ຜູ້ພິພາກສາຂອງລັດຖະບານກາງທ່ານນຶ່ງ ໄດ້ທຳການຂັດຂວາງກົດໝາຍລັດມິສ ຊິສຊິບປີ້ທີ່ຈະອະນຸຍາດໃຫ້ປະຊາຊົນປະຕິເສດບໍ່ໃຫ້ການບໍລິການຕໍ່ຄູ່ສາມີພັນລະຍາ ທີ່ເປັນຄົນເພດດຽວກັນ ອີງຕາມຄວາມເຊື່ອທາງດ້ານສາສະໜາ.
ຜູ້ພິພາກສາປະຈຳເຂດຂອງສະຫະລັດ ທ່ານ Carlton Reeves ໄດ້ຂັດຂວາງຕໍ່ກົດ ໝາຍດັ່ງກ່າວໃນຕອນແລງຂອງວັນພະຫັດວານນີ້ບໍ່ເທົ່າໃດຊົ່ວໂມງກ່ອນທີ່ກົດໝາຍ ນີ້ຈະມີຜົນບັງຄັບໃຊ້ ໃນວັນສຸກມື້ນີ້ ໂດຍກ່າວວ່າ ມັນລະເມີດ ຕໍ່ການຄ້ຳປະກັນໃນ ຄວາມສະເໝີພາບຂອງລັດຖະທຳມະນູນ.
ເປັນທີ່ຄາດກັນວ່າ ພວກທະນາຍຄວາມຂອງລັດຈະຂໍອຸທອນຕໍ່ການຕັດສິນທີ່ວ່ານີ້.
ກົດໝາຍທີ່ເປັນບັນຫາໂຕ້ແຍ້ງດັ່ງກ່າວ ຊຶ່ງໄດ້ພາໃຫ້ມີການບອຍຄອດແລະຕຳໜິຕິ ຕຽນຕໍ່ລັດມິສຊິສຊິບປີ້ ຈະໃຫ້ການປົກປ້ອງຄຸ້ມຄອງຕໍ່ຄວາມເຊື່ອສາມຢ່າງດ້ວຍກັນ ນັ້ນກໍຄື ການແຕ່ງງານຕ້ອງແມ່ນລະຫວ່າງ ຜູ້ຊາຍກັບແມ່ຍິງ ເພດສຳພັນຄວນມີຂຶ້ນ ໃນການແຕ່ງງານທຳນອງນີ້ ແລະ ເພດຂອງຜູ້ຄົນ ແມ່ນໄດ້ຮັບການພິຈາລະນາ ໃນ ຕອນເກີດມາແລະບໍ່ສາມາດປ່ຽນແປງໄດ້.
ນອກນັ້ນແລ້ວ ທຸລະກິດຕ່າງໆໃນເຂດທ້ອງຖິ່ນ ຍັງຈະສາມາດປະຕິເສດບໍ່ໃຫ້ການ ບໍລິການຕ່າງໆຕໍ່ພວກລູກຄ້າ ທີ່ເປັນແມ່ຍິງທີ່ຮັກຮ່ວມເພດ ພວກກະເທີຍ ພວກຮັກ ທັງສອງເພດ ແລະພວກປ່ຽນເພດ ອີງຕາມຄວາມເຊື່ອທາງດ້ານສາສະໜາ.
ພວກນັກດົນຕີຫລາຍໆຄົນໄດ້ຍົກເລີກການສະແດງຂອງພວກເຂົາເຈົ້າທີ່ລັດມິສຊິສ ຊິບປີ້ໃນໄລຍະສອງສາມເດືອນຜ່ານມານີ້ ແລະລັດຄາໂຣໄລນາເໜືອທີ່ຢູ່ໃກ້ຄຽງຊຶ່ງ ເມື່ອໄວໆມານີ້ໄດ້ຮັບຮອງເອົາຮ່າງກົດໝາຍທີ່ບັງຄັບໃຫ້ພວກປ່ຽນເພດ ໃຊ້ຫ້ອງນ້ຳ ຕາມເພດທີ່ພວກເຂົາເຈົ້າເກີດມາ.
