ເຈົ້າໜ້າທີ່ທໍານຽບຂາວທ່ານນຶ່ງ ໄດ້ຢືນຢັນກັບ VOA ວ່າ ປະທານາທິບໍດີ ດໍໂນລ
ທຣໍາ ລັດຖະມົນຕີກະຊວງການຕ່າງປະເທດ ແລະລັດຖະມົນຕີກະຊວງປ້ອງກັນ
ປະເທດ ໄດ້ສົນທະນາກັນ ກ່ຽວກັບການຢຸດຕິການນໍາໃຊ້ລະບົບຕ້ານລູກສອນໄຟ
ທີ່ຍິງມາໃນລະດັບສູງຫລື THAAD ຢູ່ໃນເກົາຫລີໃຕ້.
ເກົາຫລີໃຕ້ໄດ້ປະກາດໃນວັນພຸດຜ່ານມາວ່າ ຕົນກໍາລັງຢຸດຕິໂຄງການທີ່ເອີ້ນກັນວ່າ
ລະບົບ ຕ້ານລູກສອນໄຟທີ່ຍິງມາໃນລະດັບສູງຫລື THAAD ຂອງສະຫະລັດນັ້ນໄວ້.
ເຈົ້າໜ້າທີ່ທ່ານນີ້ກ່າວວ່າ ພວກເຈົ້າໜ້າທີ່ສະຫະລັດ "ໄດ້ພົວພັນກັບເກົາຫລີໃຕ້ຢ່າງ
ໃກ້ສິດ” ກ່ຽວກັບບັນຫາດັ່ງກ່າວ. ທ່ານກ່າວເພີ້ມອີກວ່າ ລັດຖະບານເກົາຫລີໃຕ້ ໄດ້
ໃຫ້ຄໍາຮັບປະກັນຕໍ່ສະຫະລັດວ່າ ຕົນຈະບໍ່ປີ້ນກັບຄໍາໝັ້ນສັນຍາທີ່ໄດ້ເຮັດໃນຜ່ານມາ
ກ່ຽວກັບລະບົບປ້ອງກັນ ປະເທດ ແລະເວົ້າວ່າ ສະຫະລັດກໍໄດ້ໃຫ້ຄໍາຮັບປະກັນຕໍ່ເກົາ
ຫລີໃຕ້ແບບນັ້ນເຊັ່ນກັນ.
ອະນາຄົດຂອງໂຄງການດັ່ງກ່າວແມ່ນບໍ່ແນ່ນອນນັບແຕ່ເກົາຫລີໃຕ້ ໄດ້ປະກາດການຢຸດ
ຕິ ດັ່ງກ່າວໃນວັນພຸດຜ່ານມາ.
