ບັນດາເຈົ້າໜ້າທີ່ ສະຫະລັດ ໄດ້ກ່າວຫາຕໍ່ຜູ້ຊາຍສອງຄົນ ທີ່
ຊ່ວຍວາງແຜນໃຫ້ກຸ່ມຫົວຮຸນແຮງລັດອິສລາມ ສັງຫານຊາວ
ອາເມຣິກັນ ຮວມທັງການວາງແຜນ ແນເປົ້າໝາຍໃສ່ ບັນດາ
ເຈົ້າໜ້າທີ່ຕຳຫລວດໃນນະຄອນ Boston.
ຖະແຫລງການກະຊວງຍຸຕິທຳສະຫະລັດ ໄດ້ບົ່ງຊື່ຜູ້ຖືກກ່າວ
ຫາວ່າ ເປັນທ້າວ David Wright ອາຍຸ 25 ປີ ຈາກເມືອງ
Everett ລັດ Massachusetts ແລະ ທ້າວ Nicholas
Rovinski ອາຍຸ 24 ຈາກເມືອງ Warwick ໃນລັດ Rhode
Island. ທ້າວ Rovinski ໄດ້ໄປປາກົດໂຕ ທີ່ສານລັດຖະບານ
ກາງ ໃນນະຄອນ Boston ໃນວັນສຸກວານນີ້. ສ່ວນທ້າວ
Wright ໄດ້ຖືກຈັບໃນອາ ທິດແລ້ວນີ້.
ຖະແຫລງການກ່າວວ່າ “ທ້າວ Wright ແລະ ທ້າວ Rovinski ຖືກກ່າວຫາໃນຖານສົມ
ຮູ້ຮ່ວມຄິດ ກັບພວກກໍ່ການທີ່ບໍ່ຮູ້ຈັກນວນ ແລະ ທ້າວ Usaamah Abdullah Rahim
ອາຍຸ 26 ປີ ຊຶ່ງເປັນລຸງຂອງ ທ້າວ Wright ຢູ່ທີ່ເມືອງ Roslindale ລັດ Massachusetts
ຈົນ ຮອດມື້ລາວເສຍຊີວິດ ໃນວັນທີ 2 ເດືອນມິຖຸນາ ປີ 2015 ນີ້.” ທ້າວ Rahim ໄດ້ຖືກຍິງ ແລະເສຍຊີວິດ ຫລັງຈາກລາວໂຈມຕີ ເຈົ້າໜ້າທີ່ຕຳຫລວດຢູ່ ບ່ອນຈອດລົດເມືອງ
Roslindale.”
ຖະແຫລງການກ່າວວ່າ ຜູ້ຊາຍທັງສາມ ທ້າວ Wright ທ້າວ Rovinski ແລະ ທ້າວ
Rahim ໄດ້ພາກັນວາງແຜນ “ທຳການໂຈມຕີ ແລະສັງຫານຜູ້ຄົນຢູ່ໃນ ສະຫະລັດ ທີ່ເຂົາ
ເຈົ້າເຊື່ອວ່າ ເປັນການສະໜັບສະໜູນຈຸດປະສົງຂອງກຸ່ມລັດອິສລາມ.”
ບັນດາຜູ້ຕ້ອງສົງໄສໄດ້ຖືກກ່າວຫາວ່າ ວາງແຜນໂຈມຕີ ແລະຈະຕັດຫົວຜູ້ຍິງ ຊາວນະ
ຄອນ New York ຄົນນຶ່ງ ທີ່ຈັດການໂຮມຊຸມນຸມແຕ້ມຮູບກາຕູນກ່ຽວກັບພະສາສະດາ Muhammed ຢູ່ລັດ Texas ຫວ່າງມໍ່ໆມານີ້. ເຖິງຢ່າງໃດກໍດີ ບັນດາເຈົ້າໜ້າທີ່ສະຫະ
ລັດ ກ່າວວ່າ ແຜນດັ່ງກ່າວຕໍ່ມາໄດ້ຖືກຍົກເລີກ.
ກະຊວງ ຍຸຕິທຳກ່າວວ່າ “ທ້າວ Rahim ແນະນຳ ທ້າວ Wright ວ່າ ລາວມີຈຸດປະສົງທີ່ຈະໂຈມຕີ “ບັນດາຜູ້ຊາຍທີ່ນຸ່ງເຄື່ອງສີຟ້າ” ແທນ ຊຶ່ງໝາຍເຖິງພວກເຈົ້າໜ້າທີ່ຕຳຫລວດ
ໃນເຂດທ້ອງຖິ່ນ ຢູ່ໃນລັດ Massachusetts”. ການໂຈມຕີໄດ້ວາງແຜນໃສ່ເດືອນແລ້ວ
ນີ້ ແຕ່ປາກົດວ່າບໍ່ໄດ້ເກີດຂື້ນ.
