ໃນໂອກາດວັນຄົບຮອບ 55 ປີຂອງການສ້າງຕັ້ງຄວາມສຳ
ພັນລະຫວ່າງສະຫະລັດກັບ ສປປ ລາວໃນວັນອັງຄານມື້ນີ້
ລັດຖະມົນຕີການຕ່າງປະເທດສະຫະລັດ ທ່ານນາງ
HILLARY CLINTON ໄດ້ອອກຖະແຫຼງຂ່າວສະບັບນຶ່ງ
ມີໃຈຄວາມດັ່ງຕໍ່ໄປນີ້:
“ໃນນາມປະທານາທິບໍດີບາຣັກໂອບາມາແລະປະຊາ
ຊົນອະເມຣິກັນຂ້າພະເຈົ້າຂໍສົ່ງຄວາມປາດຖະໜາດີ
ມາຍັງສາທາລະນະລັດປະຊາທິປະໄຕປະຊາຊົນລາວ
ຂະນະທີ່ພວກເຮົາສະເຫຼີມສະຫຼອງວັນຄົບຮອບ 55
ປີ ນການສ້າງຕັ້ງຄວາມສຳພັນທາງດ້ານການທູດລະຫວ່າງປະເທດຂອງ
ພວກເຮົາທັງສອງໃນວັນທີ 10 ສິງຫານີ້.
ໃນໂອກາດດັ່ງກ່າວນີ້ສະຫະລັດຂໍຢືນຢັນອີກຄັ້ງນຶ່ງເຖິງຄວາມໝາຍໝັ້ນຕັ້ງໃຈ
ຂອງພວກເຮົາຕໍ່ການພັດທະນາປະເທດລາວ ດ້ວຍຄວາມສັນຕິແລະວັດທະນາ
ຖາວອນ ແລະຄວາມມຸ່ງມາດປາດຖະໜາຂອງພວກເຮົາທີ່ຈະດຳເນີນງານຮ່ວມ
ກັນໃນຖານະພາຄີ ໃນຂົງເຂດວຽກງານຕ່າງໆທີ່ພວກເຮົາມີຄວາມເປັນຫ່ວງ
ນໍາກັນ. ພວກເຮົາຂໍຂອບອົກຂອບໃຈນໍາການຊ່ອຍເຫຼືອຂອງລາວຂະນະທີ່
ພວກເຮົາດຳເນີນງານໄປສູ່ການຊອກຄົ້ນຫາຊະເລີຍເສິກແລະທະຫານອະເມ
ຣິກັນທີ່ຫາຍສາບສູນໄປໃນປາງສົງຄາມແລະຂໍເນັ້ນຢໍ້າເຖິງຄວາມໝາຍໝາຍ
ໝັ້ນຕັ້ງໃຈຂອງພວກເຮົາ ທີ່ຈະໃຫ້ການຊ່ອຍເຫຼືອແກ່ລາວໃນການເກັບກູ້
ລະເບີດທີ່ບໍ່ທັນແຕກ. ການຮ່ວມມືຂອງພວກເຮົາໂດຍຜ່ານໂຄງການລິ
ເລີ່ມລຸ່ມແມ່ນໍ້າຂອງເພື່ອປົກປັກຮັກສາສະພາບແວດລ້ອມສ້າງຕັ້ງປະຊາ
ຄົມທີ່ມີພະລານາໄມເຂັ້ມແຂງໃຫ້ການສະໜັບສະໜຸນການສຶກສາແລະ
ພັດທະນາໂຄງລ່າງພື້ນຖານຂອງຂົງເຂດນັ້ນ ແມ່ນເປັນການສະແດງ
ໃຫ້ເຫັນເພີ້ມຕື່ມວ່າປະເທດທັງສອງຂອງພວກເຮົາແລະຂົງເຂດຈະໄດ້ຮັບ
ຜົນປະໂຫຍດແນວໃດຈາກການຮ່ວມມືກັນຢ່າງໃກ້ຊິດນັ້ນ. ຂ້າພະເຈົ້າ
ຫວັງວ່າຈະໄດ້ດຳເນີນງານຮ່ວມກັບລັດຖະບານແລະປະຊາຊົນລາວເພື່ອ
ສືບຕໍ່ເສີມຂະຫຍາຍຄວາມເປັນພາຄີກັນແລະເສີມສ້າງຈາກຜົນສຳເລັດ
ຕ່າງໆທີ່ພວກເຮົາໄດ້ບັນລຸມາແລ້ວນັ້ນ.”
