ການເຈລະຈາກັນສອງມື້ທີ່ກຸງປັກກິ່ງໄດ້ແຕກສະບັ້ນລົງ ໂດຍປາດສະຈາກຂໍ້ຕົກລົງໃດໆ
ສໍາລັບສະຫະລັດທີ່ຈະສົ່ງການຊ່ວຍເຫຼືອທາງດ້ານອາຫານໄປໃຫ້ເກົາຫລີເໜືອ.
ທ່ານ Robert King ຜູ້ເຈລະຈາຂອງສະຫະລັດ ກ່າວເມື່ອວັນພະຫັດມື້ນີ້ວ່າທັງສອງຝ່າຍ
ໄດ້ສ້າງຄວາມກ້າວໜ້າ ໃນຂໍ້ຕົກລົງທີ່ຈະຈັດສົ່ງອາຫານ ສຸກເສີນ ໃນປະລິມານ 240,000
ໂຕນໄປໃຫ້ເກົາຫຼີເໜືອ ແລະທ່ານຈະກັບຄືນວໍຊິງຕັນເພື່ອລາຍງານຜົນການເຈລະຈາດັ່ງ
ກ່າວ.
ທ່ານ ຄິງກ່າວຕື່ມວ່າ ເຖິງແມ່ນຈະມີຄວາມກ້າວໜ້າກໍຕາມ ແຕ່ລາຍລະອຽດຂອງການ
ຊ່ວຍເຫລືອບັນເທົາທຸກນີ້ຍັງບໍ່ຕົກແຕກກັນເທື່ອ.
ພວກເຈົ້າໜ້າທີ່ສະຫະລັດກ່າວກ່ອນໜ້າການເຈລະຈາກັນວ່າ ພວກເຂົາເຈົ້າຈະຊອກຫາ
ມາດຕະການຕ່າງໆເພື່ອຮັບປະກັນວ່າອາຫານຊ່ວຍເຫລືອນີ້ ຈະຕົກໄປຮອດໄປເຖິງພວກ
ທີ່ຕ້ອງການແທ້ໆ ບໍ່ແມ່ນຕົກໄປໃສ່ກຳມື ຂອງພວກເຈົ້າໜ້າທີ່ລະດັບສູງຫລືພວກທະຫານ.
ທ່ານຄິງ ກ່າວເມື່ອຖືກຊັກຖາມ ວ່າທ່ານໝັ້ນໃຈທີ່ຈະໄດ້ຮັບການຮັບປະ ກັນເຫລົ່ານັ້ນບໍ?
ທ່ານຄິງຕອບວ່າ ແມ່ນແລ້ວທ່ານໝັ້ນໃຈ.
ສະຫະລັດໄດ້ປະກາດແຜນການຈັດສົ່ງອາຫານຊ່ວຍເຫລືອດັ່ງກ່າວ ເມື່ອ ອາທິດຜ່ານມາ
ຊຶ່ງເປັນເວລາດຽວກັນກັບທີ່ພຽງຢາງຕົກລົງໂຈະໂຄງການເສີມສະມັດຖະພາບຢູເຣນຽມ
ແລະທົດລອງລູກໄຟຂອງຕົນນັ້ນ.