ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ເຈົ້າໜ້າທີ່ສະຫະລັດ ໂອ້ລົມກັນໂດຍກົງ ກັບຜູ້ຕາງໜ້າ ລັດຖະບານລີເບຍ


ພວກກະບົດລີເບຍທໍາຄວາມຄືບໜ້າໄປສູ່ແນວໜ້າ 40 ຫລັກກິໂລແມັດ
ໄປທາງທິດຕາເວັນຕົກຂອງເມືອງ Ajdabiyah ລີເບຍ
ວັນທີ 19 ກໍລະກົດ 2011
ພວກກະບົດລີເບຍທໍາຄວາມຄືບໜ້າໄປສູ່ແນວໜ້າ 40 ຫລັກກິໂລແມັດ ໄປທາງທິດຕາເວັນຕົກຂອງເມືອງ Ajdabiyah ລີເບຍ ວັນທີ 19 ກໍລະກົດ 2011

ບັນດາ​ເຈົ້າ​ໜ້າ​ທີ່​ລີ​ເບຍ​ແລະ​ສະຫະລັດ​ກ່າວ​ວ່າ ພວກ​ຜູ້ຕາງໜ້າ​ຂອງ ລັດຖະບານປະເທດທັງ 2 ​ໄດ້​ທໍາ​ການ​ພົບ​ປະໂອ້​ລົມກັນ​ໂດຍ​ກົງ​ໃນ​ຫວ່າງ​ໄວໆ​ຜ່ານ​ມາ​ນີ້ ​ແຕ່​ທາງ​ລັດຖະບານ​ກຸງ​ວໍ​ຊິງ​ຕັນ​ກ່າວ​ເນ້ນ​ວ່າຈຸດ​ປະສົງ​ອັນ​ດຽວ​ກໍ​ແມ່ນ​ເພື່ອສົ່ງຂໍ້ຄວາມ​ທີ່​ຈະ​ແຈ້ງ​ແລະ​ໜັກ​ແໜ້ນໃຫ້​ທ່ານ​ກາດ​ດາ​ຟີ ຜູ້​ນໍາ​ລີ​ເບຍ​ຕ້ອງລາ​ອອກ​ຈາກ​ອໍານາດ​ໄປ.

ເຈົ້າ​ໜ້າ​ທີ່​ກະຊວງ​ການ​ຕ່າງປະ​ເທດ​ສະຫະລັດ​ທ່ານ​ນຶ່ງ​ກ່າວ​ໃນ​ວັນ​ຈັນວານ​ນີ້​ວ່າ ການ​ພົບ​
ປະກັນ​ເທື່ອ​ດຽວ ບໍ່​ໄດ້​ແມ່ນ​ການ​ເຈລະຈາ​ກັນ ​ແລະ​ວ່າມີ​ຊ່ອງ​ທາງ​ດຽວ​ເທົ່າ​ນັ້ນ​ທີ່ຈະ​ດໍາ
ເນີນຕໍ່​ໄປ​ກໍ​ແມ່ນ​ໃຫ້​ທ່ານ​ກາດ​ດາ​ຟີລາ​ອອກ​ຈາກ​ອໍານາດ​ໄປ​ເທົ່າ​ນັ້ນ.

ເຈົ້າ​ໜ້າ​ທີ່​ທ່ານ​ນີ້​ກ່າວ​ຕໍ່​ໄປ​ວ່າ ການ​ໂອ້​ລົມ​ສົນທະນາ​ກັນ​ໄດ້​ມີ​ຂຶ້ນ​ໃນ​ວັນ​ເສົາ​ຜ່ານ​ມາ​ນີ້
ແລະ​ໄດ້​ພົວພັນ​ກັບ​ທ່ານ Jeffrey Feltman ລັດຖະມົນຕີ​ຊ່ອຍ​ວ່າການ​ກະຊວງ​ການ​ຕ່າງ
ປະ​ເທດ​ສະຫະລັດ ​ແລະ​ເປັນ​ເຈົ້າໜ້າ​ທີ່​ສູງ​ສຸດ​ຂອງ​ກະຊວງ​ການ​ຕ່າງປະ​ເທດ​ທີ່​ກໍາກັບ​ນໍາ​
ນະ​ໂຍບາຍ​ໃນພາກ​ຕາ​ເວັນ​ອອກ​ກາງ. ພວກ​ສະມາຊິກ 4 ທ່ານ​ໃນ​ວົງ​ການ​ພາຍ​ໃນ​ຂອງ​
ກາດ​ດາ​ຟີ​ໄດ້​ປະກອບ​ສ່ວນ​ໃນ​ການ​ໂອ້​ລົມ​ສົນທະນາ​ກັນ​ຄັ້ງ​ນີ້​ເຊ່ນກັນ.

ເຈົ້າ​ໜ້າ​ທີ່​ສະຫະລັດ​ກ່າວ​ວ່າ ການ​ພົບ​ປະກັນ​ນີ້​ມີ​ຂຶ້ນ​ຫລັງ​ຈາກ​ມີ​ການ​ຕິດ​ຕໍ່​ພົວພັນ​ກັນ​ຊໍ້າ
ແລ້ວ​ຊໍ້າ​ອີກ​ຈາກ​ບັນດາ​ຜູ້ຕາງໜ້າ​ຂອງ​ທ່ານ​ກາດ​ດາຟີ​ທີ່​ທາງ​ກຸງ​ວໍ​ຊິງ​ຕັນ​ຕີ​ຄວາມ​ໝາຍວ່າ
ທໍາ​ຄວາມ​ພະຍາຍາມ​ທີ່ຖືກ​ຊັກ​ນໍາ​ໄປ​ໃນ​ທາງ​ຜິດພາດ​ເພື່ອ​ປົວ​ແປງ​ຄວາມ​ສໍາພັນ​ກັນ​ນັ້ນ.

ກ່ອນ​ໜ້າ​ນີ້ ທ່ານ Moussa Ibrahim ​ໂຄສົກ​ລັດຖະບານ​ລີ​ເບຍ​ບັນ​ລະຍາຍ​ການ​ພົບປະ
ຫາລື​ກັນ​ ທີ່​ຈັດ​ຂຶ້ນ​ໃນ​ປະ​ເທດ​ຕູ​ນີ​ເຊຍ ວ່າ​ເປັນບາດກ້າວ​ທໍາ​ອິດ​ໃນ​ການ​ໂອ້​ລົມ​ສົນທະນາ
ກັນ ​ແລະ​ກ່າວ​ຕື່ມ​ວ່າ ລັດຖະບານ​ລີ​ເບຍ​ບໍ່​ຢາກ​ຖືກຜູກມັດໃນເລື່ອງກ່ຽວກັບອະດີດຜ່ານ
ມາ​ແລະ​ຍິນ​ດີ​ທີ່​ຈະ​ທໍາ​ການ​ເຈລະຈາ​ກັນ​ຕື່ມ​ອີກ.

ທ່ານ Ibrahim ກ່າວ​ໃນ​ເດືອນ​ມິຖຸນາ​ຜ່ານ​ມາ​ວ່າ ທ່ານ​ກາດ​ດາ​ຟີ​ຈະ​ບໍ່ພິຈາລະນາ​ທໍາ​ການ
ເຈລະຈາ​ສັນຕິພາບ​ໃດໆ​ທີ່​ຈະ​ບັງຄັບ​ໃຫ້​ທ່ານ​ລາ​ອອກຈາກ​ຕໍາ​ແໜ່​ງນັ້ນ.

XS
SM
MD
LG