ທ່ານບາຣັກ ໂອບາມາ ປະທານາທິບໍດີສະຫະລັດຈະພົບປະກັນຕ່າງຫາກຢູ່ທີ່ນະຄອນ
ນີວຢອກໃນວັນພຸດມື້ນີ້ກັບທ່ານ Mahmoud Abbas ປະທານາທິບໍດີປາແລສໄຕນ໌
ແລະທ່ານ Benjamin Netanyahu ນາຍົກລັດຖະມົນຕີອິສຣາແອລ ທ່າມກາງການ
ຊຸກຍູ້ເພື່ອຫລີກເວ້ນການປະທະກັນທາງດ້ານການທູດຢູ່ທີ່ສະຫະປະຊາຊາດນັ້ນ.
ທ່ານ Abbas ຈະດໍາເນີນການຕໍ່ໄປຕາມແຜນການປຸກລະດົມເພື່ອໃຫ້ໄດ້ຮັບການຮັບ
ຮູ້ຈາກສະຫະປະຊາຊາດໂດຍເຕັມ ສຳລັບປະເທດປາແລສໄຕນ໌ ເຖິງແມ່ນໄດ້ມີຄວາມພະ
ຍາຍາມຕ່າງໆເພື່ອຫລີກລ້ຽງການລົງມະຕິກັນກ່ຽວກັບເລື້ອງນີ້ທີ່ສະພາຄວາມໝັ້ນຄົງ
ສະຫປະຊາຊາດນັ້ນ. ລັດຖະບານທ່ານໂອບາມາໄດ້ໃຫ້ຄໍາໝັ້ນສັນຍາທີ່ຈະໃຊ້ສິດຍັບ
ຍັ້ງຕໍ່ການເຄື່ອນໄຫວດັ່ງກ່າວ ແລະຈະດໍາເນີນການເພື່ຶອໃຫ້ທ່ານ Abbas ແລະນາຍົກ
ລັດຖະມົນຕີອິສຣາແອລທໍາການພົບປະເຈລະຈາສັນຕິພາບກັນໂດຍກົງຄືນໃໝ່ນັ້ນ.
ທ່ານໂອບາມາ ມີກຳນົດທີ່ຈະພົບປະກັບທ່ານ Netanyahuລຸນຫຼັງານກ່າວຄຳປາໄສຕໍ່
ກອງປະຊຸມສະມັດຊາໃຫຍ່ອົງການສະຫະປະຊາຊາດ ແລະພົບປະກັບທ່ານ Abbas
ຫຼັງຈາກນັ້ນ.
ພວກນັກການທູດອະວຸໂສຂອງກຸ່ມ quartet ວ່າດ້ວຍກິດຈະການໃນພາກຕາເວັນອອກ
ກາງອັນມີ ສະຫະລັດ ສະຫະພາບຢູໂຣບ ສະຫະປະຊາຊາດແລະຣັດເຊຍ ຈະທໍາການພົບ
ປະກັນໝົດອາທິດໃນຄວາມຫວັງທີ່ຈະບັນລຸຂໍ້ຕົກລົງກັນໃນນາທີສຸດທ້າຍ. ກຸ່ມ Quartet
ໄດ້ພະຍາຍາມຮ່າງລັກຊີ້ນໍາຕ່າງໆສໍາລັບການພົບປະເຈລະຈາສັນຕິພາບກັນໃນອະນາຄົດ
ນັ້ນ ແຕ່ມາຮອດປັດຸບັນນີ້ ຍັງບໍ່ທັນໄດ້ຮັບຜົນໃດໆເທື່ອ.
