ສະພາສູງ ສະຫະລັດ ຮັບຜ່ານຮ່າງຍັດຕິ ຄັດຄ້ານ ການພັດທະນາ ອາວຸດນີວເຄລຍ ຂອງອີຣ່ານ

ສະພາສູງຂອງສະຫະລັດ ເກືອບວ່າເປັນເອກະສັນກັນທັງໝົດ
ໃນການຮັບຜ່ານຮ່າງຍັດຕິ ທີ່ບໍ່ມີຂໍ້ຜູກມັດ ຄັດຄ້ານຕໍ່ການພັດ
ທະນາອາວຸດນີວເຄລຍຂອງອີຣ່ານ. ສະພາສູງສະຫະລັດ ໄດ້ ຮັບຮອງເອົາມາດຕະການດັ່ງກ່າວ ໃນຕອນເຊົ້າມືດຂອງວັນເສົາ
ມື້ນີ້ດ້ວຍຄະແນນ ສຽງ 90 ຕໍ່ 1.

ມາດຕະການທີ່ບໍ່ມີຂໍ້ຜູກມັດສະບັບນີ້ ແມ່ນເວົ້າສະເພາະເຈາະຈົງ
ວ່າ ມາດຕະການດັ່ງກ່າວນີ້ ບໍ່ຄວນຈະແປວ່າເປັນການອານຸຍາດ
ໃຫ້ໃຊ້ກໍາລັງທະຫານ ຫລືການປະກາດສົງຄາມ ແຕ່ຢ່າງໃດ.

ສະມາຊິກສະພາສູງ Rand Paul ຈາກລັດ Kentucky ທີ່ໄດ້ລົງ
ຄະແນນສຽງ “ບໍ່ເຫັນພ້ອມນໍາ” ແຕ່ພຽງຄົນດຽວທໍ່ນັ້ນ ໄດ້ປະນາມ
ມະຕິດັ່ງກ່າວນີ້ວ່າ ເປັນຂໍ້ອ້າງສຳຫຼັບການໃຊ້ກໍາລັງທະຫານ.

ລັດຖະບານຂອງທ່ານ Obama ໄດ້ຄັດຄ້ານຕໍ່ຄໍາຮຽກຮ້ອງຂອງອິສຣາແອລ ທີ່ໃຫ້ຕັ້ງກໍາ ນົດເສັ້ນຕາຍແກ່ອີຣ່ານ ເພື່ອໃຫ້ອິຣ່ານຢຸດເຊົາ ການດໍາເນີນງານໃນໂຄງການນີວເຄລຍ ທີ່ອິສຣາແອລ ແລະປະເທດມະຫາອໍານາດຕາເວັນຕົກສົງໄສວ່າ ມີຈຸດປະສົງເພື່ອຜະລິດ ອາວຸດປາລະມະນູນັ້ນ.

ອິສຣາແອລມອງເຫັນວ່າ ປະເທດອີຣ່ານທີ່ມີອາວຸດນີວເຄລຍນັ້ນ ເປັນໄພຂົ່ມຂູ່ຕໍ່ການດໍາ ລົງຄົງຢູ່ຂອງຕົນ ແລະປະຕິເສດຕໍ່ຄວາມເປັນໄປໄດ້ ໃນການປະຕິບັດງານທາງທະຫານ ຕໍ່ສະຖານທີ່ນີວເຄລຍຕ່າງໆຂອງອີຣ່ານ.

ກຸງເທຣ່ານ ໄດ້ຢືນຢັນວ່າ ໂຄງການນີວເຄລຍຂອງຕົນ ແມ່ນມີຈຸດປະສົງໃນທາງສັນຕິ.