ໂຄສົກຍິງຂອງທຳນຽບຂາວ ໄດ້ຢືນຢັນກ່ຽວກັບການເສຍຊີ
ວິດຂອງຜູ້ຊາຍຊາວອາເມຣິກັນຄົນນຶ່ງ ທີ່ເຊື່ອວ່າ ທຳການສູ້
ລົບ ຄຽງບ່າຄຽງໄຫລ່ ກັບພວກຫົວຮຸນແຮງໃນຊິີເຣຍ.
ໂຄສົກຍິງ ຂອງສະພາຄວາມໝັ້ນຄົງແຫ່ງຊາດ ທ່ານນາງ
Catlin Hayden ກ່າວຢູ່ໃນຖະແຫຼງການສະບັບນຶ່ງໃນວັນ
ອັງຄານວານນີ້ວ່າ ບັນດາເຈົ້າໜ້າທີ່ແມ່ນຮູ້ເລື່ອງແລ້ວກ່ຽວ
ກັບການມີໜ້າ ຂອງທ້າວ Douglas McCain ຢູ່ໃນ ຊີເຣຍ.
ພວກເຈົ້າໜ້າທີ່ສະຫະລັດ ເຊື່ອວ່າ ມີຊາວອາເມຣິກັນຫຼາຍ
ສິບຄົນ ພວມທຳການສູ້ລົບຮ່ວມກັບພວກຫົວຮຸນແຮງໃນຊີ
ເຣຍແລະອີຣັກ.
ທ່ານນາງ Hayden ກ່າວວ່າ ລັດຖະບານກຳລັງສືບຕໍ່ ດຳເນີນຄວາມພະຍາ ຍາມທີ່ຈະ
“ລົບກວນ ແລະຊັກຊວນບໍ່ໃຫ້ສ່ວນບຸກຄົນ ເດີນທາງໄປນອກປະເທດ ເພື່ອເຂົ້າຮ່ວມ
ໃນການເຮັດສົງຄາມສາສະໜາແບບຮຸນແຮງຫຼື Jihad.
ລູງ ຜູ້ນຶ່ງຂອງລາວ ໄດ້ກ່າວຕໍ່ໂທລະພາບ CNN ວ່າ ທ້າວ McCain ອາຍຸ 33 ປີ ໄດ້
ປ່ຽນ ຈາກການຖືສາສາໜາຄຣິສ ໄປເປັນສາສະໜາອິສລາມ ເມື່ອຫຼາຍໆປີຜ່ານມາ
ແລ້ວ. ໃນຂະນະດຽວກັນ ນັກຂ່າວອາເມຣິກັນຄົນນຶ່ງ ທີ່ໄດ້ຖືກກັກໂຕໄວ້ໂດຍພວກຫົວ
ຮຸນແຮງ ຢູ່ໃນຊີເຣຍ ເປັນເວລາເກືອບສອງປີແລ້ວນັ້ນ ໄດ້ເດີນທາງກັບບ້ານ.
ຄອບຄົວຂອງທ່ານ Peter Curtis ກ່າວວ່າ ທ່ານໄດ້ເດີນທາງກັບມາເຖິງ ສະຫະລັດ ໃນຕອນແລງຂອງວັນອັງຄານວານນີ້.
ທ່ານ Curtis ໄດ້ອອກຖະແຫລງຂ່າວສະບັບນຶ່ງ ໂດຍກ່າວຂອບໃຈ ຕໍ່ບັນດາເຈົ້າໜ້າ
ທີ່ສະຫະລັດ ທີ່ໄດ້ປະຕິບັດງານ ເພື່ອຊ່ວຍໃຫ້ທ່ານໄດ້ກັບຄືນບ້ານ ພ້ອມດ້ວຍ Qatar
ທີ່ໄດ້ເຈລະຈາ ເພື່ອໃຫ້ມີການປ່ອຍໂຕທ່ານ.
ນັກຂ່າວ ອາເມຣິກັນ ທີ່ຖືກລັກພາໂຕ ຢູ່ຊີເຣຍ ກັບຄືນບ້ານ
