ລິ້ງ ສຳຫລັບເຂົ້າຫາ

ວັນພຸດ, ໒໒ ພຶດສະພາ ໒໐໒໔

ເຈົ້າໜ້າທີ່ FBI ຂອງສະຫະລັດ ໄປເຖິງ Benghazi ແລ້ວ


ສະຖານກົງສຸນສະຫະລັດ ທີ່ໄດ້ຮັບຄວາມເສຍຫາຍ ຢູ່ເມືອງ Benghazi ປະເທດລີເບຍ (2 ຕຸລາ 2012)
ສະຖານກົງສຸນສະຫະລັດ ທີ່ໄດ້ຮັບຄວາມເສຍຫາຍ ຢູ່ເມືອງ Benghazi ປະເທດລີເບຍ (2 ຕຸລາ 2012)
ເຈົ້າໜ້າທີ່ທຳນຽບຫ້າແຈ ກ່າວວ່າ ຄະນະສືບສວນຂອງສະຫະ
ລັດ ໄດ້ໄປເຖິງເມືອງ Benghazi ໃນພາກຕາເວັນອອກຂອງລີ
ເບຍເປັນເທື່ອທຳອິດນັບຕັ້ງແຕ່ໄດ້ມີການໂຈມຕີສະຖານກົງສຸນ
ສະຫະລັດຢູ່ໃນເມືອງດັ່ງກ່າວທີ່ເປັນເຫດໃຫ້ເອກອັກຄະລັດຖະ ທູດສະຫະລັດປະຈຳລີເບຍ ເສຍຊີວິດໃນເດືອນແລ້ວນີ້.

ທ່ານ George Little ໂຄສົກຂອງກະຊວງປ້ອງກັນປະເທດສະ
ຫະລັດກ່າວວ່າ ຄະນະສືບສວນຂອງສັນຕິບານກາງຫຼື FBI ສະ
ຫະລັດໄດ້ໃຊ້ເວລາຫຼາຍໆຊົ່ວໂມງທີ່ເມືອງ Benghazi ໃນວັນ
ພະຫັດວານນີ້ ໂດຍມີກຳລັງທະຫານສະຫະລັດ ເປັນຜູ້ອຳນວຍ
ຄວາມສະດວກໃນການຂົນສົ່ງແລະຄວາມປອດໄພຕິດຕາມໄປ
ນຳ.

ເຈົ້າໜ້າທີ່ຮັກສາຄວາມສະຫງົບຂອງລີເບຍກ່າວວ່າ ຄະນະສືບສວນຂອງ FBI ໄດ້ກວດ ກາເບິ່ງຕຶກອາຄານສະຖານກົງສຸນ ທີ່ໄດ້ຮັບຄວາມເສຍຫາຍ ແລະເກັບກຳເອົາຫຼັກຖານ ຕ່າງໆ. ເຈົ້າໜ້າທີ່ເວົ້າວ່າເສັ້ນທາງທີ່ມຸ່ງໜ້າໄປຫາກົງສຸນໄດ້ມີການປິດໂດຍລົດທະຫານ ລີເບຍທີ່ຕິດປືນກົນ.

ພວກຫົວຮຸນແຮງໄດ້ຈູດເຜົາສະຖານກົງສຸນສະຫະລັດແລະບ່ອນຫຼົບໄພທີ່ຕັ້ງຢູ່ໃກ້ຄຽງໃນ ເມືອງ Benghazi ໃນວັນທີ 11 ກັນຍາຜ່ານມາ ຊຶ່ງໄດ້ສັງຫານເອກອັກຄະລັດຖະທູດສະ ຫະລັດ ທ່ານ Chris Stevens ແລະ ຊາວອາເມຣິກັນອີກ 3 ຄົນ ຮວມທັງນັກຊ່ຽວຊານ ດ້ານຄອມພິວເຕີ້ ຂອງກະຊວງການຕ່າງປະເທດສະຫະລັດຄົນນຶ່ງ ແລະອະດີດໜ່ວຍກ້າ ຕາຍຂອງກອງທັບເຮືອສະຫະລັດ 2 ຄົນ.

ລັດຖະບານສະຫະລັດແລະລີເບຍກ່າວວ່າ ເຫດຮ້າຍໃນຄັ້ງນີ້ເປັນການໂຈມຕີຂອງພວກກໍ່ ການຮ້າຍ. ຍັງບໍ່ທັນເປັນທີ່ຈະແຈ້ງເທື່ອວ່າເປັນຫຍັງຄະນະສືບສວນຂອງສະຫະລັດ ຈຶ່ງບໍ່ ເດີນທາງໄປເມືອງ Benghazi ໄວກ່ອນນີ້. ໂຄສົກຂອງທຳນຽບຫ້າແຈກ່າວຕໍ່ພວກນັກຂ່າວ
ວ່າ ນັບຕັ້ງແຕ່ໄດ້ມີການໂຈມຕີ ລັດຖະບານທ່ານໂອບາມາ ໄດ້ພະຍາຍາມຊອກຫາຂ່າວ ດ້ວຍວິທີການຕ່າງໆ ບໍ່ແມ່ນນັ່ງລໍຖ້າທີ່ຈະໄດ້ຮັບແຕ່ຂໍ້ມູນທໍ່ນັ້ນ.

ກ່ຽວຂ້ອງກັນ

XS
SM
MD
LG