ບັນດາເຈົ້າໜ້າທີ່ ສະຫະລັດ ກ່າວວ່າ ການໂຈມຕີທາງອາ
ກາດໃນ ອີຣັກ ໄດ້ສັງຫານຜູ້ນຳຊັ້ນສູງສາມຄົນຂອງກຸ່ມລັດ
ອິສລາມ ໃນຂະນະທີ່ພວກນັກລົບຊາວເຄີດຍັງໄດ້ລາຍງານ
ວ່າທຳຄວາມຄືບໜ້າ ໃນການສູ້ລົບກັບພວກຫົວຮຸນແຮງຈັດ
Sunni.
ບັນດາເຈົ້າໜ້າທີ່ກະຊວງປ້ອງກັນປະເທດສະຫະລັດ ກ່າວ
ໃນວັນພະຫັດວານນີ້ວ່າ ຄວາມຄືບໜ້າເຫຼົ່ານີ້ ແມ່ນຮວມທັງ
ການຂັດຂວາງຄວາມສາມາດ ຂອງກຸ່ມຫົວຮຸນແຮງໃນການ
ບັງຄັບບັນຊາການ ແລະຄວບຄຸມຂົງເຂດຕ່າງໆທີ່ພວກເຂົາ
ຍຶດຄອງຢູ່ໃນອີຣັກ ແລະຊີເຣຍ.
ຢູ່ໃນບັນດາຜູ້ທີ່ຖືກສັງຫານ ກໍມີ ທ້າວ Haji Mutazz ຮອງຜູ້ນຳລັດອິສລາມ Abu Bakr al-Baghdadi ທ້າວ Abdal-Basit ຜູ້ບັນຊາການທະຫານລັດອິສລາມໃນອີຣັກ ແລະ
ເຈົ້າໜ້າທີ່ລະດັບກາງທ້າວ Radwin Talib ທີ່ຮັບໃຊ້ເປັນຜູ້ບັນຊາການຢູ່ເມືອງ Mosul.
ພວກເຈົ້າໜ້າທີ່ກ່າວວ່າ ບຸກຄົນທັງ 3 ໄດ້ຖືກສັງຫານ ໃນການໂຈມຕີທາງອາກາດ ລະ
ຫວ່າງກາງເດືອນພະຈິກ ແລະຕົ້ນເດືອນທັນວາ.
ນອກນັ້ນແລ້ວ ໃນວັນພະຫັດວານນີ້ ກຳລັງຊາວເຄີດ ກ່າວວ່າ ເຂົາເຈົ້າໄດ້ຍືດຄືນເອົາ
ດິນແດນອັນກວ້າງໃຫຍ່ ຈາກພວກນັກລົບລັດອິສລາມ ແລະສາມາດຕີ ຜ່າວົງລ້ອມພູ
Sinjar ບ່ອນທີ່ບັນດາຊະມາຊິກຊົນກຸ່ມນ້ອຍ Yazidi ໄດ້ຕົກ ຄ້າງ ຢູ່ທີ່ນັ້ນ.
ຫົວໜ້າສະພາຄວາມໝັ້ນຄົງພູມີພາກຂອງຊາວເຄີດ ທ່ານ Masrour Barzani ກ່າວຢູ່
ໃນຖະແຫລງການວ່າ ພວກນັກລົບ pershmega ຂອງຊາວເຄີດ ໄດ້ເປີດເສັ້ນທາງຜ່ານ
ໄປຍັງພູ Sinjar ໃນລະຫວ່າງການປະຕິບັດງານບຸກໂຈມຕີເປັນເວລາສອງວັນ.
