ບໍ່ມີຄວາມຄືບໜ້າ ທີ່ສຳຄັນ ກ່ຽວກັບການເຈລະຈາ 6 ຝ່າຍ

ນັກການທູດອະວຸໂສທ່ານນຶ່ງຂອງສະຫະລັດກ່າວວ່າ ໄດ້ມີຄວາມກ້າວໜ້າໃນລະຫວ່າງການ
ສົນທະນາຫາລືກັບເກົາຫຼີເໜືອເມື່ອໄວໆມານີ້ ກ່ຽວກັບການຮື້ຟື້ນ ການເຈລະຈາເພື່ອປົດອາ
ວຸດນິວເຄລຍທີ່ຕົກຢູ່ສະພາບບໍ່ໄປບໍ່ມານັ້ນແຕ່ກໍກ່າວຕື່ມວ່າ ສະພາບການທີ່ວ່ານີ້ຍັງແກ້ໄຂ
ບໍ່ໄດ້.

ລັດຖະມົນຕີຊ່ອຍວ່າການກະຊວງການຕ່ງປະເທດສະຫະລັດທ່ານ Kurt Campbell ໃຫ້
ຄວາມເຫັນດັ່ງກ່າວ ຢູ່ທີ່ກຸງໂຊລໃນວັນພະຫັດມື້ນີ້ ບ່ອນທີ່ທ່ານໄດ້ແຈ້ງໃຫ້ພວກເຈົ້າໜ້າທີ່
ຊາບກ່ຽວກັບການເຈລະຈາໂດຍກົງ ຮອບທີ 2 ລະຫວ່າງເຈົ້າໜ້າທີ່ສະຫະລັດ ແລະເກົາຫຼີ
ເໜືອທີ່ນະຄອນເຈນີວາ. ທ່ານ Campbell ກ່າວຕໍ່ພວກນັກຂ່າວວ່າຍັງບໍ່ສາມາດເຈາະທະ
ລຸສະພາບການບໍ່ໄປບໍ່ມາໄດ້ ແລະກໍຍັງບໍ່ມີການຕັດສິນໃຈໃດໆກ່ຽວກັບການສົນທະນາ
ຫາລືຮອບໃໝ່.

ການເຈລະຈາ 6 ຝ່າຍເພື່ອປົດອາວຸດນິວເຄລຍ ທີ່ພົວພັນກັບ 2 ເກົາຫຼີ ຈີນ ຍີ່ປຸ່ນ ຣັດເຊຍ
ແລະສະຫະລັດ ແມ່ນແນໃສ່ເພື່ອ​ເກ້​ຍກ່ອມ​ໃຫ້ເກົາຫຼີເໜືອປະຖິ້ມໂຄງການສ້າງອາວຸດນິວ
ເຄລຍຂອງຕົນ ເພື່ອແລກປ່ຽນກັບການ​ໄດ້​ຮັບຄວາມຊ່ອຍເຫຼືອທາງດ້ານເສດຖະກິດຂະ
ໜາດໃຫຍ່.

ພຽງຢາງໄດ້ຍ່າງອອກຈາກການເຈລະຈາດັ່ງກ່າວ ໃນເດືອນເມສາປີ 2009 ແລະຕໍ່ມາໄດ້
ທຳການທົດລອງອາວຸດນິວເຄລຍຄັ້ງທີ 2 ແລະທົດລອງລູກສອນໄຟໄລຍະຍາວອີກຫຼາຍ
ຄັ້ງ.

ເວລານີ້ເກົາຫຼີເໜືອກ່າວວ່າ ຕົນຕ້ອງການຢາກໃຫ້ ມີການຟື້ນຟູການເຈລະຈາດັ່ງກ່າວຄືນ
ໃໝ່ ແຕ່ປາດສະຈາກເງື່ອນໄຂທີ່​ສະຫະລັດ ແລະເກົາຫຼີໃຕ້​ໄດ້​ຕັ້ງ​ໄວ້ຮວມທັງການໂຈະ​ໃນ ການກັ່ນທາດຢູເຣນຽມຂອງຕົນນຳ.