ໃນວັນພຸດວານນີ້ ປະທານາທິບໍດີສະຫະລັດ ທ່ານ
Barack Obama ໄດ້ສັນລະເສີນພວກໄດ້ຮັບເຄາະຮ້າຍ
ຈາກການຍິງອາລະວາດຢູ່ລັດ Arizona ທາງພາກຕາເວັນ
ຕົກສຽງໃຕ້ຂອງສະຫະລັດທີ່ໄດ້ເຮັດໃຫ້ 6 ຄົນ ເສຍຊີວິດ
ແລະອີກ 13 ຄົນໄດ້ຮັບບາດເຈັບ.
ທ່ານ Barack Obama ເວົ້າວ່າພວກເຄາະຮ້າຍດັ່ງກ່າວ
ເປັນຕົວແທນໃຫ້ “ສິ່ງທີ່ດີທີ່ສຸດຢູ່ໃນອາເມຣິກາ” ໃນຂະນະ
ທີ່ທ່ານກ່າວຄຳປາໃສຕໍ່ຄົນຫລາຍໆພັນຄົນທີ່ໄປໂຮມຊຸມນຸມ
ກັນຢູ່ບ່ອນໄວ້ອາໄລ ທີ່ມະຫາວິທະຍາໄລ ລັດ Arizona
ໃນເມືອງ Tucson.
ຄຳປາໃສຂອງທ່ານຈຸດໜັກແມ່ນເພັ່ງເລັງໃສ່ 6 ຄົນທີ່
ເສຍຊີວິດໄປ ລວມທັງເດັກຍິງອາຍຸ 9 ປີທີ່ຖືກຂ້າຕາຍ
ໃນວັນເສົາແລ້ວນີ້ ໃນຂະນະທີ່ທ່ານນາງ Gabrielle
Giffords ຜູ້ແທນສະພາຕໍ່າກຳລັງພົບປະກັບພວກປະຊາຊົນຈາກເຂດເລືອກຕັ້ງຂອງທ່ານ
ນາງ ຢູ່ນອກຮ້ານຄ້າແຫ່ງນຶ່ງ. ທ່ານນາງ Giffords ໄດ້ຮັບບາດເຈັບສາຫັດຍ້ອນຖືກຍິງທີ່
ຫົວ ແລະກຳລັງພັກຟື້ນຢູ່ໂຮງໝໍແຫ່ງນຶ່ງ.
ໃນຄຳປາໃສຂອງທ່ານຕອນນຶ່ງນັ້ນ ທ່ານ Obama ເວົ້າວ່າ ທ່ານໄດ້ຮັບແຈ້ງໃຫ້ຊາບວ່າ
ທ່ານນາງ Giffords ໃຫ້ມືນຕາຂຶ້ນເປັນເທື່ອທຳອິດໃນເວລາທີ່ນອນຢູ່ໂຮງໝໍ ໃນວັນພຸດ
ວານນີ້ ບໍ່ດົນລຸນຫລັງທີ່ທ່ານ ແລະພັນລະຍາຂອງທ່ານໄດ້ ໄປຢ້ຽມທ່ານນາງ.
