ສານແຫ່ງໜຶ່ງໃນຟິລິບປິນ ໄດ້ຕັດສິນລົງໂທດ ທະຫານນາວິກະ
ໂຍທິນ ສະຫະລັດ ໃນຖານຂ້າຜູ້ຍິງທີ່ປ່ຽນເພດຄົນນຶ່ງຂອງຟິລິບ
ປິນຢູ່ໂຮງແຮມ ທາງພາກຕາເວັນຕົກສຽງເໜືອຂອງນະຄອນມະ
ນີລາ ໃນປີກາຍນີ້.
ສານກ່າວວ່າ ສິບຕີ Joseph Scott Pemberton ມີຄວາມຜິດ
ໃນການສັງຫານ ດ້ວຍການບີບຄໍ ນາງ Jennifer Laude ອາຍຸ
26 ປີ ແລະໄດ້ຕັດສິນລົງໂທດ ໃຫ້ລາວຕິດຄຸກເຖິງ 12 ປີ.
ລາວໄດ້ປະເຊີນກັບໂທດຈຳຄຸກເຖິງ 40 ປີ ຖ້າຫາກຖືກພົບເຫັນ
ວ່າ ຜູ້ກ່ຽວມີຄວາມຜິດໃນການສັງຫານລະດັບທີ່ສູງກວ່ານີ້.
ການສັງຫານ ຢູ່ໃນເມືອງ Olongapo ໄດ້ເຮັດໃຫ້ເກິດການປະທ້ວງຕໍ່ຕ້ານຊາວອາເມ
ຣິກັນ ແລະຮຽກຮ້ອງໂດຍຝ່າຍຊ້າຍ ແລະບັນດາກຸ່ມຫົວຊາດນິຍົມ ເພື່ອໃຫ້ຟິລິບປິນ ສີ້ນສຸດຂໍ້ຕົກລົງດ້ານທະຫານ ກັບສະຫະລັດ. ບັນດາກຸ່ມດັ່ງກ່າວຄັດຄ້ານຕໍ່ຂໍ້ຕົກລົງໃນ
”ປີກາຍນີ້ ທີ່ຈະອະ ນຸຍາດໃຫ້ພວກທະຫານຂອງສະຫະລັດ ທີ່ປະເຊີນໜ້າກັບການກ່າວ
ຫາກະທຳຜິດນັ້ນ ຖືກກັກຂັງໂດຍສະຫະລັດ ໃນລະຫວ່າງການດຳເນີນຄະ ດີຂອງເຂົາເຈົ້າ.
