ລັດຖະມົນຕີການຕ່າງປະເທດສະຫະລັດ ທ່ານນາງ Hillary
clinton ໄດ້ອອກຄໍາຖະແຫລງ ສົ່ງພອນໄປຍັງປະຊາຊົນ
ລາວເນື່ອງໃນໂອກາດຄົບຮອບ 35 ປີຂອງວັນສະຖາປະ
ນາ ສປປລາວ ໃນມື້ນີ້ ຊຶ່ງມີເນື້ອໄນວ່າ:
“ໃນນາມປະທານາທິບໍດີ ໂອບາມາ ແລະປະຊາຊົນອາເມຣິ
ກັນ ຂ້າພະເຈົ້າຂໍສະແດງຄວາມຊົມເຊີຍມາຍັງປະຊາຊົນ
ແຫ່ງສາທາລະນະລັດປະຊາທິປະໄຕປະຊາຊົນລາວໃນວັນ
ຊາດນີ້. ປີນີ້ ສະຫະລັດແລະລາວໄດ້ສະຫລອງວັນຂີດໝາຍ
ຄົບຮອບ 55 ປີແຫ່ງການຜູກສາຍພົວພັນກັນທາງການທູດ
ແລະຂ້າພະເຈົ້າກໍໄດ້ມີກຽດຕ້ອນຮັບຮອງນາຍົກລັດຖະມົນຕີ ທອງລຸນ ສີສຸລິດ ມາຢ້ຽມ
ຢາມກຸງວໍຊິງຕັນ ໃນເດືອນກໍລະກົດຜ່ານມານັ້ນ ຊຶ່ງເປັນການຢ້ຽມຢາມລະດັບສູງສຸດຂອງ
ເຈົ້າໜ້າທີ່ລາວ ນັບແຕ່ປີ 1975 ເປັນຕົ້ນມາ. ໃນຫວ່າງບໍ່ເທົ່າໃດປີຜ່ານມານີ້ ລາວໄດ້ທໍາ
ຄວາມຄືບໜ້າຢ່າງສັງເກດເຫັນໄດ້ ທັງໃນດ້ານການເມືອງ ສັງຄົມແລະເສດຖະກິດແລະສອງ
ປະເທດພວກເຮົາໄດ້ດໍາເນີນການມາຢ່າງຫລວງຫລາຍ ເພື່ອເສີມຂະຫຍາຍຄວາມສໍາພັນ
ສອງຝ່າຍໃຫ້ເຂັ້ມແຂງຂຶ້ນ. ນັບແຕ່ການລົງນາມໃນຂໍ້ຕົກລົງເປີດນ່ານຟ້າຄັ້ງປະວັດສາດ
ທີ່ອໍານວຍຄວາມສະດວກໃຫ້ແກ່ການເດີນທາງລະຫວ່າງປະເທດ ໄປຮອດການເພີ່ມທະວີ
ຄວາມຮ່ວມໄມ້ຮ່ວມມືທາງທະຫານລະຫວ່າງກັນ ແລະການຮ່ວມງານກັນ
ໃນການຕໍ່ຕ້ານການລະບາດຂອງເຊື້ອໂຣກຕິດຕໍ່ນັ້ນ ສະຫະລັດແມ່ນມີຄວາມໝາຍໝັ້ນ
ທີ່ຈະດໍາເນີນງານຮ່ວມກັນກັບລາວ ໃນດ້ານຕ່າງໆທີ່ມີຜົນປະໂຫຍດຮ່ວມກັນ.ພວກເຮົາ
ຈະສືບຕໍໍ່ດໍາເນີນງານຮ່ວມກັນ ເພື່ອລົດຜ່ອນຜົນກະທົບຂອງພວກລະເບີດ ທີ່ຍັງບໍ່ທັນ
ແຕກ ທີ່ຫລົງເຫລືອມາຈາກສົງຄາມໃນເມື່ອກ່ອນ ຮັບມືກັບການທ້າທາຍຕ່າງໆ ທາງ
ດ້ານການສຶກສາແລະສິ່ງແວດລ້ອມໃນຂົງເຂດລຸ່ມແມ່ນໍ້າຂອງ ແລະສົ່ງເສີມການພັດທະນາ
ເສດຖະກິດທີ່ຍືນຍົງ. ໃນອັນທີ່ເປັນພາກສ່ວນນຶ່ງຂອງຄວາມພະຍາຍາມເຫລົ່ານີ້ ກໍຄື
ພວກເຮົາສະໜັບສະໜຸນຄວາມພະຍາຍາມຕ່າງໆຂອງລັດຖະບານລາວ ເພື່ອເຂົ້າຮ່ວມໃນ
ອົງການການຄ້າໂລກນັ້ນ ແລະຈະຈັດຕັ້ງປະຕິບັດສັນຍາການຄ້າລະຫວ່າງສອງປະເທດ
ຂອງພວກເຮົາ ໂດຍເຕັມ.ໃນໂອກາດສະເຫລີມສະຫລອງວັນຊາດນີ້ ຂ້າພະເຈົ້າຂໍອວຍໄຊ
ໃຫ້ພອນ ແກ່ປະຊາຊົນລາວທຸກຖ້ວນໜ້າ ຈົ່ງມີການສະເຫລີມສະຫລອງຢ່າງມ່ວນຊື່ນ
ດ້ວຍສັນຕິພາບແລະຄວາມວັດທະນາຖາວອນ ຕະຫລອດປີທີ່ຈະມາເຖິງນີ້.”
ສະຫະລັດອວຍພອນ ວັນຊາດລາວ
- ສິງ ບູຣົມມະວົງ
