ລັດຖະບານ ສະຫະລັດ ໄດ້ປະກາດເຕືອນ ທີ່ບໍ່ຄ່ອຍໄດ້ເຫັນກັນ ໃນ ວັນອັງຄານວານ
ນີ້, ໂດຍຖິ້ມໂທດໃສ່ເກົາຫຼີເໜືອ ກ່ຽວກັບການໂຈມຕີທາງຄອມພິວເຕີຈຳນວນຫຼາຍຄັ້ງ ຢ້ອນກັບຄືນໄປຕັ້ງແຕ່ປີ 2009 ແລະໄດ້ເຕືອນວ່າ ເບິ່ງຄືຈະມີການໂຈມຕີເພີ່ມເຕີມອີກ.
ອົງການ FBI ແລະ ກະຊວງຮັກສາຄວາມປອດໄພພາຍໃນ ຂອງ ສະຫະລັດ ໄດ້ລະບຸ
ທີ່ຢູ່ທາງອິນເຕີແນັດ ກ່ຽວຂ້ອງກັບໄວຣັສ ໃນຊື່ DeltaCharlie ເຊິ່ງໄດ້ແນເປົ້າໃສ່ ພາກສ່ວນສື່ມວນຊົນ, ການບິນອາວະກາດ, ການເງິນ ແລະ ໂຄ່ງລ່າງພື້ນຖານທີ່ມີ ຄວາມສຳຄັນໃນ ສະ ຫະລັດ ແລະ ທົ່ວໂລກ.
ການເຕືອນດັ່ງກ່າວໄດ້ຮຽກຮ້ອງໃຫ້ສະຖາບັນຕ່າງໆ ແຈ້ງໃຫ້ຮູ້ທຸກໆຂໍ້ມູນ ທີ່ພວກເຂົາ
ເຈົ້າອາດມີ ກ່ຽວກັບ ກິດຈະກຳທາງຄອມພິວເຕີຂອງປະເທດ, ເຊິ່ງລັດຖະບານໄດ້ອ້າງ
ເຖິງ “Hidden Cobra.”
ການເຕືອນຍັງກ່າວວ່າ “ຖ້າຜູ້ໃຊ້ ຫຼື ຜູ້ຈັດການຈັບໄດ້ຊອຟແວທີ່ລະບຸຊື່ວ່າ HIDDEN COBRA, ຊອຟແວພວກນີ້ຕ້ອງຖືກໝາຍເຕືອນໃນ ທັນທີ, ຕ້ອງລາຍງານໃຫ້ສູນ
ກາງ ການຄົມມະນາຄົມ ແລະ ການປະ ຕິບັດການຮັກສາຄວາມປອດໄພທາງຄອມ
ພິວເຕີແຫ່ງຊາດ ຂອງກະ ຊວງຮັກສາຄວາມປອດໄພພາຍໃນ ຫຼື ສູນກາງການສັງ
ເກດການທາງອິນເຕີແນັດຂອງອົງການ FBI, ແລະ ຕ້ອງໃຫ້ຄວາມສຳຄັນສູງສຸດ ເພື່ອຍົກລະດັບໃນການຫຼຸດຜ່ອນຄວາມຮ້າຍແຮງ."
ເກົາຫຼີເໜືອ ໄດ້ປະຕິເສດການພົວພັນໃນການໂຈມຕີທາງຄອມພິວເຕີ ຕໍ່ປະເທດອື່ນໆ
ໂດຍຕະຫລອດມາ.
