ລິ້ງ ສຳຫລັບເຂົ້າຫາ

ສຫລ ສັງຫານ ພວກຫົວຮຸນແຮງ ອາລກາອີດາ 7 ຄົນ ໃນການບຸກໂຈມຕີ ຢູ່ ເຢເມນ


ແຂວງ Marib ປະເທດ Yemen

ກອງທັບ​ສະຫະລັດ ກ່າວ​ວ່າ ຕົນ​ໄດ້​ສັງຫານພວກຫົວ​ຮຸນ​ແຮງ​ເຈັດ​ຄົນ ທີ່​ເປັນ​ເຄືອ​ຂ່າຍ
​ຂອງ​ກຸ່ມ​ກໍ່​ການ​ຮ້າຍ al-Qaida​ ​ໃນ​ເຢ​ເມນ ລະຫວ່າ​ງການ​ປະຕິບັດ ງານບຸກ​ໂຈມ​ຕີ ຕໍ່
ຕ້ານການ​ກໍ່​ການ​ຮ້າຍ.

ກອງ​ບັນຊາ​ການ​ທະຫານ​ສະຫະລັດໃນ​ເຂດ​ພາກ​ຕາ​ເວັນ​ອອກ ​ຫຼື CENTCOM ກ່າວ”
ໃນລະຫວ່າງ​ການບຸກ​ໂຈມ​ຕີ ​ໃນ​ວັນ​ອັງ​ຄານ​ມື້​ນີ້ ຢູ່ທີ່​ແຂວງ​ Marib ສະຫະລັດ ໄດ້​ໃຊ້
ການ​ໂຈມ​ຕີ​ທາງ​ອາກາດ ​ແລະ​ອາ​ວຸດ​ນ້ອຍເພື່ອສັງຫານພວກຫົວ​ຮຸນ​ແຮງ​ທີ່​ເປັນ​ເຄືອ
​ຂ່າຍ​ຂອງ​ກຸ່ມ​ອາລກາ​ອີ​ດາ​ໃນ​ແຫຼມອາຣາ​ເບຍ​ຫຼື AQAP. ຖະ​ແຫລ​ງການຂອງ
CENTCOM ກ່າວ​ວ່າ “ການ​ບຸກ​ໂຈມ​ຕີໃນ​ທຳນອງ​ນີ້​ເຮັດ​ໃຫ້​ເຫັນເລິກ​ເຂົ້າ​ໄປ​ເຖິງ
​ຄວາມປະສົງ ຄວາມ​ສາມາດ​ແລະ​ຄວາມ​ຕັ້ງ​ໃຈຂອງ​ກຸ່ມAQAP ຊຶ່ງ​ອຳນວຍ​ໃຫ້ພວກ​
ເຮົາສືບ​ຕໍ່ດຳ​ເນີນການ​ຊອກຫາ ລົບ​ກວນ ​ແລະ​ສ້າງຄວາມ​ເສຍ​ຫາຍ​ໃຫ້​ແກ່​ກຸ່ມ AQAP.”
ສະຫະລັດ​ກ່າວ​ວ່າ ​ການ​ປະຕິບັດ​ງານນີ້ ​ໄດ້​ມີ​ຂຶ້ນດ້ວຍ​ການ​ສະໜັບ​ສະ​ໜູນ​ຈາກ​
ລັດຖະບານ​ເຢ​ເມນ. ພວກ​ເຮືອບິນ​ລົບ​ ​ແລະ​ເຮືອບິນ​ບໍ່ມີ​ຄົນ​ຂັບຂອງສະຫະລັດ ​ໄດ້​
ອອກ​ປະຕິບັດ ການ​ໂຈມ​ຕີ ​ໃນ​ເດືອນ​ມີນາ ​ໂດຍແນ​ເປົ້າ​ໝາຍ​ໃ​ສ່ກຸ່ມ AQAP ຢູ່​ໃນເຂດ
​ອື່ນໆ​ຂອງ​ເຢ​ເມນ.

​ແລະໃນ​ເດືອນ​ກໍລະກົດ ໜ່ວຍ​ກ້າ​ຕາຍ​ສະຫະລັດ​ໄດ້ບຸກ​ໂຈມ​ຕີ​ຄ້າຍກຸ່ມ AQAP
ອີກ​ຄ້າຍ​ນຶ່ງ ​ໃນ​ການ​ປະ​ຕິບັດ​ງານ​ທີ່​ໄດ້​ເຮັດ​ໃຫ້ໜ່ວຍ​ກ້າ​ຕາຍ Navy SEAL
William “Ryan” Owens ເສ​ຍຊີວິດ. ຮວມຢູ​ໃນ​ພວກ​ເສຍທີ່​ຊີວິດ​ລະຫວ່າງ​ການ​
ບຸກ​ໂຈມ​ຕີ​ນັ້ນ ມີ​ ທ້າວ Nawar Anwar al-Awlaki ລູກ​ສາວ​ອາຍຸ 8 ປີ ຂອງທ້າວ
Anwar al-Awlaki ນັກ​ສອນສາສະໜາຫົວ​ຮຸນ​ແຮງຄົນ​ອາ​ເມ​ຣິກັນ ຜູ້​ທີ່ໂຕ​ລາວ​ເອງ
ກໍ​ໄດ້​ເປັນ​ເປົ້າ ໃນການ​ໂຈມ​ຕີ ໂດຍ​ເຮືອບິນທີ່​ບໍ່​ມີ​ຄົນ​ຂັບ​ໃນ​ປີ 2011.

ກຸ່ມ AQAP ​ໄດ້ຖືກ​ສະຫະລັດ​ເບິ່ງມາ​ດົນ​ນານ​ແລ້ວ​ວ່ ​ເປັນ​ອົງການ​ກໍ່​ການ​ຮ້າຍທີ່​ສຳ
ຄັນ. ​ໃນ​ປີ 2010 ກຸ່່ມ​ດັ່ງກ່າວ​ໄດ້​ພະຍາ​ຍາມ​ທີ່​ຈະ​ສົ່ງ​ຫໍ່​ລະ​ເບີດ​ເຂົ້າ​ມາ​ໃນສະ​ຫະລັດ.
ນຶ່ງ​ປີ​ກ່ອນ​ໜ້າ​ນັ້ນ ​ເຂົ້າ​ເຈົ້າ​ໄດ້​ສົ່ງ​ທ້າວ Umar Farook ​Abdulmutallab ເກີດ​ຢູ່​ໄນ
ຈີ​ເຣຍ ທີ່​ທ້າວ Awlaki ​ໄດ້ຂົນຂວາຍເອົາ​ມາ ​ໃຫ້​ເປັນຜູ້ບີບ​ຄະນວນ​ລະ​ເບີດ​ ທີ່ເຊື່ອງ​
ໄວ້​ ຢູ່​ໃນສົ້ງ​ຊ້ອນ​ຂອງ​ລາວ ຢູ່​ໃນຖ້ຽວ​ບິນ​ມາສູ່​ນະຄອນ Detroit.

ອ່ານຂ່າວນີ້ເພີ່ມເປັນພາສາອັງກິດ

XS
SM
MD
LG