ລິ້ງ ສຳຫລັບເຂົ້າຫາ

ພາລະກິດຂອງສະຫະລັດ ໃນລີເບຍ ປະສົບຜົນສໍາເລັດ

  • ສິງ ບູຣົມມະວົງ

ນັກຕໍ່ສູ້ຝ່າຍກະບົດລີເບຍຄົນນຶ່ງ ເອົາທຸງຊາດຝ່າຍກະບົດຫຸ້ມບັງໂຕເອງ ໄວ້ ຂ້າງອາວຸດຂອງລາວ, ວັນທີ 27 ມີນາ 2011

ໃນ​ຂະນະ​ດຽວ​ກັນ ລັດຖະມົນຕີ​ປ້ອງ​ກັນ​ປະ​ເທດ​ສະຫະລັດ​ທ່ານ Robert Gates ກ່າວ​ວ່າ ບັນດາ​ເຈົ້າ​ໜ້າ​ທີ່​ສື​ບລັບ​ກໍາລັງ​ປະ​ສົບກັບ​ ບັນຫາ​ໃນ​ການ​ພິສູດ​ວ່າ ການ​ໂຈມ​ຕີ​ທາງ​ອາກາດ​ຂອງ​ຝ່າຍ​ປະສົມ​ໄດ້ເຮັດ​ໃຫ້​ພວກ​ພົນລະ​ເຮືອນ​ບາດ​ເຈັບແລະ​ລົ້ມ​ຕາຍ​ນັ້ນ.

ໃນ​ການ​ໃຫ້​ສໍາພາດ​ກັບ​ຕາໜ່າງ​ໂທລະພາບ CBS ຊຶ່ງ
ກໍານົດ​ຈະ​ອອກ​ອາກາດ​ໃນ​ວັນ​ອາທິດ​ມື້​ນີ້ ທ່ານ Gates
ກ່າວ​ວ່າ ລາຍ​ງານ​ຂ່າວ​ລັບເວົ້າ​ວ່າ ພວກ​ກໍາລັງທີ່​ນິຍົມ
ລັດຖະບານ​ກາດ​ດາ​ຟີ​ໄດ້​ນໍາເອົາສົບ​ຂອງ​ປະຊາ​ຊົນ​ທີ່
ພວກ​ເຂົາ​ໄດ້​ເຂັ່ນຂ້າ​ນັ້ນ​ໄປ​ວາງ​ໄວ້​ໃນ​ສະຖານ​ທີ່​ຕ່າງໆ
ທີ່​ຝ່າຍ​ກໍາລັງ​ປະສົມໄດ້ທໍາ​ການ​ໂຈມ​ຕີ​ທາງ​ອາກາດ​ນັ້ນ.

ບັນດາ​ເຈົ້າ​ໜ້າ​ທີ່​ລີ​ເບຍ​ກ່າວ​ຫາ​ພວກ​ເຮືອບິນ​ລົບ​ຂອງຝ່າຍ​
ປະສົມ​ວ່າ​ໄດ້​ສັງຫານພວກ​ພົນ​ລະ​ເຮືອນ​ເຫລົ່າ​ນັ້ນ ​ແຕ່​
ທ່ານ Gates ກ່າວ​ວ່າ ພວກ​ກໍາລັງ​ຝ່າຍ​ປະສົມ​ໄດ້​ທໍາ
ຄວາມ​ລະມັດລະວັງເປັນ​ທີ່​ສຸດ​ ເພື່ອ​ປົກ​ປ້ອງ​ພວກ​ພົນລະ​ເຮືອນ​ລີ​ເບຍ​ເວລາ​ທໍາ​ການ​ໂຈມ​ຕີ​ນັ້ນ.

ໃນ​ວັນ​ເສົາ​ວານ​ນີ້ ປະທານາທິບໍດີ​ບາຣັກ​ໂອ​ບາ​ມາກ່າວວ່າ ພາລະກິດ​ຂອງ​ກອງທັບ​ສະຫະ
ລັດ​ໃນ​ລີ​ເບຍ​ ກໍາລັງ​ໄດ້​ຮັບ​ຜົນ​ສໍາ​ເລັດ.

ໃນ​ຄໍາ​ປາ​ໄສ​ທາງ​ວິທະ​ຍຸ​ປະ​ຈໍາ​ສັບປະດາ​ແລະ​ທາງ​ອິນ​ເທີ​ແນ໊ທຕໍ່​ປະ​ເທດ​ຊາດ​ນັ້ນ ທ່ານ​ໂອ​
ບາ​ມາ​ກ່າວ​ວ່າ ລະບົບ​ປ້ອງ​ກັນ​ທາງ​ອາກາດ​ຂອງ​ລີ​ເບຍ​ໄດ້​ຖືກ​ທໍາລາຍ​ແລະ​ໃຊ້​ການ​ບໍ່​ໄດ້​ແລ້ວ.

XS
SM
MD
LG