ປະທານາທິບໍດີ ບາຣັກໂອບາມາແຫ່ງສະຫະລັດແລະທ່ານ Naoto Kan ຜູ້ທີ່ຈະຂຶ້ນເປັນນາຍົກລັດຖະມຸນຕີ
ຄົນໃໝ່ຂອງຍ່ີປຸ່ນ ໄດ້ຕິດຕໍ່ ພົວພັນກັນເປັນຄັ້ງທຳອິດ ໃນການໂອ້ລົມກັນທາງໂທລະສັບ ໃນວັນ ອາທິດມື້ນີ້
ທ່ີທາງລັດຖະບານວໍຊິງຕັນ ເປັນຝ່າຍຈັດຂຶ້ນ.
ທ່ານ Kan ໄດ້ກ່າວຕໍ່ຜູ້ນຳສະຫະລັດວ່າ ທ່ານຈະພະຍາຍາມຢ່າງແຂງແຮງສຸດຄວາມສາມາດ ເພື່ອປະຕິບັດຕາມ
ຂໍ້ຕົກລົງທ່ີໄດ້ລົງນາມກັນໃນເດືອນແລ້ວນີ້ ເພື່ອຍົກຍ້າຍຖານທັບອາກາດຂອງກອງທັບມາຣິນ ສະຫະລັດ
ທ່ີຕັ້ງຢູ່ເກາະໂອກີນາວາໃນພາກໃຕ້ຂອງຍີ່ປຸ່ນນັ້ນ. ທ່ານ Kan ປະເຊີນໜ້າກັບການຄັດຄ້ານຢ່າງແຂງແຮງ
ຈາກປະຊາຊົນໃນເກາະໂອກີນາວາ ທ່ີຢາກໃຫ້ມີການຍົກຍ້າຍຖານທັບດັ່ງກ່າວອອກຈາກເກາະນີ້ໄປ.
ອະດີດນາຍົກລັດຖະມຸນຕີ ຢູກິໂອ ຮາໂຕຢາມະ ໄດ້ລາອອກຈາກຕຳ ແໜ່ງໃນສັບປະດາຜ່ານມາ ຫລັງຈາກ
ບໍ່ສາມາດຮັກສາຄຳໝັ້ນສັນຍາທ່ີ ໄດ້ໃຫ້ໄວ້ໃນເວລາໂຄສະນາຫາສຽງເລືອກຕັ້ງ ທ່ີວ່າທ່ານຈະບໍ່ສະໜັບ ສະໜຸນການຍົກຍ້າຍຖານທັບດັ່ງກ່າວນັ້ນ.
ຜູ້ນຳຂອງສອງປະເທດມີຄວາມເປັນມາຄ້າຍຄືກັນບາງຢ່າງ ຄືທ່ານໂອບາມາເຄີຍເປັນຜູ້ຈັດຕັ້ງແລະທຳງານເພື່ອປະຊາຄົມ ແລະທ່ານ Kan ກໍເຄີຍເປັນນັກເຄື່ອນໄຫວສົ່ງເສີມພົນລະເມືອງ. ທັງສອງທ່ານຕ່າງກໍໃຫ້ຄຳໝັ້ນສັນຍາ ທີ່ຈະພັດທະນາ ຄວາມເປັນພັນທະມິດລະຫວ່າງຍີ່ປຸ່ນແລະສະຫະລັດ ໃຫ້ເລິກເຊິ່ງຍິ່ງຂຶ້ນ ເພື່ອຕໍ່ສູ້ກັບສິ່ງທ້າທາຍຕ່າງໆໃນໂລກແລະ ໃນຂົງເຂດ ຮວມທັງເລື້ອງໂຄງການ ນີວເຄລຍຂອງອິຣ່ານ ແລະຄວາມເຄັ່ງຕຶງໃນແຫລມເກົາຫລີນຳ.
