ປະທານາທິບໍດີ ບາຣັກໂອບາມາແຫ່ງສະຫະລັດ ໄດ້ຫຼິ້ນ golf
ໃນວັນພຸດວານນີ້ກັບຄູ່ແຂ່ງໃໝ່ແລະມີກຽດ ນັ້ນກໍຄື ທ່ານ Na
jib Razak ນາຍົກລັດຖະມົນຕີມາເລເຊຍ ທີ່ກຳລັງມາພັກຜ່ອນ
ຢູ່ລັດຮາວາຍຂອງສະຫະລັດຊຶ່ງເປັນລັດບ້ານເກີດເມືອງນອນ
ຂອງປະທານາທິບໍດີສະຫະລັດນັ້ນ.
ບັນດາຜູ້ນຳຂອງສອງປະເທດໄດ້ຫຼິ້ນ golf ນຳກັນຮອບນຶ່ງກ່ອນ
ວັນຄຣິສມັສ ທີ່ຖານທັບທະຫານມາຣິນ ໃນອ່າວ Kaneohe
ພ້ອມກັບພວກຊ່ອຍວຽກທ່ານໂອບາມາ 2 ຄົນ.
ທຳນຽບຂາວອອກຖະແຫຼງການສະບັບນຶ່ງ ໂດຍກ່າວວ່າ ຜູ້ນຳ
ທັງສອງ “ສວຍໂອກາດນີ້ ເພື່ອທຳການໂອ້ລົມສົນທະນາກັນເລື້ອງຄວາມສຳພັນ
ທີ່ກຳລັງເຕີບໂຕ ແລະອົບອຸ່ນຂຶ້ນລະຫວ່າງສະຫະລັດແລະມາເລເຊຍ” ແລະວ່າ ປະທານາທິບໍດີຫວັງວ່າ ຈະດຳເນີນງານຮ່ວມກັນກັບທ່ານ Najhib ໃນປີຕໍ່ໜ້າ ເວລາມາເລເຊຍ ຂຶ້ນເປັນປະທານວຽນ ຂອງກຸ່ມອາຊຽນນັ້ນ.
ປະທານາທິບໍດີ ໂອບາມາ ໄດ້ໄປຢ້ຽມຢາມມາເລເຊຍ ໃນຕົ້ນປີນິ້ ຊຶ່ງເປັນປະທານາທິບໍດີສະຫະລັດຄົນທຳອິດທີ່ພວມດຳລົງຕຳແໜ່ງຢູ່ ໄປຢ້ຽມຢາມປະເທດດັ່ງກ່າວ ໃນຮອບ
ເກືອບ 50 ປີຜ່ານມາ.
