ທໍານຽບຂາວປະຕິເສດຕໍ່ລາຍງານສະບັບນຶ່ງຂອງໜັງສືພິມ New York Time ທີ່ເວົ້າວ່າ ສະຫະລັດແລະອິຣ່ານໄດ້ຕົກລົງເຈລະຈາກັນ ແບບນຶ່ງຕໍ່ນຶ່ງ ເປັນເທື່ອທໍາອິດ ກ່ຽວກັບໂຄງການນີວເຄຼຍຂອງອິຣ່ານ.
ໂຄສົກທໍານຽບຂາວ ກ່າວເມື່ອຕອນບ່າຍວັນເສົາວານນີ້ວ່າ ສະຫະລັດ ຈະສືບຕໍ່ປະຕິບັດງານຮ່ວມກັນ ກັບບັນດາສະມາຊິກສະພາຄວາມໝັ້ນຄົງອົງ ການສະຫະປະຊາຊາດແລະເຢຍຣະມັນ ເພື່ອຫາທາງແກ້ໄຂທາງການທູດ. ໂຄສົກທໍານຽບຂາວກ່າວອີກວ່າ ປະທານາທິບໍດີໂອບາມາ ໄດ້ສະແດງໃຫ້ ເຫັນຢ່າງເປັນທີ່ແຈ້ງຂາວແລ້ວວ່າ ທ່ານຈະຕ້ອງກະທໍາທຸກຢ່າງ ເພື່ອປ້ອງກັນບໍ່ໃຫ້ອິຣ່ານມີອາວຸດນີວເຄຼຍໄດ້.
ໜັງສືພິມ ນີວຢ໊ອກທາຍສ໌ ໄດ້ອ້າງຄຳເວົ້າເຈົ້າໜ້າທີ່ທີ່ບໍ່ອອກຊື່ຂອງລັດ ຖະບານທ່ານໂອບາມາ ທີ່ກ່າວວ່າ ສະຫະລັດແລະອິຣ່ານ ໄດ້ທໍາການແລກປ່ຽນການເຈລະຈາກັນຢ່າງລັບໆທີ່ຂຸ້ນຂ້ຽວ ມາເກືອບວ່າຕະຫຼອດເວລາ ນັບຕັ້ງແຕ່ທ່ານໂອບາມາ ເຂົ້າຮັບຕຳແໜ່ງເປັນປະທານາທິບໍດີ ໃນປີ 2009.
ບັນດາເຈົ້າໜ້າທີ່ກ່າວວ່າ ອິຣ່ານ ຢາກລໍຖ້າໄປຈົນກວ່າການເລືອກຕັ້ງປະ ທານາທິບໍດີສະຫະລັດໃນເດືອນພະຈິກຕໍ່ໜ້ານີ້ຜ່ານພົ້ນໄປ ເພື່ອຢາກຮູ້ວ່າ ຕົນຈະເຈລະຈາກັບໃຜ ເປັນລັດຖະບານທ່ານໂອບາມາສະໄໝທີສອງຫຼືວ່າ ລັດຖະບານທ່ານມິດ ຣອມນີ ຈາກພັກຣີພັບບລິກັນ ຜູ້ທີ່ກ່າວຫາທ່ານໂອບາມາວ່າ ອ່ອນແອເກີນໄປ ໃນເລື່ອງອິຣ່ານນັ້ນ.
ໜັງສືພິມ New York Times ເວົ້າວ່າ ບັນດາເຈົ້າໜ້າທີ່ສະຫະລັດ ຢາກວາງຂໍ້ຈໍາກັດການເຈລະຈາກ່ຽວກັບໂຄງການນີວເຄຼຍຂອງອິຣ່ານທໍ່ ນັ້ນ ແລະຈະບໍ່ປ່ອຍໃຫ້ອິຣ່ານນໍາເອົາການເຈລະຈາກັນດັ່ງກ່າວນີ້ ໄປເຊື່ອມໂຍງກັບບັນຫາອື່ນໆ ໂຮມທັງເລຶ່ອງຊີເຣຍນັ້ນນໍາ.
ໂຄສົກທໍານຽບຂາວ ກ່າວເມື່ອຕອນບ່າຍວັນເສົາວານນີ້ວ່າ ສະຫະລັດ ຈະສືບຕໍ່ປະຕິບັດງານຮ່ວມກັນ ກັບບັນດາສະມາຊິກສະພາຄວາມໝັ້ນຄົງອົງ ການສະຫະປະຊາຊາດແລະເຢຍຣະມັນ ເພື່ອຫາທາງແກ້ໄຂທາງການທູດ. ໂຄສົກທໍານຽບຂາວກ່າວອີກວ່າ ປະທານາທິບໍດີໂອບາມາ ໄດ້ສະແດງໃຫ້ ເຫັນຢ່າງເປັນທີ່ແຈ້ງຂາວແລ້ວວ່າ ທ່ານຈະຕ້ອງກະທໍາທຸກຢ່າງ ເພື່ອປ້ອງກັນບໍ່ໃຫ້ອິຣ່ານມີອາວຸດນີວເຄຼຍໄດ້.
ໜັງສືພິມ ນີວຢ໊ອກທາຍສ໌ ໄດ້ອ້າງຄຳເວົ້າເຈົ້າໜ້າທີ່ທີ່ບໍ່ອອກຊື່ຂອງລັດ ຖະບານທ່ານໂອບາມາ ທີ່ກ່າວວ່າ ສະຫະລັດແລະອິຣ່ານ ໄດ້ທໍາການແລກປ່ຽນການເຈລະຈາກັນຢ່າງລັບໆທີ່ຂຸ້ນຂ້ຽວ ມາເກືອບວ່າຕະຫຼອດເວລາ ນັບຕັ້ງແຕ່ທ່ານໂອບາມາ ເຂົ້າຮັບຕຳແໜ່ງເປັນປະທານາທິບໍດີ ໃນປີ 2009.
ບັນດາເຈົ້າໜ້າທີ່ກ່າວວ່າ ອິຣ່ານ ຢາກລໍຖ້າໄປຈົນກວ່າການເລືອກຕັ້ງປະ ທານາທິບໍດີສະຫະລັດໃນເດືອນພະຈິກຕໍ່ໜ້ານີ້ຜ່ານພົ້ນໄປ ເພື່ອຢາກຮູ້ວ່າ ຕົນຈະເຈລະຈາກັບໃຜ ເປັນລັດຖະບານທ່ານໂອບາມາສະໄໝທີສອງຫຼືວ່າ ລັດຖະບານທ່ານມິດ ຣອມນີ ຈາກພັກຣີພັບບລິກັນ ຜູ້ທີ່ກ່າວຫາທ່ານໂອບາມາວ່າ ອ່ອນແອເກີນໄປ ໃນເລື່ອງອິຣ່ານນັ້ນ.
ໜັງສືພິມ New York Times ເວົ້າວ່າ ບັນດາເຈົ້າໜ້າທີ່ສະຫະລັດ ຢາກວາງຂໍ້ຈໍາກັດການເຈລະຈາກ່ຽວກັບໂຄງການນີວເຄຼຍຂອງອິຣ່ານທໍ່ ນັ້ນ ແລະຈະບໍ່ປ່ອຍໃຫ້ອິຣ່ານນໍາເອົາການເຈລະຈາກັນດັ່ງກ່າວນີ້ ໄປເຊື່ອມໂຍງກັບບັນຫາອື່ນໆ ໂຮມທັງເລຶ່ອງຊີເຣຍນັ້ນນໍາ.
