ບັນດາສະມາຊິກລັດຖະສະພາສະຫະລັດຕຽມພ້ອມທີ່ຈະທໍາການຮັບຟັງຄຳ ໃຫ້ການກ່ຽວກັບການໂຈມຕີສະຖານກົງສຸນສະຫະລັດທີ່ເມືອງ Benghazi ປະເທດລິເບຍ ທີ່ຍັງຜົນໃຫ້ເອກອັກຄະລັດຖະທູດສະຫະລັດ ແລະຊາວອາເມຣິກັນອີກສາມຄົນເສຍຊີວິດ.
ກ່ອນໜ້າການຮັບຟັງຄຳໃຫ້ການດັ່ງກ່າວ ເມື່ອວັນພຸດມື້ນີ້ ໂດຍຄະນະກໍາມະການຂອງສະພາຕໍ່າ ຊຶ່ງນໍາໂດຍພັກຣີພັບບລິກັນ ທີ່ກໍາກັບດູແລ ແລະການປະຕິຮູບຂອງລັດຖະບານນັ້ນ ບັນດາເຈົ້າໜ້າທີ່ອາວຸໂສກະຊວງຕ່າງ ປະເທດກໍໄດ້ມອບລາຍລະອຽດກ່ຽວກັບການໂຈມຕີເມື່ອວັນທີ່ 11 ກັນຍາ ແກ່ນັກຂ່າວ.
ບັນດາເຈົ້າໜ້າທີ່ ທີ່ບໍ່ຂໍເປີດເຜີຍຊື່ ເວົ້າວ່າ ບໍ່ມີຫຍັງທີ່ຜິດປົກກະຕິເລີຍຢູ່ທີ່ສະຖານກົງສຸນກ່ອນການໂຈມຕີ ແລະວ່າ ພວກເຂົາເຈົ້າກໍບໍ່ໄດ້ກ່າວສະລຸບວ່າການໂຈມຕີທີ່ວ່ານີ້ແມ່ນເກີດຈາກການປະທ້ວງຕໍ່ຕ້ານວິດີໂອໝິ່ນປະ ໝາດສາສະໜາອີສລາມນັ້ນແຕ່ຢ່າງໃດ.
ໃນເບື້ອງຕົ້ນນັ້ນ ລັດຖະບານໄດ້ເຊື່ອມໂຍງເຫດການໂຈມຕີດັ່ງກ່າວໃສ່ກັບການປະທ້ວງ ແຕ່ໄລຍະຕໍ່ມາເຈົ້າໜ້າທີ່ລັດຖະບານເວົ້າວ່າ ມັນເປັນ ການໂຈມຕີທີ່ໄດ້ວາງແຜນໄວ້ລ່ວງໜ້າແລ້ວ. ຂະນະນີ້ກະຊວງຕ່າງປະ ເທດສະຫະລັດ ກໍາລັງທໍາການສືບສວນສອບສວນກ່ຽວກັບເຫດຮ້າຍດັ່ງກ່າວນີ້ຢູ່.
ກ່ອນໜ້າການຮັບຟັງຄຳໃຫ້ການດັ່ງກ່າວ ເມື່ອວັນພຸດມື້ນີ້ ໂດຍຄະນະກໍາມະການຂອງສະພາຕໍ່າ ຊຶ່ງນໍາໂດຍພັກຣີພັບບລິກັນ ທີ່ກໍາກັບດູແລ ແລະການປະຕິຮູບຂອງລັດຖະບານນັ້ນ ບັນດາເຈົ້າໜ້າທີ່ອາວຸໂສກະຊວງຕ່າງ ປະເທດກໍໄດ້ມອບລາຍລະອຽດກ່ຽວກັບການໂຈມຕີເມື່ອວັນທີ່ 11 ກັນຍາ ແກ່ນັກຂ່າວ.
ບັນດາເຈົ້າໜ້າທີ່ ທີ່ບໍ່ຂໍເປີດເຜີຍຊື່ ເວົ້າວ່າ ບໍ່ມີຫຍັງທີ່ຜິດປົກກະຕິເລີຍຢູ່ທີ່ສະຖານກົງສຸນກ່ອນການໂຈມຕີ ແລະວ່າ ພວກເຂົາເຈົ້າກໍບໍ່ໄດ້ກ່າວສະລຸບວ່າການໂຈມຕີທີ່ວ່ານີ້ແມ່ນເກີດຈາກການປະທ້ວງຕໍ່ຕ້ານວິດີໂອໝິ່ນປະ ໝາດສາສະໜາອີສລາມນັ້ນແຕ່ຢ່າງໃດ.
ໃນເບື້ອງຕົ້ນນັ້ນ ລັດຖະບານໄດ້ເຊື່ອມໂຍງເຫດການໂຈມຕີດັ່ງກ່າວໃສ່ກັບການປະທ້ວງ ແຕ່ໄລຍະຕໍ່ມາເຈົ້າໜ້າທີ່ລັດຖະບານເວົ້າວ່າ ມັນເປັນ ການໂຈມຕີທີ່ໄດ້ວາງແຜນໄວ້ລ່ວງໜ້າແລ້ວ. ຂະນະນີ້ກະຊວງຕ່າງປະ ເທດສະຫະລັດ ກໍາລັງທໍາການສືບສວນສອບສວນກ່ຽວກັບເຫດຮ້າຍດັ່ງກ່າວນີ້ຢູ່.
