ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ສະຫະລັດສະໜັບສະໜຸນ ການຕັ້ງສານຢູ່ເລບານອນ


ນາຍົກລັດຖະມົນຕີເລບານອນ ທ່ານ Saad Hariri ຈັບມືກັບ ລັດຖະມົນຕີການຕ່າງປະເທດສະຫະລັດ ທ່ານນາງ Hillary Rodham Clinton ທີ່ນະຄອນນິວຢອກ (7 ມັງກອນ 2011)
ນາຍົກລັດຖະມົນຕີເລບານອນ ທ່ານ Saad Hariri ຈັບມືກັບ ລັດຖະມົນຕີການຕ່າງປະເທດສະຫະລັດ ທ່ານນາງ Hillary Rodham Clinton ທີ່ນະຄອນນິວຢອກ (7 ມັງກອນ 2011)

ເຈົ້າໜ້າທີ່ສະຫະລັດ ກ່າວວ່າ
ລັດຖະມົນຕີການຕ່າງປະເທດ
ສະຫະລັດທ່ານນາງ Hillary
Clinton ໄດ້ໃຫ້ຄວາມໝັ້ນໃຈ
ອີກຄັ້ງນຶ່ງແກ່ນາຍົກລັດຖະມົນ
ຕີເລບານອນ ທ່ານ Saad
Hariri ວ່າສະຫະລັດໃຫ້ການ
ສະໜັບສະໜຸນຕໍ່ການຕັ້ງສານ
ທີ່ໄດ້ຮັບການໜຸນຫຼັງ ຈາກອົງ
ການສະຫະປະຊາຊາດເພື່ອທຳ
ການສືບສວນ ກ່ຽວກັບການເສຍຊີວິດຂອງບິດາທ່ານນັ້ນ.

ທ່ານນາງ Clinton ໄດ້ສະເໜີໃຫ້ການສະໜັບສະໜຸນຂອງທ່ານນາງ ໃນມື້ວັນສຸກວານນີ້ ໃນລະຫວ່າງການພົບປະກັບທ່ານ Hariri ທີ່ນະຄອນນິວຢອກ.

ທ່ານ Hariri ພວມປະເຊີນກັບການກົດດັນຢ່າງໜັກທາງດ້ານການເມືອງຢູ່ທີ່ປະເທດຂອງ
ທ່ານ ກ່ຽວກັບການສືບສວນ ການຄາດຕະກຳບິດາຂອງທ່ານ ມື້ລາງນາຍົກລັດຖະມົນຕີ
Rafiq Hariri ໃນປີ 2005 ນັ້ນ.

ກຸ່ມຫົວຮຸນແຮງຊີໄອທ໌ Hezbollah ໄດ້ຮຽກຮ້ອງໃຫ້ນາຍົກລັດຖະມົນຕີເລບານອນ ປະ
ນາມການຕັ້ງສານດັ່ງກ່ວຊຶ່ງຄາດວ່າຈະຟ້ອງຮ້ອງສະມາຊິກຈຳນວນຂອງກຸ່ມ Hezbollah
ໃນການຄາດຕະກຳດັ່ງກ່າວນີ້.

ກ່ອນນັ້ນ ທ່ານນາງ Clinton ໄດ້ພົບປະກັບກະສັດ Abdullah ແຫ່ງຊາອຸດີອາຣາເບຍ
ທີ່ໂຮງແຮມ ທີ່ຕັ້ງຢູ່ໃກ້ໆແຫ່ງນຶ່ງ ໃນນະຄອນນິວຢອກ ບ່ອນທີ່ກະສັດຊາອຸດີອາຣາເບຍ ຊົງພວມພັກຟື້ນຈາກການຜ່າຕັດ.

ເຈົ້າໜ້າທີ່ອະວຸໂສທ່ານນຶ່ງຂອງກະຊວງການຕ່າງປະເທດສະຫະລັດໄດ້ກ່າວເຖິງການພົບ
ປະກັບກະສັດ Abdullah ໃນຄືນວັນສຸກວານນີ້ວ່າ ເປັນການໄປຢ້ຽມຢາມ ເພື່ອມາລະ
ຍາດທໍ່ນັ້ນ.

XS
SM
MD
LG