ບັນດາເຈົ້າໜ້າທີ່ສະຫະລັດກ່າວວ່າ ການໂຈມຕີທາງອາກາດ
ພາຍໃຕ້ການນຳພາຂອງສະຫະລັດໄດ້ຕົກຖືກຂະບວນລົດຂອງ
ກຸ່ມລັດອິສລາມ ໃກ້ໆກັບເມືອງ Mosul ຂອງອີຣັກໃນວັນເສົາ
ວານນີ້.
ບັນດາເຈົ້າໜ້າທີ່ເຫຼົ່ານີ້ ກ່າວວ່າ ຂະບວນລົດຈຳນວນ 10 ຄັນ
ກຳລັງແລ່ນຢູ່ໃກ້ໆກັບບ່ອນຊຸມນຸມແຫ່ງນຶ່ງຂອງຄະນະນຳພາ
ກຸ່ມລັດອິສລາມ. ບັນດາເຈົ້າໜ້າທີ່ສະຫະລັດ ບໍ່ສາມາດຢືນຢັນ
ໄດ້ວ່າ ນາຍ Abu Bakr al-Baghdadi ຫົວໜ້າກຸ່ມລັດອິສ
ລາມໄດ້ຮ່ວມຢູ່ໃນບັນດາຜູ້ນຳ ທີ່ຄຶດວ່າພາກັນປະຊຸມກັນນັ້ນ
ຫຼືບໍ ຫຼືມີຜູ້ນຳຄົນໃດຂອງກຸ່ມ ໄດ້ຮັບບາດເຈັບ ຫຼືເສຍຊີວິດຫຼືບໍ
ນັ້ນ.
ກຳລັງຂອງແນວໂຮມພາຍໃຕ້ການນຳພາຂອງສະຫະລັດ ໄດ້ທຳການໂຈມຕີທາງອາກາດ
ມາໃນແຕ່ລະມື້ ຕໍ່ເປົ້າໝາຍຕ່າງໆຂອງກຸ່ມລັດອິສລາມໃນອີຣັກ.
ໃນວັນສຸກຜ່ານມານີ້ ປະທານາທິບໍດີບາຣັກ ໂອບາມາ ແຫ່ງສະຫະລັດ ໄດ້ອະນຸຍາດໃຫ້
ສົ່ງທະຫານສະຫະລັດໄປຍັງອີຣັກຈຳນວນຫຼາຍເຖິງ 1500 ຄົນຕື່ມອີກ ໃນຖານະເປັນພາກສ່ວນນຶ່ງຂອງການປະກອບພາລະກິດໃນການຕໍ່ສູ້ກັບພວກຫົວຮຸນແຮງກຸ່ມລັດອິສ
ລາມ. ທຳນຽບຂາວ ກ່າວວ່າ ພວກທະຫານເຫຼົ່ານີ້ ຈະບໍ່ມີບົດບາດໃນການສູ້ລົບ ແຕ່ຈະ
ຊ່ອຍເຝິກແອບ ແລະໃຫ້ຄຳແນະນຳແກ່ພວກກຳລັງຂອງອີຣັກແລະຊາວເຄີສ ທີ່ກຳລັງທຳ
ການຕໍ່ສູ້ກັບກຸ່ມລັດອິສລາມຢູ່ນັ້ນ.
