ຜູ້ນໍາໂລກຫຼາຍຄົນປະນາມການໂຈມຕີຢ່າງນອງເລືອດຕໍ່ສະຖານກົງສຸນສະຫະລັດໃນລີເບຍແຕ່ບາງປະເທດໃນໂລກອາຣັບກໍາລັງສະຫງວນທ່າທີການ ຕໍາໜິຕິຕຽນຮູບເງົາທີ່ປະກົດວ່າເປັນເຫດໃຫ້ເກີດຄວາມຮຸນແຮງຂຶ້ນ.
ທ່ານ William Hague ລັດຖະມົນຕີຕ່າງປະເທດອັງກິດກ່າວວ່າ ບໍ່ມີເຫດຜົນແກ້ຕົວໃດໆຟັງຂຶ້ນກ່ຽວກັບການໂຈມຕີດັ່ງກ່າວ ແລະເອີ້ນການສັງຫານເອກອັກຄະລັດຖະທູດສະຫະລັດທ່ານ Christopher Stevens ນັ້ນວ່າ ເປັນເລຶ່ອງທີ່ຕົກໃຈຫຼາຍ.
ທ່ານ Francois Hollande ປະທານາທິບໍດີຝຣັ່ງ ກ່າວວ່າ ການໂຈມຕີ ນີ້ ແມ່ນໂຫດຮ້າຍທີ່ສຸດແລະເປັນທີ່ຮັບເອົາບໍ່ໄດ້. ໃນຂະນະທີ່ໂຄສົກລັດ ຖະບານເຢຍຣະມັນ ເວົ້າວ່າ ບໍ່ໜ້າຈະເອົາເຫດການຄວາມຮຸນແຮງນີ້ມາໃຊ້ໂຕ້ຖຽງກັນໃນທາງການເມືອງ.
ກະຊວງຕ່າງປະເທດຣັດເຊຍເວົ້າວ່າ ຕົນຖືວ່າເປັນການໂຈມຕີຂອງພວກກໍ່ ການຮ້າຍຕໍ່ນັກການທູດ.
ແຕ່ທ່ານ Hisham Qandil ນາຍົກລັດຖະມົນຕີອີຈິບ ບໍ່ໄດ້ເອີ່ຍໂດຍກົງ ເຖິງເອກອັກຄະລັດຖະທູດ Stevens ແຕ່ກໍປະນາມຮູບເງົາວ່າ ເປັນການ ໝິ່ນປະໝາດຕໍ່ພະສາສະດາມູຮໍາມັດຂອງສາສະໜາອີສລາມ.
ສ່ວນອິຣ່ານ ທວງໃຫ້ປະທານາທິບໍດີບາຣັກ ໂອບາມາຂໍຂະມາໂທດຕໍ່ຊາວ ມຸສລິມ. ທ່ານຮາມິດ ກາຊາຍ ປະທານາທິບໍດີອັຟການີສຖານ ເອີ້ນການນໍາເອົາຮູບເງົາດັ່ງກ່າວອອກເຜີຍແຜ່ນັ້ນວ່າເປັນພຶດຕິການທີ່ໂຫດຮ້າຍຫຼາຍ ຊຶ່ງທ່ານກໍບໍ່ໄດ້ໃຫ້ຄວາມເຫັນຢ່າງເປີດເຜີຍໃດໆ ກ່ຽວກັບການຄາດຕະກໍາເອກອັກຄະລັດຖະທູດ Stevens. ແຕ່ທໍານຽບຂາວກ່າວວ່າ ທ່ານກາຊາຍໄດ້ສະແດງຄວາມເສົ້າສະຫຼົດໃຈຕໍ່ການເສຍຊີວິດ ໃນການໂອ້ລົມທາງໂທ ລະສັບກັບປະທານາທິບໍດີໂອບາມາ.
ອົງການການຮ່ວມມືອີສລາມທີ່ມີສໍານັກງານຢູ່ຊາອຸດິ ອາເຣເບຍ ໄດ້ປະນາມທັງການສັງຫານເອກອັກຄະລັດຖະທູດສະຫະລັດ ແລະຮູບເງົາ ໃນຂະນະທີ່ສະພາຄວາມສໍາພັນຊາວອາເມຣິກັນ-ອິສລາມ ທີ່ກຸງວໍຊິງຕັນໄດ້ຮຽກຮ້ອງໃຫ້ຊາວມຸສລິມທັງຫຼາຍຈົ່ງຢ່າໄດ້ເອົາຫົວຊາ ຕໍ່ຮູບເງົາດັ່ງກ່າວ ແລະກໍໄດ້ປະນາມການໂຈມຕີສະຖານກົງສຸນແລະສະຖານທູດສະຫະລັດທີ່ໄຄໂຣ ປະເທດອິຈິບນັ້ນນໍາ.
ທ່ານ William Hague ລັດຖະມົນຕີຕ່າງປະເທດອັງກິດກ່າວວ່າ ບໍ່ມີເຫດຜົນແກ້ຕົວໃດໆຟັງຂຶ້ນກ່ຽວກັບການໂຈມຕີດັ່ງກ່າວ ແລະເອີ້ນການສັງຫານເອກອັກຄະລັດຖະທູດສະຫະລັດທ່ານ Christopher Stevens ນັ້ນວ່າ ເປັນເລຶ່ອງທີ່ຕົກໃຈຫຼາຍ.
ທ່ານ Francois Hollande ປະທານາທິບໍດີຝຣັ່ງ ກ່າວວ່າ ການໂຈມຕີ ນີ້ ແມ່ນໂຫດຮ້າຍທີ່ສຸດແລະເປັນທີ່ຮັບເອົາບໍ່ໄດ້. ໃນຂະນະທີ່ໂຄສົກລັດ ຖະບານເຢຍຣະມັນ ເວົ້າວ່າ ບໍ່ໜ້າຈະເອົາເຫດການຄວາມຮຸນແຮງນີ້ມາໃຊ້ໂຕ້ຖຽງກັນໃນທາງການເມືອງ.
ກະຊວງຕ່າງປະເທດຣັດເຊຍເວົ້າວ່າ ຕົນຖືວ່າເປັນການໂຈມຕີຂອງພວກກໍ່ ການຮ້າຍຕໍ່ນັກການທູດ.
ແຕ່ທ່ານ Hisham Qandil ນາຍົກລັດຖະມົນຕີອີຈິບ ບໍ່ໄດ້ເອີ່ຍໂດຍກົງ ເຖິງເອກອັກຄະລັດຖະທູດ Stevens ແຕ່ກໍປະນາມຮູບເງົາວ່າ ເປັນການ ໝິ່ນປະໝາດຕໍ່ພະສາສະດາມູຮໍາມັດຂອງສາສະໜາອີສລາມ.
ສ່ວນອິຣ່ານ ທວງໃຫ້ປະທານາທິບໍດີບາຣັກ ໂອບາມາຂໍຂະມາໂທດຕໍ່ຊາວ ມຸສລິມ. ທ່ານຮາມິດ ກາຊາຍ ປະທານາທິບໍດີອັຟການີສຖານ ເອີ້ນການນໍາເອົາຮູບເງົາດັ່ງກ່າວອອກເຜີຍແຜ່ນັ້ນວ່າເປັນພຶດຕິການທີ່ໂຫດຮ້າຍຫຼາຍ ຊຶ່ງທ່ານກໍບໍ່ໄດ້ໃຫ້ຄວາມເຫັນຢ່າງເປີດເຜີຍໃດໆ ກ່ຽວກັບການຄາດຕະກໍາເອກອັກຄະລັດຖະທູດ Stevens. ແຕ່ທໍານຽບຂາວກ່າວວ່າ ທ່ານກາຊາຍໄດ້ສະແດງຄວາມເສົ້າສະຫຼົດໃຈຕໍ່ການເສຍຊີວິດ ໃນການໂອ້ລົມທາງໂທ ລະສັບກັບປະທານາທິບໍດີໂອບາມາ.
ອົງການການຮ່ວມມືອີສລາມທີ່ມີສໍານັກງານຢູ່ຊາອຸດິ ອາເຣເບຍ ໄດ້ປະນາມທັງການສັງຫານເອກອັກຄະລັດຖະທູດສະຫະລັດ ແລະຮູບເງົາ ໃນຂະນະທີ່ສະພາຄວາມສໍາພັນຊາວອາເມຣິກັນ-ອິສລາມ ທີ່ກຸງວໍຊິງຕັນໄດ້ຮຽກຮ້ອງໃຫ້ຊາວມຸສລິມທັງຫຼາຍຈົ່ງຢ່າໄດ້ເອົາຫົວຊາ ຕໍ່ຮູບເງົາດັ່ງກ່າວ ແລະກໍໄດ້ປະນາມການໂຈມຕີສະຖານກົງສຸນແລະສະຖານທູດສະຫະລັດທີ່ໄຄໂຣ ປະເທດອິຈິບນັ້ນນໍາ.
