ສະຫະລັດ ແລະ ຍີ່ປຸ່ນ ໃນວັນຈັນວານນີ້ໄດ້ສະເໜີນຮ່າງຍັດຕິສະພາຄວາມໝັ້ນຄົງສະຫະປະຊາຊາດສະບັບນຶ່ງ ທີ່ກ່າວຢ້ຳວ່າ ປະເທດຕ່າງໆຄວນປະຕິບັດຕາມສົນທິສັນຍາທີ່ຫ້າມການນຳເອົາອາວຸດນິວເຄລຍຂຶ້ນໄປໃນອະວະກາດ, ເຊິ່ງແມ່ນຂໍ້ຄວາມທີ່ປາກົດວ່າ ແນເປົ້າໃສ່ ຣັດເຊຍ.
ລັດຖະບານ ວໍຊິງຕັນ ເຊື່ອວ່າ ມົສກູ ແມ່ນກຳລັງພັດທະນາອາວຸດນິວເຄລຍຕໍ່ຕ້ານດາວທຽມເທິງອະວະກາດ ເຊິ່ງການລະເບີດອາດກໍ່ໃຫ້ເກີດຄວາມຫາຍະນະ ດ້ວຍການທຳລາຍທຸກຢ່າງນັບຈາກການສື່ສານທາງທະຫານເຖິງການບໍລິການຂີ່ຍານພາຫະນະທີ່ອາໄສໂທລະສັບ, ແຫຼ່ງຂ່າວທີ່ຄຸ້ນເຄີຍກັບບັນຫາດັ່ງກ່າວໄດ້ເວົ້າ.
ຣັດເຊຍ, ເຊິ່ງແມ່ນຄະນະຂອງສົນທິສັນຍານອກໂລກປີ 1967 ທີ່ຫ້າມ “ນຳເອົາວັດຖຸທີ່ບັນຈຸອາວຸດນິວ
ເຄລຍໃດໆຂຶ້ນໄປໃນວົງໂຄຈອນເທິງອະວະກາດແມ່ນຖືກຫ້າມໂດຍສົນທິສັນຍາເພື່ອບໍ່ໃຫ້ພັດທະນາມັນ, ແຕ່ແນວໃດກໍຕາມ, ແມ່ນບໍ່ໄດ້ຖືກຍັບຢັ້ງ.
ໃນຮ່າງຍັດຕິຂອງເຂົາເຈົ້າທີ່ອົງການຂ່າວ ຣອຍເຕີ ໄດ້ເຫັນນັ້ນ, ສະຫະລັດ, ເຊິ່ງແມ່ນພຽງປະເທດດຽວທີ່ໄດ້ໃຊ້ອາວຸດນິວເຄລຍໃນສົງຄາມ, ແລະ ຍີ່ປຸ່ນ, ທີ່ເປັນພຽງປະເທດດຽວທີ່ຖືກໂຈມຕີນັ້ນ, ໄດ້ຮຽກຮ້ອງຕໍ່ປະເທດຕ່າງໆທີ່ຜູກມັດໂດຍສົນທິສັນຍາ ບໍ່ໃຫ້ນຳເອົາອາວຸດດັ່ງກ່າວຂຶ້ນໄປໃນອະວະກາດ ແລະ ພ້ອມກັນນັ້ນບໍ່ໃຫ້ພັດທະນາມັນ.
ລາຍງານຕ່າງໆ ກ່ຽວກັບ ຄວາມເປັນໄປໄດ້ໃນການພັດທະນາຂອງ ຣັດເຊຍ ໄດ້ມີອອກມາຫຼັງຈາກສະມາຊິກສະພາສັງກັດພັກຣີພັບບລິກັນຄົນນຶ່ງເມື່ອວັນທີ 14 ກຸມພາທີ່ຜ່ານມາ ໄດ້ອອກຖະແຫຼງການລັບທີ່ເຕືອນ ກ່ຽວກັບ “ໄພຂົ່ມຂູ່ດ້ານຄວາມໝັ້ນຄົງແຫ່ງຊາດທີ່ຮ້າຍແຮງ.”
ຟໍຣັມສະແດງຄວາມຄິດເຫັນ