ສະຖານທູດສະຫະລັດທີ່ນະຄອນຫລວງ Nairobi ໄດ້ອອກຄໍາເຕືອນວ່າ ອາດຈະມີການໂຈມຕີຂອງພວກກໍ່ການຮ້າຍໃນປະເທດເຄັນຢາໃນໄວໆນີ້.
ຄໍາເຕືອນດັ່ງກ່າວໄດ້ສົ່ງໄປຍັງພວກພົນລະເມືອງຂອງສະຫະລັດໝົດສູ່ ຄົນໃນເຄັນຢາໃນວັນເສົາວານນີ້ ໂດຍອ້າງເຖິງຂ່າວຂໍ້ມູນທີ່ໜ້າເຊື່ອຖືໄດ້. ຄໍາເຕືອນເວົ້າວ່າ ພວກເປົ້າໝາຍຕ່າງໆເບິ່ງຄືວ່າຈະຮວມທັງພວກສະຖານທີ່ຕ່າງໆບ່ອນທີ່ພວກຊາວຕ່າງປະເທດມັກໄປໂຮມຊຸມນຸມກັນ ຮວມທັງພວກສູນການຄ້າແລະສະຖານທີ່ເລີ້ນເລິງຍາມກາງຄືນ.
ບັນດາເຈົ້າໜ້າທີ່ສະຫະລັດບໍ່ໄດ້ບອກຢ່າງເຈາະຈົງວ່າ ແມ່ນພວກໃດຫລືກຸ່ມໃດອາດຈະທໍາ
ການໂຈມຕີດັ່ງກ່າວ ແຕ່ຄໍາເຕືອນນີ້ໄດ້ມີຂຶ້ນໃນເວລານຶ່ງສັບປະດາ ຫລັງຈາກກອງທະ
ຫານຂອງເຄັນຢາບຸກເຂົ້າໄປໃນໂຊມາເລຍ ເພື່ອທໍາການໂຈມຕີພວກຫົວຮຸນແຮງ al-Sha
bab ນັ້ນ.
ພວກທະຫານເຄັນຢາໄດ້ຂ້າມຊາຍແດນເຂົ້າໄປໃນໂຊມາເລຍເພື່ອຂັບໄລ່ພວກຫົວຮຸນແຮງ ທີ່ພວກເຂົາເຈົ້າເວົ້າວ່າ ໄດ້ທໍາການຈັບກຸມຊາວຕ່າງປະເທດຫລາຍຄົນໄວ້ເປັນໂຕປະກັນໃນຫວ່າງບໍ່ເທົ່າໃດສັບປະດາຜ່ານມານີ້.
ກຸ່ມກໍ່ການຮ້າຍ al-Shabab ທີ່ມີຖານປະຕິບັດງານຢູໃນໂຊມາເລຍ ໄດ້ທໍາການໂຈມຕີຫລາຍຄັ້ງໃນເດືອນກໍລະກົດຜ່ານມາໃນປະເທດ Uganda ຊຶ່ງໄດ້ສັງຫານຜູ້ຄົນໄປ 76 ຄົນນັ້ນ.
