ່າງປະເທດສະຫະລັດ ຮິລແລຣີ ຄລິນຕັນ
ກ່າວວ່າລັດຖະບານຂອງປະທານາທິບໍດີບາຣັກ ໂອບາມາ
ກໍາລັງປ່ຽນແປງວິທີການທີ່ຈະເຂົ້າໄປພົວພັນຢູ່ໃນຂົງເຂດ
ດັ່ງກ່າວນີ້ໂດຍຈະເພັ່ງເລັງໃສ່ປະຊາຊົນຫລາຍຂຶ້ນ ແລະລັດ
ຖະບານໜ້ອຍລົງ.

ແຕ່ທ່ານນາງ ກໍຍັງໃຫ້ທ່າທີທີ່ລະມັດລະວັງວ່າ ການຕອບ
ສະໜອງໃດໆຕໍ່ການເຄື່ອນໄຫວຕ່າງໆດ້ານປະຊາທິປະໄຕ
ນັ້ນແມ່ນຈະຂຶ້ນຢູ່ກັບສະພາບ ການສະເພາະໃດນຶ່ງໃນແຕ່
ລະປະເທດ. ທ່ານນາງກ່າວຕໍ່ໄປວ່າ ຜົນປະໂຍດຫຼັກຂອງ
ສະຫະລັດຢູ່ໃນຂົງເຂດ ດັ່ງກ່າວ ເປັນຕົ້ນວ່າການປາບປາມ ກຸ່ມອາລຄາອີດາ ແລະການຮັບ
ມືກັບການຂົ່ມຂູ່ ຕ່າງໆຂອງອິຣ່ານ ຍັງຈະ ດໍາເນີນໄປ ບໍ່ມີການປ່ຽນແປງໃດໆ.

ທ່ານນາງກ່າວອີກວ່າ ປະທານາທິບໍດີ ໂອບາມາ ຈະກ່າວເຖິງວິທີການລ່າສຸດຂອງການ ເຂົ້າໄປພົວພັນໃນຂົງເຂດຕາເວັນອອກກາງໃນສຸນທອນພົດທີ່ສໍາຄັນບັ້ນນຶ່ງໃນບໍ່ເທົ່າໃດ ເດືອນຕໍ່ໜ້ານີ້.

ນອກນີ້ແລ້ວ ທ່ານນາງລັດຖະມົນຕີຕ່າງປະເທດຄລິນຕັນ ຍັງໄດ້ຮຽກຮ້ອງ ໃຫ້ພວກຜູ້ນໍາ ທັງຫລາຍໃນຂົງເຂດດັ່ງກ່າວຈົ່ງຈັດຕັ້ງປະຕິບັດການປະຕິຮູບປະຊາທິປະໄຕທີ່ແທ້ຈິງ ໂດຍ ກ່າວວ່າ ມັນເກີດມີຮ່ອງຮອຍແຫ່ງຄວາມຫຍຸ້ງ ຍາກໄດ້ເກີດຂຶ້ນມາຢູ່ໃນປະເທດຕູນີເຊຍ ແລະອີຈິບນັ້ນແລ້ວ ພຽງບໍ່ເທົ່າໃດ ເດືອນຫລັງຈາກພວກຜູ້ນໍາຂອງສອງປະເທດດັ່ງກ່າວ ທີ່ ປົກຄອງປະເທດ ມາໄດ້ເປັນໄລຍະຍາວ ທີ່ໄດ້ຖືກຂັບໄລ່ອອກຈາກອໍານາດ ໂດຍການລຸກ ຮືຂຶ້ນນັ້ນ.

ທ່ານນາງຄລິນຕັນກ່າວມ້ວນທ້າຍວ່າ ການເປັນຜູ້ນໍາຊຸດໃໝ່ນີ້ ແມ່ນຈະໂຮມເອົາພວກ ແມ່ຍິງ ແລະພວກທີ່ອອກປາກອອກສຽງອື່ນໆເຂົ້າຮ່ວມປະ ກອບສ່ວນນໍາໃນຂະນະທີ່ ພວກເຂົາເຈົ້າພາກັນກ້າວໄປຂ້າງໜ້ານັ້ນ.

XS
SM
MD
LG