ໂຄສົກຍິງຄົນນຶ່ງຂອງລັອດເຕີຣີສະຫະລັດ ກ່າວວ່າ ໄດ້ມີການຂາຍລັອດເຕີຣີຢ່າງໜ້ອຍ
ໃບນຶ່ງ ທີ່ຖືກລາງວັນທີ 1 ໃນຈໍານວນເງິນທີ່ສູງເປັນປະຫວັດການ ຄື 640 ລ້ານໂດລາ.
ໂຄສົກຍິງຂອງລັອດເຕີຣີສະຫະລັດ ນາງ Carole Everett ກ່າວໃນຕອນເຊົ້າວັນເສົາມື້ນີ້
ວ່າ ບັດທີ່ຖືກລາງວັນທີ 1 ຂອງລັອດເຕີຣີ Mega Millions ໄດ້ຊື້ຈາກເມືອງ Baltimore
ລັດ Maryland ຫ່າງຈາກນະຄອນຫຼວງວໍຊິງຕັນໄປທາງທິດເໜືອພຽງແຕ່ 60 ກິໂລແມັດ
ເທົ່ານັ້ນ.
ຍັງບໍ່ທັນມີລາຍລະອຽດໃດໆກ່ຽວກັບຜູ້ມີບັດທີ່ຖືກລາງວັນທີ 1 ຫລືວ່າຍັງມີໃຜອີກທີ່ຖືກ
ດັ່ງກ່າວນີ້ນຳ.
ຜູ້ທີ່ຖືກລາງວັນທີ 1 ສາມາດຮັບເອົາເງິນສົດງວດດຽວໂລດ 462 ລ້ານໂດລາ ຫລືຮັບເປັນ
ງວດໆປະຈຳປີ ຂອງຈໍານວນເງິນທັງໝົດ ແລະຜູ້ທີ່ຖືກຕ້ອງໄດ້ເສຍພາສີໃຫ້ແກ່ລັດ ແລະ
ລັດຖະບານກາງນຳດ້ວຍ.
ຄວາມຝັນຂອງການຢາກຖືກລັອດເຕີຣີເປັນຈຳນວນເງິນຫລາຍກວ່າ 600 ລ້ານໂດລານັ້ນ
ເຮັດໃຫ້ຄົນພາກັນລຽນແຖວຊື້ຢູ່ຕາມຮ້ານຄ້າຕ່າງໆ ໃນ 42 ລັດທົ່ວປະເທດ. ກຸງວໍຊິງຕັນ
ແລະເກາະ Virgin Island ຂອງສະຫະລັດອາເມຣິກາກໍມີສ່ວນຮ່ວມໃນລັອດເຕີຣີ Mega
Millions. ໂອກາດທີ່ຈະເປັນຜູ້ຖືກຫວຍດັ່ງກ່າວແມ່ນ 1 ໃນຈໍານວນ 176 ລ້ານ.
ເງິນລາງວັນທີ່ຫຼາຍທີ່ສຸດເປັນປະຫວັດການໄດ້ເພີ້ມຂື້ນເລື້ອຍໆ ຫລັງຈາກບໍ່ມີໃຜຖືກລາງ
ວັນທີ 1 ໃນເດືອນມັງກອນແລ້ວ ແລະການອອກ 18 ຄັ້ງຕໍ່ມາ ກໍຍັງບໍ່ມີຜູ້ໃດຖືກ.