ລິ້ງ ສຳຫລັບເຂົ້າຫາ

ສະຫະລັດ ຈະຍ້າຍ ທະຫານ 9,000 ຄົນ ອອກຈາກຍີ່ປຸ່ນ

  • ໄພສານ ວໍຣະຈັກ

ຖານທັບອາກາດທະຫານມາຣີນສະຫະລັດ Futenma ທີ່ເກາະໂອກີນາວາ ປະເທດຍີ່ປຸ່ນ (27 ເມສາ 2012)

ທະຫານ​ມາຣີນສະຫະລັດ​ປະມານ 9,000 ຄົນຈະ​ຖືກ​ຍ້າຍ​ຈາກ​ເກາະ​ໂອ​ກີນາວາຂອງ​ຍີ່ປຸ່ນ
ໄປ​ຍັງ​ສະຖານ​ທີ່​ແຫ່ງ​ອື່ນໆ ​ໃນ​ມະຫາ​ສະມຸດ​ປາຊີ​ຟິກ ພາຍ​ໃຕ້​ຂໍ້​ຕົກລົງ​ຮ່ວມ​ລະຫວ່າງ​ສະ
ຫະລັດ​ແລະ​ປະ​ເທດ​ຍີ່ປຸ່ນ.

ການ​ຕົກລົງ​ດັ່ງກ່າວ ​ໄດ້​ມີ​ການ​ປະກາດ​ໃຫ້​ຊາບ​ໃນ​ຕອນ​ແລງ​ຂອງ​ວັນ​ພະຫັດວານ​ນີ້ ​ໃນ​ຖະ​
ແຫຼງການ​ຮ່ວມ​ສະບັບ​ນຶ່ງ ​ລະຫວ່າງ​ວໍ​ຊິງ​ຕັ​ນແລະ​ໂຕ​ກຽວ. ທະຫານ​ມາຣີນ​ເຫຼົ່ານີ້ ຈະ​ຖືກ
ຍົກຍ້າຍ​ໄປ​ຍັງ​ລັດ​ຮາ​ວາຍ ​ເກາະ​ກວ​ມຊຶ່ງ​ເປັນ​ດິນ​ແດນ​ຢູ່​ໃນ​ຄວາມຄຸ້ມ​ຄອງ​ຂອງ​ສະຫະລັດ ​
ແລະ​ປະ​ເທດ​ອອສ​ເຕຣ​ເລຍ. ການ​ປະກາດ​ໃນ​ມື້ວານ​ນີ້ບໍ່​ໄດ້​ແຈ້ງ​ໃຫ້​ຊາບ​ວ່າ​ເວລາໃດ​ພວກ
ທະຫານ​ມາຣີນ​ເຫຼົ່ານີ້ຈຶ່ງຈະ​ຖືກ​ຍົກ ຍ້າຍ.

ຍີ່ປຸ່ນ ​ຈະ​ຕ້ອງ​ໄດ້​ຈ່າຍເງິນ 3 ພັນ 100 ລ້ານ​ໂດ​ລາຂອງຄ່າ​ໃຊ້​ຈ່າຍ​ທັງ​ໝົດປະມານ 8
ພັນ 600 ລ້ານ​ໂດ​ລາ​ໃນ​ການ​ຍົກຍ້າຍ​ທະຫານ​ມາຣີນ​ໄປ​ຍັງ​ເກາະ​ກວ​ມ.

ການ​ຕົກ​ລົງ​ດັ່ງກ່າວ ​ແມ່ນ​ແນ​ໃສ່​ເພື່ອ​ຫຼຸດຜ່ອນ​ຄວາມ​ເຄັ່ງ​ຕຶງ​ລະຫວ່າງ​ປະ​ເທດ​ພັນທະ​ມິດ​
ທັງ​ສອງ ກ່ຽວ​ກັບ​ການ​ມີໜ້າ​ມາ​ເປັນ​ເວລາ​ດົນ​ນານ ​ຂອງ​ກອງທັບ​ສະຫະລັດ ທີ່​ເກາະ​ໂອ​ກີ
ນາວາຊຶ່ງ​ເປັນ​ແຫຼ່ງທີ່​ມາ​ຂອງ​ຄວາມ​ບໍ່ພໍ​ໃຈ​ຂອງ​ປະຊາຊົນ​ໃນ​ເກາະດັ່ງກ່າວ​ທີ່ເວົ້າວ່າພາ​ໃຫ້
ເກີດ​ມີ​ສຽງ​ນອງ​ນັນ ຄວາມ​ເປື້ອນ​ເປິະ​ ແລະ​ອາ​ຊະ​ຍາ​ກຳນັ້ນ. ສະຫະລັດ​ໄດ້​ບັນລຸ​ການ​ຕົກ
ລົງ​ກັບ​ຍີ່ປຸ່ນ ​ໃນ​ປີ 2006 ​ເພື່ອ​ຍ້າຍ​ຖານ​ທັບ​ອາກາດ​ Futenma ຂອງທະຫານ​ມາຣີນ
ອອກ​ຈາກ​ເຂດ​ເທດສະບານ​ທີ່​ມີ​ປະຊາຊົນອາ​ໄສ​ຢູ່​ຢ່າງ​ແໜ້ນໜາ​ໄປ​ຍັງ​ເກາະດອນ​ແຄມ​ທະ
ເລ​ແຫ່ງ​ນຶ່ງ​ທີ່​ໂດດດ່ຽວ​ກວ່າ​ເກົ່າ.

ແຕ່​ປະຊາຊົນ​ຊາວ​ຍີ່ປຸ່ນ​ໃນ​ເກາະໂອກີ​ນາວາພວມ​ຮຽກຮ້ອງ​ໃຫ້​ປິດ​ຖານ​ທັບ​ອາກາດ​ດັ່ງກ່າວ
ນີ້ ແລະໃຫ້​ຍົກຍ້າຍ​ໄປ​ຢູ່​ບ່ອນ​ອື່ນ.

XS
SM
MD
LG