ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ສະມາຊິກຍິງຂອງສະພາຕໍ່າ ສະຫະລັດຖືກຍິງຢູ່ ລັດອາຣີໂຊນາ


ມີການຈຸດທຽນເພື່ອໄຫວ້ວອນໃຫ້ ທ່ານນາງ Gabrielle Giffords ຜູ້ແທນສັງກັດພັກເດໂມແກຣັດ ປະຈຳລັດ Arizona ຢູ່ນອກສູນກາງການແພດຂອງມະຫາວິທະຍາໄລ Tucson ທີ່ເມືອງ Tucson ລັດ Arizona, ຄືນວັນທີ 8 ມັງກອນ 2011, ເພື່ອໃຫ້ທ່ານນາງລອດພົ້ນຈາກອັນຕະລາຍ ແລະຫາຍດີ.
ມີການຈຸດທຽນເພື່ອໄຫວ້ວອນໃຫ້ ທ່ານນາງ Gabrielle Giffords ຜູ້ແທນສັງກັດພັກເດໂມແກຣັດ ປະຈຳລັດ Arizona ຢູ່ນອກສູນກາງການແພດຂອງມະຫາວິທະຍາໄລ Tucson ທີ່ເມືອງ Tucson ລັດ Arizona, ຄືນວັນທີ 8 ມັງກອນ 2011, ເພື່ອໃຫ້ທ່ານນາງລອດພົ້ນຈາກອັນຕະລາຍ ແລະຫາຍດີ.

ພວກ​ເຈົ້າໜ້າທີ່ສືບ​ສວນ​ເຫດ​ການ​ຍິງ​ກັນ​ຕາຍ​ໃນວັນ​ເສົາ
ວານ​ນີ້ຢູ່​ທີ່​ລັດ Arizona, ທາງ​ພາກ​ຕາ​ເວັນ​ຕົກສຽງ​ໃຕ້​ຂອງ​
ສະຫະລັດ​ເວົ້າວ່າ ​ພວກ​ເຂົາ​ເຈົ້າ​ເຊື່ອ​ວ່າເປົ້າໝາຍຂອງການ
ໂຈມຕີ​ຄັ້ງນີ້​ ແມ່ນຜູ້​ແທນ​ສະພາ​ຕໍ່າຜູ້ຍິງ​ຄົນ​ນຶ່ງ.

ທ່ານ Clarence Dupnik ເຈົ້າໜ້າທີ່​ຕໍາຫລວດທ້ອງ​ຖິ່ນທີ່​
ກ່ຽວຂ້ອງ​ກັບຄະດີນີ້ ​ໄດ້​ບອກພວກ​ນັກຂ່າວໃນ​ແລງ​ວັນ
ເສົາວານ​ນີ້ວ່າ ປາກົດ​ວ່າ ຜູ້​ຊາຍທີ່ຕ້ອງສົງ​ໃສວ່າ​ເປັນ​ມື​ປືນ
ນັ້ນ ​ມີເຈດ​ຕະນາ​ທີ່​ຈະ​ລອບ​ສັງຫານຜູ້​ແທນ​ສັງກັດ​ພັກ​ເດ​ໂມ
ແກຣັດ, ທ່າ​ນນາງ Gabrielle Giffords ເວລາຜູ້ກ່ຽວ​ທໍາ​
ການໂຈມ​ຕີຢູ່ຂ້າງ​ນອກຮ້ານຕະຫລາດແຫ່ງ​ນຶ່ງ ຢູ່​ໃນ​ເຂດ​
ເລືອກ​ຕັ້ງຂອງ​ທ່ານ​ນາງ ຊຶ່ງ​ໄດ້​ເອົາຊີວິດ​ 6 ຄົນ ລວມທັງ
ຜູ້​ພິພາກສາ​ຂອງ​ລັດຖະບານ​ກາງ​ຜູ້​ນຶ່ງ ​ແລະ​ເດັກຍິງ​ອາຍຸ 9 ປີ ​ຜູ້​ນຶ່ງ.

ຜູ້​ແທນ Giffords ທີ່​ມີ​ອາຍຸ 40 ປີ ກຳລັງ​ພົບ​ປະ​ກັບພວກ
ປະຊາຊົນ​ຈາກເຂດເລື​ອກຕັ້ງຂອງທ່ານ​ນາງ ຢູ່​ນອກຮ້ານຄ້າ​ແຫ່ງ​ນັ້ນ ​ໃນເວລາ​ທີ່​ຄົນຮ້າຍຍິງປືນ ​ຮວດ​ໄປ​ໃສ່​ ​ແລະ​ຖືກ
19 ຄົນ.

ມາ​ຮອດຕອນ​ເຊົ້າມືດວັນ​ອາທິດ​ມື້ນີ້ ຫລື​ບ່າຍ​ວັນ​ເສົາ​ໃນ​ເມືອງ​ລາວ ທ່ານ​ນາງ Giffords
ຍັງ​ໄດ້ຮັບການ​ປິ່ນປົວ​ຢ່າງຂຸ້ນຂ້ຽວຢູ່ ລຸນຫລັງ​ທີ່​ໄດ້​ຖືກ​ຍິງ​ທີ່​ຫົວ. ​ພວກເຈົ້າໜ້າທີ່​ການ
ແພດ​ເວົ້າວ່າ ພວກ​ເຂົາ​ເຈົ້າມີ​ຄວາມ​ຫວັງ​ວ່າ ທ່ານ​ນາງ​ຈະ​ມີ​ຊີວິດ​ລອດ​ໄດ້.

ຜູ້​ທີ່​ຮູ້​ເລື້ອງ​ກ່ຽວ​ກັບ​ການ​ສືບ​ສວນຄະດີ​ນີ້ ເວົ້າວ່າທ້າວ Jared Loughner ​ອາຍຸ 22 ປີ
ເປັນ​ຜູ້​ທີ່​ທາງ​ການ​ສົງ​ໃສວ່າ​ເປັນ​ຜູ້ທໍາ​ການ​ໂຈມ​ຕີ​ນີ້​ ​ແລະ​ຜູ້ກ່ຽວ​ໄດ້​ຖືກ​ຄວບ​ຄຸມ​ໂຕ​ໄວ້​ແລ້ວ.


XS
SM
MD
LG