ສະຫະລັດ ກໍານົດຈະທໍາການພົບປະຫາລືກັນໃນລະດັບສູງກັບບັນດາເຈົ້າໜ້າທີ່ເກົາຫລີໃຕ້ແລະຍີ່ປຸ່ນໃນກຸງວໍຊິງຕັນໃນວັນອັງຄານມື້ນີ້ ທີ່ ຄາດວ່າຈະເພ່ງເລັງໃສ່ການຊອກຫາຊ່ອງທາງເພື່ອລິເລີ້ມການພົບປະເຈລະຈາ 6 ຝ່າຍຄືນໃໝ່ ກ່ຽວກັບໂຄງການນີວເຄລຍຂອງເກົາຫລີ ເໜືອນັ້ນ.
ທ່ານ Kurt Campbell ລັດຖະມົນຕີຊ່ອຍວ່າການກະຊວງການຕ່າງປະເທດສະຫະລັດວ່າ
ດ້ວຍກິດຈະການເອເຊຍຕາເວັນອອກແລະຍ່ານ ມະຫາສະມຸດປາຊີຟິກ ແລະທ່ານ Glyn
Davies ທູດພິເສດກ່ຽວກັບ ເກົາຫລີເໜືອຈະເປັນເຈົ້າພາບ ຈັດການພົບປະກັບທ່ານ
Lim Sung Nam ຫົວໜ້າເຈລະຈາຝ່າຍເກົາຫລີໃຕ້ແລະທ່ານ Shinshuke Su-
Giyama ຄູ່ຕໍາແໜ່ງຈາກຍີ່ປຸ່ນ.
ກະຊວງການຕ່າງປະເທດສະຫະລັດກ່າວວ່າ ການໂອ້ລົມສົນທະນາກັນນີ້ ແມ່ນພາກສ່ວນ
ນຶ່ງຂອງການພົບປະຫາລືກັນລະຫວ່າງ 3 ຝ່າຍທີ່ຈັດມາເປັນປະຈໍາເພື່ອຮັບມືກັບເລື້ອງ
ຕ່າງໆກ່ຽວກັບບັນຫາໃນພາກພື້ນແລະໃນໂລກທີ່ມີຜົນປະໂຫຍດຮ່ວມກັນຮວມທັງເລື່ອງ
ເກົາຫລີເໜືອນໍາ.
ສະຫະລັດ ຈີນ ຣັດເຊຍ ຍີ່ປຸ່ນແລະສອງເກົາຫລີກໍເປັນຄູ່ພາຄີໃນການ ເຈລະຈາ 6
ຝ່າຍວ່າດ້ວຍນີວເຄລຍຂອງເກົາຫລີເໜືອ ທີ່ມີວັດຖຸປະສົງເພື່ອເກ້ຍກ່ອມໃຫ້ກຸງພຽງ
ຢ້າງ ປະລະຖິ້ມໂຄງການນີວເຄລຍຂອງຕົນ ເພື່ອແລກປ່ຽນກັບການຊ່ອຍເຫລືອດ້ານ
ເສດຖະກິດ. ເກົາຫລີເໜືອໄດ້ຢຸດເຂົ້າຮ່ວມການພົບປະເຈລະຈາດັ່ງກ່າວໃນເດືອນເມ
ສາປີ 2009.
