ໂດຍການກ່າວວ່າ ການຈາລະກຳທາງເສດຖະກິດຂອງຈີນ ເປັນໄພຂົ່ມຂູ່ທີ່ຮ້າຍແຮງ
ຕໍ່ຜົນປະໂຫຍດແຫ່ງຊາດສະຫະລັດ ລັດຖະມົນຕີຍຸຕິທຳ ແຈັຟ ແຊັສສັນ ໄດ້ປະກາດ
ໃນວັນພະຫັດວານນີ້ ທີ່ເປັນການຂໍ້ລິເລີ້ມໃໝ່ ຂອງກະຊວງຍຸຕິທຳ ເພື່ອຮັບມືກັບການ
ລັກຂະໂມຍທີ່ມີຢ່າງແຜ່ກວ້າງຂອງຈີນ ກ່ຽວກັບຊັບສິນດ້ານສະຕິປັນຍາ.
ທ່ານແຊັສສັນກ່າວວ່າ ຂໍ້ລິເລີ້ມໃໝ່ກ່ຽວກັບຈີນ “ຈະລະບຸບັນດາຄະດີການລັກຂະໂມຍ
ທີ່ເປັນບູລິມະສິດຂອງຈີນ ເພື່ອໃຫ້ການຄ້ຳປະກັນວ່າພວກເຮົາມີຊັບພະຍາກອນພຽງພໍ
ສຳລັບໃຫ້ແກ່ເຂົາເຈົ້າ ແລະໃຫ້ເປັນທີ່ແນ່ນອນວ່າ ພວກເຮົາຈະນຳເຂົາເຈົ້າມາຕັດສິນ
ລົງໂທດຢ່າງເໝາະສົມ ວ່ອງໄວ ແລະໄດ້ຜົນ.” ທ່ານຍັງໄດ້ເປີດເຜີຍວ່າຄະນະຕຸລາການ
ໄດ້ຟ້ອງຮ້ອງ ໃນຄະດີໃໝ່ກ່ຽວກັບການຈາລະກຳທາງດ້ານເສດຖະກິດຂອງຈີນ.
ອີງຕາມ ການຟ້ອງຮ້ອງທີ່ໄດ້ຍື່ນໃນວັນທີ 27 ເດືອນກັນຍາທີ່ຜ່ານມາ ແຕ່ໄດ້ເປີດເຜີຍ
ໃນວັນພະຫັດວານນີ້ ບໍລິສັດຟູຈຽນ ຈິນຫົວ ອິນເຕີເກຣດ ເຊີເກິດ ຈຳກັດ ຊຶ່ງເປັນບໍລິ
ສັດລັດວິສາຫະກິດ ບໍລິສັດ ຢູໄນເຕັດ ໄມໂກຣເລັກໂຕຣນິກສ໌ ຄໍໂປເຣຊັນ (UMC)
ຊຶ່ງເປັນບໍລິສັດເຊມີຄອນດັກເຕີຂອງໄຕ້ຫວັນ ທີ່ຢູ່ໃນລາຍຊື່ຕະຫຼາດຊື້ຂາຍຮຸ້ນ ຂອງ
ນິວຢອກ ແລະຊາວໄຕ້ຫວັນອີກສາມຄົນ ໄດ້ສົມຮູ້ຮ່ວມຄິດເພື່ອລັກເອົາຄວາມລັບທາງ
ດ້ານການຄ້າຈາກບໍລິລິສັດໄມກຣອນ ເທັກໂນໂລຈີ ທີ່ນຳໜ້າອຸດສາຫະກຳ ສ້າງເຊມີ
ຄອນດັກເຕີຂອງສະຫະລັດ.
ໃນການຖະແຫຼງທີ່ກອງປະຊຸມນັກຂ່າວໃນນະຄອນຫຼວງວໍຊິງຕັນ ທ່ານແຊັສສັນ ໄດ້
ກ່າວວ່າ ການເອົາບາດກ້າວເພີ້ມຂຶ້ນຂອງລັດຖະບານທ່ານທຣຳທີ່ຈະລົງໂທດ ຄະດີ
ຈາລະກຳຂອງຈີນ ຫຼັງຈາກ ໄດ້ມີການຈັບກຸມດັ່ງກ່າວ ລະຫວ່າງຊຸມປີສຸດທ້າຍຂອງລັດ
ຖະບານປະທານາທິບໍດີໂອບາມາ. ນັບແຕ່ເລີ້ມຕົ້ນຂອງປີ 2017 ທ່ານແຊັສສັນກ່າວວ່າ
ກະຊວງຍຸຕິທຳໄດ້ກ່າວຫາສາມຄົນ ທີ່ສອດແນມໃຫ້ຈີນ ແລະກຳລັງດຳເນີນຫ້າຄະດີ
ກ່ຽວກັບການຈາລະກຳທາງເສດຖະກິດຈີນ.
ທ່ານແຊັສສັນ ກ່າວວ່າ “ໃນຄະດີນີ້ ແລະຄະດີອື່ນໆຫວ່າງມໍ່ໆມານີ້ໄດ້ສະແດງໃຫ້ເຫັນ
ເຖິງການຈາລະກຳທາງເສດຖະກິດຂອງຈີນ ຕໍ່ສະຫະລັດໄດ້ເພີ້ມຂຶ້ນ ແລະໄດ້ເພີ້ມຂື້ນ
ຢ່າງວ່ອງໄວ.”
ຂໍ້ລິເລີ້ມໃໝ່ກ່ຽວກັບຈີນ ຈະຢູ່ພາຍໃຕ້ການນຳພາຂອງຮອງລັດຖະມົນຕີຍຸຕິທຳ ຮັບຜິດ
ຊອບດ້ານຄວາມໝັ້ນຄົງແຫ່ງຊາດ ທ່ານຈອນ ເດີເມີສ ແລະປະກອບດ້ວຍເຈົ້າໜ້າທີ່
ຂັ້ນສູງຂອງອົງການສັນຕິບານກາງຄົນນຶ່ງ ທະນາຍຄວາມສະຫະລັດຫ້າຄົນ ແລະ
ພວກເຈົ້າໜ້າທີ່ຂັ້ນສູງຂອງກະຊວງອີກຫຼາຍຄົນ.
