ລິ້ງ ສຳຫລັບເຂົ້າຫາ

ວັນອັງຄານ, ໐໕ ມີນາ ໒໐໒໔

ຜູ້ນໍາຂອງສະຫະລັດ ຮຽກ​ຮ້ອງໃຫ້ສະມາຊິກສະພາ ອະນຸມັດຂໍ້ຕົກລົງ ກ່ຽວກັບເພດານໜີ້ສິນ


ປະທານາທິບໍດີສະຫະລັດ ທ່ານໂຈ ໄບເດັນ ກ່າວປາໄສຢູ່ຫ້ອງ Roosevelt ຂອງທໍານຽບຂາວ ໃນນະຄອນຫຼວງວໍຊິງຕັນ, ວັນທີ 28 ພຶດສະພາ 2023. ທ່ານໄບເດັນ ແລະປະທານສະພາຕໍ່າ ທ່ານເຄວິນ ແມັກຄາທີ ໄດ້ບັນລຸຂໍ້ຕົກລົງຂັ້ນສຸດທ້າຍໃນວັນອາທິດແລ້ວນີ້ ເພື່ອຍົກລະດັບເພດານໜີ້ສິນຂອງປະເທດ.
ປະທານາທິບໍດີສະຫະລັດ ທ່ານໂຈ ໄບເດັນ ກ່າວປາໄສຢູ່ຫ້ອງ Roosevelt ຂອງທໍານຽບຂາວ ໃນນະຄອນຫຼວງວໍຊິງຕັນ, ວັນທີ 28 ພຶດສະພາ 2023. ທ່ານໄບເດັນ ແລະປະທານສະພາຕໍ່າ ທ່ານເຄວິນ ແມັກຄາທີ ໄດ້ບັນລຸຂໍ້ຕົກລົງຂັ້ນສຸດທ້າຍໃນວັນອາທິດແລ້ວນີ້ ເພື່ອຍົກລະດັບເພດານໜີ້ສິນຂອງປະເທດ.

ສະມາຊິກສະພາສະຫະລັດ ກໍາລັງກວດກາລາຍລະອຽດຂອງຂໍ້ຕົກລົງ ເພື່ອຍົກລະດັບຂີດຈໍາກັດໃນການກູ້ຢືມຂອງປະເທດ ກ່ອນການລົງມະຕິ ທີ່ຄາດວ່າຈະມີຂຶ້ນໃນອີກບໍ່ເທົ່າໃດມື້ທີ່ຈະມາເຖິງນີ້, ໃນຂະນະທີ່​ທັງປະທານາທິບໍດີໂຈ ໄບເດັນ ແລະປະທານສະພາຕໍ່າ ທ່ານເຄວິນ ແມັກຄາທີ ​ຮຽກ​ຮ້ອງໃຫ້ພວກ​ເຂົາ​ເຈົ້າ ໃຫ້ ການອະນຸມັດ ຕໍ່ຂໍ້ຕົກລົງດັ່ງກ່າວ.

ຂໍ້ສະ​ເໜີເຫຼົ່ານັ້ນລວມມີ ການຍົກເວັ້ນເພດານໜີ້ສິນໃນຈໍານວນເງິນ 31.4 ພັນຕື້ ໄປຈົນຮອດເດືອນມັງກອນ ປີ 2025 ແລະຂໍ້ຕົກລົງງົບປະມານ 2 ປີ ທີ່ຍັງ​ຈະຮັກສາ​ລະ​ດັບ​ການໃຊ້ຈ່າຍງົບປະມານປະຈໍາປີ ຂອງລັດຖະບານກາງ ເຊິ່ງ​ຈະເລີ້ມຕົ້ນໃນເດືອນຕຸລາ ແລະເພີ້ມຂຶ້ນ 1 ເປີເຊັນ ໃນອີກ 12 ເດືອນຂອງປີ 2025.

Amid Some Objections, Confidence on US Debt Ceiling Deal Grows
please wait

No media source currently available

0:00 0:02:35 0:00

ພາກສ່ວນອື່ນໆຂອງແຜນ​ການ​ປະ​ນີ​ປະ​ນ້ອມ​ກັນນັ້ນລວມມີ ການຫຼຸດການຈ້າງງານຂອງເຈົ້າ​ໜ້າ​ທີ່ ຢູ່ທີ່ກົມຈັດເກັບພາສີຂອງປະເທດ, ​ການ​ບັງ​ຄັບ​ໃຫ້ລັດຖະ ບານລັດ ຕ້ອງໄດ້ສົ່ງເງິນຊ່ວຍເຫຼືອຈໍານວນ 30 ຕື້ໂດລາ ທີ່ບໍ່ໄດ້ໃຊ້ຈ່າຍໃນຊ່ວງການລະບາດໃຫຍ່ຂອງພະຍາດໄວຣັສໂຄໂຣນາ ຄືນໃຫ້ລັດຖະບານກາງ ແລະຂະຫຍາຍຊ່ວງອາຍຸຈາກ 50 ມາເປັນ 54 ສໍາລັບຜູ້ທີ່ຕ້ອງເຮັດວຽກ ເພື່ອ​ຈະ​ໄດ້ຮັບການຊ່ວຍເຫຼືອທາງດ້ານອາຫານ.

ທ່ານໄບເດັນ ແລະ ທ່ານແມັກຄາທີ ໄດ້ບັນລຸຂໍ້ຕົກລົງດັ່ງກ່າວໃນຕອນແລງວັນອາທິດແລ້ວນີ້ ລຸນຫຼັງການ​ເຈ​ລະ​ຈາມາເປັນເວລາຫຼາຍອາທິດ.

ອ່ານຂ່າວນີ້ເປັນພາສາອັງກິດ

XS
SM
MD
LG