ລິ້ງ ສຳຫລັບເຂົ້າຫາ

ລັດຖະສະພາສະຫະລັດ ​​​ຢຸດພັກສະຫຼອງ ຄຣິສມັສ ແລະປີໃໝ່ ຫຼັງຈາກເສັດ​ສິ້ນ ​ວຽກງານປະ​ຈໍາປີ (ວີດີໂອ)


ລັດຖະສະພາສະຫະລັດ ​ໄດ້ເສັດ​ສິ້ນ​ວຽກງານ ປະ​ຈໍາປີຂອງ​ຕົນ
​ແລະ​ໄດ້​ຢຸດ​ພັກ​ທ້າຍ​ປີ​ແລ້ວ. ກ່ອນ​ການ​ເດີນທາງ​ອອກ​ຈາກນະ
ຄອນຫລວງ ວໍ​ຊິງ​ຕັນ ບັນດາ​ຜູ້​ແທນ​ສະພາ ​ໄດ້ຂີດ​ເສັ້ນ​ ສໍາ​ລັບ
​ການ​ຕໍ່ສູ້​ທາງ​ການ​ເມືອງ​ ໃນ​ປີ 2014 ຊຶ່ງ​ເປັນ​ປີ​ເລືອກ​ຕັ້ງ​ເອົາ ​
ສະມາຊິກ​ສະພາຕໍ່າ​ໃໝ່ ​ທັງ​ໝົດ ​ແລະ​ນຶ່ງ​ສ່ວນ​ສາມ​ຂອງສະ
ມາຊິກ​ສະພາ​ສູງ​ ທີ່​ມີ​ກໍານົດ​ດໍາລົງ​ຕໍາ​ແໜ່​ງ 6 ປີ ​ໃນ​ຂະນະ​ທີ່
​ສະມາຊິກ​ສະພາ​ຕໍ່າ ມີ 2 ປີ​ນັ້ນ.

ນຶ່ງ​ໃນຫລາຍໆວຽກ​ງານອັນສຸດ​ທ້າຍ ຂອງລັດຖະສະພາ ໃນ​ປີ
2013 ນີ້ ​ກໍ​ຄື ຜ່ານ​ງົບປະມານສອງ​ປີ ຂອງລັດ​ຖະບານ​ກາງ ທີ່
​ໄດ້​ຮັບ​ຄວາມ ​ເຫັນ​ດີ​ຈາກ​ທັງສອງ​ກໍ້າ​ສອງຝ່າຍ. ​ແຕ່​ວ່າພັກ​ເດ
​ໂມແຄຣັດ ​ກັບ​ພັກຣີ ພັບ​ບລິ​ກັນ ຈະສືບ​ຕໍ່​ຮ່ວມໄມ້​ຮ່ວມມື ນໍາ​ກັນ​ອີກຫລືບໍ່​ ໃນ​ປີ​ຕໍ່​ໜ້າ​ນີ້?
ຄິດ​ວ່າ ຄົງຈະ​ບໍ່​ ຖ້າ​ອິງ​ຕາມ ຄວາມ​ເຫັນກ່ອນ​ຈາກ​ວໍ​ຊິງ​ຕັນໄປ​ ຂອງ ພວກ​ຜູ້​ແທນ​ບາງ​ຄົນ.

ພັກ​ເດ​ໂມ​ແຄຣັດ ​ແມ່ນຢາກ​ສຸມ​ໃສ່ ການຫາ​ທາງ​ແກ້​ໄຂ ​ຊ່ອງ​ວ່າງ​ທີ່​ຂະຫຍາຍກວ້າງ​
ອອກ​ເລື້ອຍໆ ລະຫວ່າງຊາວ​ອາ​ເມຣິກັນ ທີ່​ຮັ່ງ​ມີ ​ແລະ​ພວກ​ຊົນ​ຊັ້ນ​ກໍາມາຊີບ. ຜູ້​ແທນ​ສະພາ​ສູງ Richard Durbin ​ ກ່າວວ່າ:

“​ເວລາ​ພວກ​ເຮົາ​ກັບ​ຄືນ​ມາ​ເຮັດ​ວຽກ ​ໃນ​ປີໜ້າ ພວກ​ເຮົາ​ຈໍາ​ເປັນ​ຕ້ອງ​ໄດ້ ​ເອົາ​ບັນ
ຫາ​ຂອງ​ພວກ​ຄອບຄົວ ທີ່​ເຮັດ​ວຽກ​ອອກແຮ​ງງານ​ນັ້ນ​ເປັນ ວຽກ​ບູລິ​ມະ​ສິດ​ສູງ​ສຸດ​
ຂອງ​ພວກ​ເຮົາ.”


ຝ່າຍ​ພັກ​ຣີພັບ​ບລິ​ກັນນັ້ນ ບໍ່​ເຫັນ​ດີນໍາ. ​ໃນ​ຂະນະ​ທີ່ ພັກ​ເດ​ໂມ​ແຄ​ຣັດ ກະ​ຕືລື​ລົ້ນ​ຢາກເອົາ
​ເລື້ອງ​ບັນຫາ​ເສດຖະກິດຂອງ​ມະຫາຊົນ ​ເຂົ້າເປັນ​ຫົວ​ຂໍ້​ໃຫຍ່ ຂອງການ​ເລືອກ​ຕັ້ງປີ 2014
ນັ້ນ ຜູ້​ແທນ​ສະພາ​ສູງສັງກັດ​ພັກຣີພັບ​ບລິ​ກັນ ທ່ານ Tom Coburn ​ຍັງ​ເຈາະ​ຈົງໃສ່ບັນຫາ
​ການ​ເງິນ​ຂອງສະຫະລັດ ຊຶ່ງ​ທ່ານ​ກ່າວວ່າ:

“ຖ້າ​ຫາກ​ທ່ານ​ເບິ່ງການ​ຂາດ​ດຸນ​ງົບປະມານ ຈໍານວນ 700 ພັນ​ລ້ານ​ຫລື 700 ຕື້
ໂດ​ລ່າ​ ​ແລະ​ໜີ້​ສິນ​ຂອງ​ຊາດ ຈໍານວນເກືອບ 18 ພັນ​ຕື້​ນັ້ນ​ແລ້ວ ພວກ​ຜູ້​ໃຫຍ່​ບາງ​
ຄົນ​ໃນ​ຫ້ອງ​ນີ້ ຕ້ອງ​ໄດ້​ຖາມ​ວ່າ ພວກ​ເຮົາ​ໃຊ້ຈ່າຍ​ເງິນ​ ຢ່າງ​ສະຫລາດ​ຮອບ​ຄອບ
​ແລະ​ຢ່າງ​ມີ​ປະສິດທິ​ຜົນ​ຫລື​ບໍ່?”


​ແລະ​ພັກຣີພັບ​ບລິ​ກັນ ຈະ​ເຕືອນ​ບັນດາ​ຜູ້​ປ່ອນ​ບັດ ​ເຖິງ​ຄວາມ​ຂາດ​ຕົກ​ບົກ​ຜ່ອງຂອງ​ກົດ
ໝາຍຮັກສາ​ສຸຂະພາບ ຂອງປະທານາທິບໍດີ Barack Obama. ຜູ້​ແທນ​ສະພາ​ສູງ John
Thune ກ່າວ​ວ່​າ:

“ພວກຜູ້​ແທນ​ພັກ​ເດ​ໂມແຄຣັດ ​ແລະ​ປະທານາທິບໍ​ດີ ​ໄດ້​ໃຫ້​ຄໍາ​ໝັ້ນ​ສັນຍາ​ແກ່ປະຊາຊົນ
​ອາ​ເມຣິກັນ. ​ເຂົາ​ເຈົ້າ​ກ່າວ​ວ່າ “ພວກ​ເຮົາ​ຈະ​ເຮັດ​ໃຫ້ ການ​ຮັກສາ​ສຸຂະພາບ ຖືກ​ສໍາລັບ
​ທຸກໆ​ຄົນ.” ແຕ່​ວ່າ ຕາບ​ໃດ​ທີ່​ຍັງມີ​ກົດໝາຍ​ປະກັນ​ໄພ​ສຸຂະພາບ​ຂອງ ທ່ານ Obama ຢູ່
​ ຄໍາ​ໝັ້ນ​ສັນຍາ​ດັ່ງກ່າວ​ນັ້ນ ກໍ​ແມ່ນ​ຈະ​ບໍ່​ໄດ້​ຮັບ​ການ​ປະຕິບັດ​ຕາມ ສືບ​ຕໍ່​ໄປ.”
XS
SM
MD
LG