ສະຖານທູດ ສະຫະລັດ ໃນ ອູການດາ ກ່າວວ່າ ຜູ້ບັນຊາການ
ອະວຸໂສຄົນນຶ່ງ ຂອງກອງທັບຕໍ່ຕ້ານ ຂອງພະເຈົ້າຫລື Lord’s
Resistance Army ເວລານີ້ໄດ້ຢູ່ພາຍໃຕ້ການຄູ້ມຄອງຂອງ
ທະຫານອູການດາຜູ້ທີ່ເປັນພາກສ່ວນນຶ່ງຂອງກຳລັງອາຟຣິກາ
ທີ່ຕາມລ່າຫາບັນດານັກລົບຂອງກຸ່ມດັ່ງກ່າວ.
ສະຖານທູດ ກ່າວວ່າ ກຳລັງພິເສດຂອງສະຫະລັດ ໄດ້ມອບໂຕ
ທ່ານ Dominic Ongwen ໃຫ້ແກ່ກຳລັງອູການດາ ໃນຕອນ
ເຊົ້າວັນພຸດມື້ນີ້ ຢູ່ທີ່ສາທາລະນະລັດອາຟຣິກາກາງ ບ່ອນທີ່ທ່ານ
ໄດ້ເຂົ້າມອບໂຕໃນວັນທີ 6 ເດືອນມັງກອນຜ່ານ ມານີ້.
ໂຄສົກກອງທັບອູການດາຄົນນຶ່ງ ກ່າວໃນວັນອັງຄານວານນີ້ວ່າ ທ່ານ Ongwen ຈະຖືກ
ສົ່ງໄປຫາສານອາຍານາໆຊາດ ຫຼື ICC ທີ່ນະຄອນ Hague. ສານ ICC ໄດ້ກ່າວຫາຜູ້
ກ່ຽວວ່າ ກໍ່ອາຊະຍາກຳສົງຄາມ ແລະກໍ່ໂທດກຳຕ້ານມະນຸດຊາດ.
ທະຫານອູການດາ ແມ່ນປະກອບເປັນກຳລັງທີ່ໃຫຍ່ທີ່ສຸດ ຢູ່ໃນກຳລັງສະຫະພາບອາຟຣິ
ກາ ທີ່ຍັງຮວມທັງ ຊູດານໃຕ້ ສາທາລະນະລັດ ປະຊາທິປະໄຕຄອງໂກ ແລະສາທາລະນະ
ລັດອາຟຣິກາກາງ.
ບັນດາທີ່ປຶກສາ ສະຫະລັດ ໄດ້ປະຕິບັດງານກັບກຳລັງອາຟຣິກາ ແລະ ສະຖານທູດສະ
ຫະລັດ ກ່າວໃນວັນພຸດມື້ນີ້ວ່າ ການຍົກຍ້າຍທ່ານ Ogwen ອອກຈາກສະໜາມລົບນັ້ນ“
ເປັນສັນຍາລັກທີ່ສະແດງໃຫ້ເຫັນເຖິງຜົນສຳເລັດໃນການຮ່ວມມື ຂອງພວກເຮົາ.”
