ລິ້ງ ສຳຫລັບເຂົ້າຫາ

logo-print

ສະ​ຫະ​ລັດ ຈັດ ຈີນ ເປັນ​ສັດ​ຕູ​ ທີ່​ອາດເປັນ​ໄປ​ໄດ້ ​ສູງ​ທີ່​ສຸດ


ລັດ​ຖະ​ມົນ​ຕີ​ປ້ອງ​ກັນ​ປະ​ເທດ ສະ​ຫະ​ລັດ ທ່ານ ມາກ ເອ​ສ​ເປີ ກ່າວ​ຄຳ​ປ​າ​ໄສ​ທີ່ກອງ​ປະ​ຊຸມ​ໃຫຍ່​ດ້ານ​ຄວາມ​ໝັ້ນ​ຄົງ ມິວ​ນິກ, ປະ​ເທດ ເຢຍ​ຣະ​ມັນ. 15 ກຸມ​ພາ, 2020.

ປະ​ເທດ ຈີນ ແມ່ນ​ຢູ່​ອັນ​ດັບ​ທີ​ນຶ່ງ​ໃນ​ລາຍ​ຊື່​ສັດ​ຕູ​ທີ່​ອາດ​ເປັນ​ໄປ​ໄດ້​ຂອງ​ທຳ​ນຽບ​ຫ້າ​ແຈ, ອີງ​ຕາມ​ການ​ກ່າວ​ຂອງ​ລັດ​ຖະ​ມົນ​ຕີ​ປ້ອງ​ກັນ​ປະ​ເທດ​ ທ່ານ ມາກ ເອັ​ສ​ເປີ ໃນ​ລະ​ຫວ່າງ​ການ​ກ່າວ​ຄຳ​ປາ​ໄສ​ທີ່ກອງ​ປະ​ຊຸມ​ໃຫຍ່ ​ດ້ານ​ຄ​ວາມ​ໝັ້ນ​ຄົງ ມິວ​ນິກ ທີ່​ປະ​ເທດ ເຢຍ​ຣະ​ມັນ ໃນ​ວັນ​ເສົາ​ວານນີ້.

ທ່ານ ເອັ​ສ​ເປີ ໄດ້​ກ່າວ​ຕໍ່​ບັນ​ດາ​ຜູ້​ນຳ​ໂລກ ແລະ ຜູ້​ບັນ​ຊາ​ການກອງ​ທັບ​ທີ່​ນັ່ງ​ຟັງ​ວ່າ ປັກ​ກິ່ງ ໄດ້​ເປັນ​ໄພ​ຂົ່ມ​ຂູ່​ທີ່​ໃຫຍ່ຫຼວງ​ຕໍ່​ບັນ​ດາ​ປະ​ເທດ​ຕາ​ເວັນ​ຕົກ, ຕາມ​ດ້ວຍ ຣັດ​ເຊຍ, ດັ່ງ​ກັບ​ສິ່ງ​ທີ່​ທ່ານ​ເອີ້ນ​ວ່າ “ປະ​ເທດ​ອັນ​ຕະ​ພານ,” ລວມ​ທັງ ເກົາຫຼີ​ເໜືອ, ອີ​ຣ່ານ ແລະ ພວກ​ກຸ່ມ​ຫົວ​ຮຸນ​ແຮງ.

ທ່ານ ເອັ​ສ​ເປີ ໄດ້​ກ່າວ​ໂດຍ​ອ້າງ​ເຖິງ​ປະ​ທານ​ປະ​ເທດ ຈີນ ທ່ານ ສີ ຈິ່ນ​ຜິງ ວ່າ “ແທ້​ຈິງ​ແລ້ວ, ພາຍ​ໃຕ້​ການ​ປົກ​ຄອງ​ຂອງ​ປະ​ທານ ສີ ຈິ່ນ​ຜິງ, ພັກ​ຄອມ​ມູ​ນິ​ສ ຈີນ ແມ່ນ​ກຳ​ລັງ​ມຸ່ງ​ໜ້າ​ໄປ​ທິດ​ທາງ​ທີ່ບໍ່​ຖືກ​ຕ້ອງ​ຍິ່ງ​ໄວ​ຂຶ້ນກວ່າ​ເກົ່າ. ມັນ​ມີ​ການ​ກົດ​ຂີ່​ຂົ່ມ​ເຫັງ​ພາຍ​ໃນ​ປະ​ເທດ, ມີ​ການ​ປ​ະ​ຕິ​ບັດ​ທາງ​ເສດ​ຖະ​ກິດ​ແບບ​ປຸ້ນ​ສະ​ດົມ​ຫຼາຍ​ຂຶ້ນ, ມີ​ຄວາມ​ເຂັ້ມ​ງວດ​ຂຶ້ນກວ່າ​ເກົ່າ, ແລະ ສິ່ງ​ທີ່​ຂ້າ​ພະ​ເຈົ້າ​ເປັນ​ຫ່ວງຫຼາຍ​ທີ່​ສຸດ​ກໍ​ແມ່ນ, ທ່າ​ທີ​ທາງ​ທະ​ຫານ​ທີ່​ຮຸນ​ແຮງ​ຂຶ້ນກວ່າ​ເກົ່າ.”

ຄຳ​ເຕືອນ​ຕ່າງໆ​ຂອງ​ທ່ານ​ ໄດ້​ຖືກ​ກ່າວ​ຢ້ຳ​ໂດຍ​ລັດ​ຖະ​ມົນ​ຕີ​ການ​ຕ່າງ​ປະ​ເທດ ທ່ານ ໄມ​ຄ໌ ພອມ​ພຽວ, ຜູ້​ທີ່​ໄດ້​ແນ​ເປົ້າ​ໃສ່​ບໍ​ລິ​ສັດ​ໂຄ​ລະ​ຄົມ ຫົວ​ເຫວີຍ ຂອງ​ຈີນ ໃນ​ຕອນ​ເຊົ້າ​ໃນ​ເສົາ​ວານນີ້.

ທ່ານ ພອມ​ພຽວ ໄດ້​ກ່າວ​ໃນ​ນະ​ຄອນ ມິວ​ນິກ ວ່າ “ຫົວ​ເຫວີຍ ແລະ ບໍ​ລິ​ສັດ​ເທັກ​ໂນ​ໂລ​ຈີ​ອື່ນໆ​ທີ່​ໄດ້​ຮັບ​ການ​ສະ​ໜັບ​ສະ​ໜູນ​ໂດຍ ຈີນ ແມ່ນມ້າໂທ​ຣ​ຈານ “ທີ່​ມີ​ຜູ້​ດັກ​ຊຸ້ມ​ທຳ​ຮ້າຍ​ລີ້​ຢູ່​ທາງໃນ” ສຳ​ລັບອົງ​ການ​ສື​ບ​ລັບ ຈີນ. ພວກ​ເຮົາ​ບໍ່​ສາ​ມາດ​ປ່ອຍ​ໃຫ້​ຂໍ້​ມູນ ​ຖືກ​ສົ່ງ​ຜ່ານ​ເຄືອ​ຂ່າຍ​ທີ່​ພວກ​ເຮົາ​ບໍ່​ມີ​ຄວາມ​ໝັ້ນ​ໃຈ​ວ່າ​ພວກ​ເຮົາ​ຈະ​ບໍ່​ຖືກ​ລັກ​ຈີ້​ເອົາ​ໂດຍ​ພັກ​ຄອມ​ມູ​ນິ​ສ ຈີນ, ມັນ​ຍອມ​ຮັບ​ເອົາ​ບໍ່​ໄດ້​ແທ້ໆ.”

ອັງ​ກິດ ເຊິ່ງ​ແມ່ນ​ພັນ​ທະ​ມິດ​ທີ່​ສຳ​ຄັນ​ໄດ້​ປະ​ກາດ​ເມື່ອບໍ່​ດົນ​ມານີ້​ວ່າ ເຂົາ​ເຈົ້າ​ຈະ​ອະ​ນຸ​ຍາດ​ບໍ​ລິ​ສັດ ຫົວ​ເຫວີຍ ໃຫ້​ສ້າງ​ພາກ​ສ່ວນ​ນຶ່ງ​ຂອງ​ເຄືອ​ຂ່າຍ​ໂທ​ລະ​ສັບ​ມື​ຖື 5G ຂອງ​ເຂົາ​ເຈົ້າ, ເຊິ່ງ​ມັນ​ໄດ້​ເຮັດ​ໃຫ້ ວໍ​ຊິງ​ຕັນ ຕົກ​ໃຈ. ບັນ​ດາ​ເຈົ້າ​ໜ້າ​ທີ່​ໃນ​ນະ​ຄອນ ມິວ​ນິກ ໄດ້​ກ່າວ​ວ່າ ສະ​ຫະ​ລັດ ແມ່ນ​ກຳ​ລັງ​ທຳ​ການ​ຜັກ​ດັນ​ທີ່​ຈະພັດ​ທະ​ນາ​ເທັກ​ໂນ​ໂລ​ຈີ 5G ຂອງ​ເຂົາ​ເຈົ້າຂຶ້ນ​ມາ​ເອງ.

ທ່ານ ພອມ​ພຽວ ໄດ້​ປະ​ຕິ​ເສດ​ຄວາມ​ເປັນ​ຫ່ວງ​ຂອງ ຢູ​ໂຣບ ກ່ຽວ​ກັບ ສະ​ພາບ​ຂອງ​ພັນ​ທະ​ມິດ​ຕ​າ​ເວັນ​ຕົກ.

ທ່ານ​ໄດ້​ກ່າວ ກ່ຽວ​ກັບ ອົງ​ການ NATO ວ່າ “ຂ້າ​ພະ​ເຈົ້າ​ຍິນ​ດີ​ທີ່​ຈະ​ລາຍ​ງານ​ວ່າ ການ​ພັງ​ລົງ​ຂອງ​ພັນ​ທະ​ມິດ​ຂ້າມ​ມະ​ຫາ​ສະ​ໝຸດ ແອັດ​ແລນ​ຕິກ ແມ່ນ​ການ​ເວົ້າ​ເກີນ​ຄວາມ​ຈິງ​ເປັນ​ຢ່າງ​ຍິ່ງ. ປະ​ເທດ​ຕາ​ເວັນ​ຕົກ​ແມ່ນ​ກຳ​ລັງ​ໄດ້ຊະ​ນະ​ເລີດ. ພວກເຮົາ​ແມ່ນ​ກຳ​ລັງ​ເຮັດ​ມັນ​ນຳ​ກັນ.”

ລັດ​ຖະ​ມົນ​ຕີ​ການ​ຕ່າງ​ປະ​ເທດ​ຂອງ ຈີນ ທ່ານ ຫວັງ ຢີ້ ກໍ​ໄດ້​ເຂົ້າ​ຮ່ວມກອງ​ປະ​ຊຸມ​ໃຫຍ່ ມິວ​ນິກ ເຊັ່ນ​ກັນ, ທ່ານ​ໄດ້​ກ່າວ​ວ່າ ການ​ກ່າວ​ຫາ​ຂອງ ສະ​ຫະ​ລັດ ກ່ຽວ​ກັບ ບໍ​ລິ​ສັດ ຫົວ​ເຫວີຍ ແມ່ນ​ຄວາມ​ຂີ້​ຕົວະ.

China tops the list of potential adversaries of the Pentagon, U.S. Secretary of Defense Mark Esper said while speaking Saturday at the Munich Security Conference in Germany.

Esper told the audience of world leaders and military chiefs that Beijing posed the greatest threat to the West, followed by Russia, what he called "rogue states," including North Korea and Iran, and extremist groups.

"In fact, under President Xi's rule, the Chinese Communist Party is heading even faster and further in the wrong direction. More internal repression, more predatory economic practices, more heavy-handedness, and most concerning for me, a more aggressive military posture," Esper said, referring to Chinese President Xi Jinping.

His warnings were echoed by Secretary of State Mike Pompeo, who earlier Saturday took aim at Chinese telecom firm Huawei.

"Huawei and other Chinese-backed tech companies are Trojan horses for Chinese intelligence," Pompeo said in Munich. "We can't let information go across networks that we don't have confidence won't be hijacked by the Chinese Communist Party. It's just unacceptable."

Key ally Britain announced recently that it would allow Huawei to build sections of its 5G mobile network, to Washington's dismay. Officials in Munich said the U.S. is pushing to develop its own 5G technology.

Pompeo dismissed European concerns over the health of the Western alliance.

"I am happy to report that the death of the transatlantic alliance is grossly over exaggerated," Pompeo said of NATO. "The West is winning. We are collectively winning. We are doing it together."

Chinese Foreign Minister Wang Yi, also attending the Munich conference, said the U.S. accusations about Huawei were lies.

ທ່ານອາດຈະມັກເລື້ອງນີ້ຄືກັນ

XS
SM
MD
LG