ລິ້ງ ສຳຫລັບເຂົ້າຫາ

ວັນສຸກ, 09 ທັນວາ 2022

ສະຫະລັດກັບອິສຣາແອລ ສົນທະນາແບບປິດລັບກັນ ກ່ຽວກັບນີວເຄລຍຂອງອີຣ່ານ


ປະທານຫົວໜ້າເສນາທິການຮ່ວມຂອງສະຫະລັດ ນາຍພົນ Martin Dempsey ໄດ້ພົບກັບນາຍົກລັດຖະມົນຕີ Israel ທ່ານ Benjamin Netanyahu ແລະປະທານາທິບໍດີ Shimon Peres ພ້ອມດ້ວຍລັດຖະມົນຕີ ປ້ອງກັນປະເທດທ່ານ Ehud Barak ແລະຜູ້ບັນຊາການກອງທັບອິສຣາແອລ ທ່ານ Benny Ganz ສົນທະນາແບບປິດລັບກັບ

ເຈົ້າໜ້າທີ່ທາງທະຫານຂັ້ນສູງຂອງສະຫະລັດ ໄດ້ເປີດການ​ສົນທະນາແບບປິດລັບກັບ
ພວກຜູ້ນໍາ Israel ໃນວັນສຸກວານນີ້ ກ່ຽວກັບວ່າ ຈະຕອບໂຕ້ຕໍ່​ໂຄງການນີວເຄລຍທີ່
​ເປັນ​ບັນຫາ​ຖົກ​ຖຽງ​ໂຕ້​ແຍ້​ງກັນຢູ່ຂອງອີຣ່ານ ແນວໃດ ຊຶ່ງທັງສອງປະເທດ ຢ້ານກົວວ່າ
ໂຄງການນັ້ນ ຈະຖືກນໍາໃຊ້ເຂົ້າໃນການຜະລິດອາວຸດນີວເຄລຍ.

ປະທານຫົວໜ້າເສນາທິການຮ່ວມຂອງ​ສະຫະລັດ ນາຍພົນ Martin Dempsey ໄດ້
ພົບກັບນາຍົກລັດຖະມົນຕີ Israel ທ່ານ Benjamin Netanyahu ແລະປະທານາທິ
ບໍດີ Shimon Peres ພ້ອມດ້ວຍລັດຖະມົນຕີປ້ອງກັນປະເທດ ທ່ານ Ehud Barak
ແລະ​ຜູ້ບັນຊາ​ການ​ກອງທັບ​ອິສຣາ​ແອ​ລ ທ່ານ Benny Ganz.

ບໍ່ມີ​ການ​ເປີດ​ເຜີຍ​ໃຫ້​ຊາບ​ຫຍັງ​ຫຼາຍ ກ່ຽວ​ກັບລາຍລະອຽດ​ໃນການພົບປະກັນຄັ້ງນີ້ ແຕ່
ວ່າອົງການຂ່າວ Israel ໄດ້ລາຍງານວ່າ ຄາດກັນວ່າພວກເຈົ້າໜ້າທີ່ສະຫະລັດຈະເຕືອນ
Israel ບໍ່ໃຫ້ເປັນຝ່າຍທໍາການໂຈມຕີທາງທະຫານຕໍ່ອິຣ່ານກ່ອນ. ສ່ວນທາງ Israel
ກໍບໍ່ໄດ້ປະຕິ​ເສດ​ເຖິງ​ຄວາມ​ເປັນ​ໄປ​ໄດ້ ກ່ຽວ​ກັບ​ການດໍາເນີນແບບນັ້ນ. ສະຫະລັດມີ
ຄວາມມຸ້ງຫວັງຢາກດໍາເນີນການລົງໂທດຕໍ່ອິຣ່ານ ຫລາຍກວ່າ ການໃຊ້ກໍາລັງທະຫານ.

ຢູ່ທີ່ກຸງວໍຊິງຕັນ ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton ໄດ້ສົນທະນາບັນຫາດັ່ງກ່າວກັບຄູ່ຕໍາແຕ່ງຝ່າຍເຢຍລະມັນ ທ່ານ Guido Westerwelle. ທ່ານນາງໄດ້ກ່າວຕໍ່ພວກນັກຂ່າວວ່າ ລຸນຫລັງ ການປະຊຸມກັນແລ້ວນັ້ນວ່າ ອິຣ່ານມີໂອ
ກາດທີ່ຈະເລືອກກັບເຂົ້າມາ​ເຈ​ລະ​ຈາຄືນ​ໃໝ່ ແລະແກ້ໄຂຄວາມເປັນຫ່ວງຂອງປະຊາຄົມ
ສາກົນກ່ຽວກັບ ໂຄງການນີວເຄລຍຂອງຕົນ ຖ້າບໍ່ດັ່ງນັ້ນ ກໍຈະຖືກກົດດັນຈາກນາໆ
ຊາດ ແລະກໍຈະຖືກໂດດດ່ຽວ.

XS
SM
MD
LG