ຄະນະລູກຂຸນສານຢູ່ໃນລັດ Florida ທາງພາກຕາເວັນອອກ
ສຽງໃຕ້ ຂອງສະຫະລັດ ໄດ້ມີຄຳສັ່ງໃຫ້ບໍລິສັດຜະລິດຢາສູບ
ລາຍໃຫຍ່ອັນດັບສອງຂອງປະເທດ ຈ່າຍເງິນໃນຈຳນວນ 23
ພັນ 600 ລ້ານດອລລ່າ ໃຫ້ແກ່ແມ່ໝ້າຍຄົນນຶ່ງ ທີ່ສາມີໄດ້ເສຍ
ຊີວິດໄປຕອນອາຍຸໄດ້ 36 ປີ ຍ້ອນເປັນມະເຮັງໃນປອດ ຍ້ອນ
ສູບຢາຕໍ່ເນື່ອງເປັນເວລາຢາວນານ.
ຄະນະລູກຂຸນສານຍັງໄດ້ມີຄຳສັ່ງ ໃຫ້ບໍລິສັດຜະລິດຢາສູບ
R.J. Reynolds ຈ່າຍເງິນ 16 ລ້ານ 8 ແສນ ດອລລ່າ ເປັນ
ການຊົດເຊີຍຄ່າເສຍຫາຍຕື່ມອີກ.
ນາງ Cynthia Robinson ໄດ້ຟ້ອງຮ້ອງ ບໍລິສັດ Reynolds ໃນປີ 2008 ໃນນາມມື້ລາງ
ສາມີຂອງນາງ ທ້າວ Michael Johnson. ນາງໄດ້ກ່າວອ້າງວ່າ ທາງບໍລິສັດໄດ້ສົມຮູ້ຮ່ວມ
ຄິດກັນ ປິດບັງໄພອັນຕະລາຍ ຕໍ່ສຸຂະພາບ ຂອງຢາສູບ ແລະອົງປະກອບທີ່ພາໃຫ້ຕິດຢາ
ຂອງຜະລິດຕະພັນນັ້ນ. ທ້າວ Johnson ສູບຢາມາ ເປັນເວລາຫຼາຍກວ່າ 20 ປີ ໂດຍໄດ້
ເລີ້ມມາ ຕັ້ງແຕ່ລາວມີອາຍຸໄດ້ 13 ປີ ແລະເມຍຂອງລາວກ່າວວ່າ ລາວໄດ້ພະຍາຍາມທີ່ຈະ
ເລີກມັນ ຫຼາຍໆເທື່ອ.
ບໍລິສັດ Reynolds ມີແຜນທີ່ຈະອຸທອນຄຳຕັດສິນຂອງສານດັ່ງກ່າວ.
ເບິ່ງວີດີໂອພາສາລາວ ກ່ຽວກັບອັນຕະລາຍ ຂອງການສູບຢາ:
