ລິ້ງ ສຳຫລັບເຂົ້າຫາ

ວັນພຸດ, 05 ຕຸລາ 2022

ປ. ໂອບາມາ ຮຽກຮ້ອງ ທ່ານເມດເວເດັຟ ແລະ ທ່ານຫູຈີນເຖົາ ກ່ຽວກັບ ອີຣ່ານ


ປະທານາທິບໍດີ ບາຣັກ ໂອບາມາ ພົບປະກັບ ປະທານາທິບໍດີຣັດເຊຍ ທ່ານ Dmitry Medvedev ທີ່ກອງປະຊຸມສຸດຍອດ APEC ທີ່ນະຄອນໂຮໂນລູລູ, ລັດຮາວາຍ ໃນຂະນະທີ່ໂລກຫາທາງກົດດັນຕໍ່ໂຄງການ ນີວເຄລຍຂອງອີຣ່ານ. ວັນທິ 12 ພະຈິກ 2011.

ປະທານາທິບໍດີ​ ບາຣັກ​ ໂອ​ບາ​ມາ​ ແຫ່ງ​ສະຫະລັດ ຮຽກຮ້ອງ​ພວກ​ຜູ້​ນໍາຣັດ​ເຊ​ຍ​ແລະ​ຈີນ​ ໃຫ້
ສະໜັບສະໜຸນ​ຕໍ່​ຄວາມ​ພະຍາຍາມ​ຂອງ​ທ່ານ​ເພື່ອ​ກົດ​ດັນ​ອີຣ່ານ​ໃຫ້ຢຸດ​ເຊົາ​ກິດຈະ​ກໍາ​ຕ່າງໆ
ດ້ານ​ນີວ​ເຄລຍທີ່​ຫລໍ່​ແຫລມນັ້ນ ​ແຕ່​ທ່ານ​ໄດ້​ປະ​ເຊີນ​ກັບ​ການ​ຕໍາ​ໜິຕິຕຽນ​ຈາກ​ພວກ​ຜູ້​ສະມັກ
ແຂ່ງຂັນ​ເປັນ​ປະທານາທິບໍດີ​ ສັງກັດ​ພັກ Republican ​ທີ່​ຮຽກຮ້ອງ​ໃຫ້​ສະຫະລັດ​ທໍາ​ການ​
ເຄື່ອນ​ໄຫວ​ໜັກ​ແໜ້ນ​ຂຶ້ນ​ກ່ຽວ​ກັບ​ບັນຫາ​ຂັດແຍ່ງ​ກັນເລື້ອງ​ນີວ​ເຄລຍຂອງ​ອີຣ່ານນັ້ນ.

ທ່ານ​ໂອ​ບາ​ມາ​ກ່າວ​ວ່າ ທ່ານ​ໄດ້​ທໍາ​ການ​ໂອ້​ລົມ​ສົນທະນາ​ເລື້ອງ​ໂຄງການ​ນີວ​ເຄລຍຂອງ​ອີຣ່ານ
ຄົນ​ລະ​ເທື່ອ ​ກັບ​ປະທານາທິບໍດີ Dmitry Medvedev ​ແຫ່ງຣັ​ດ​ເຊຍ ​ແລະທ່ານ​ຫູ ​ຈິນ ​ເຖົາ
ປະທານ​ປະ​ເທດ​ຈີນ​ໃນ​ວັນ​ເສົາ​ວານ​ນີ້​ ຢູ່​ຂ້າງ​ນອກ​ກອງ​ປະຊຸມ​ສຸດ​ຍອດ​ປະ​ຈໍາ​ພາກ​ພື້ນ ທີ່
ນະຄອນ​ໂຮ​ໂນ​ລູລູ ລັດ​ຮາ​ວາຍ​ນັ້ນ.

ຫລັງ​ຈາກ​ທໍາການ​ພົບ​ປະກັນກັບ​ທ່ານ Medvedev ​ແລ້ວ ​ທ່ານ​ໂອ​ບາ​ມາ​ກ່າວ​ວ່າ ທ່ານ
ແລະ​ປະທານາທິບໍດີຣັດ​ເຊຍ​ໄດ້​ຢືນຢັນ​ອີກຕື່ມ​ເຈດ​ຕະນາ​ຂອງ​ຕົນ ​ທີ່​ຈະທໍາ​ການ​ຕອບ​
ໂຕ້ຮ່ວມ​ກັນ​ຕໍ່​ກິດຈະ​ກໍາ​ຕ່າງໆ​ດ້ານ​ນີວເຄລຍຂອງ​ອີຣ່ານ ​ເພື່ອ​ເຮັດ​ໃຫ້​ອີຣ່ານຈັດ​ຕັ້ງ​ປະ
ຕິບັດ​ຕາມ​ພັນທະຕ່າງໆ​ຂອງ​ນາໆ​ຊາດ​ນັ້ນ. ກ່ອນ​ທໍາ​ການ​ໂອ້​ລົມ​ສົນທະນາ​ກັບ​ທ່ານ
ຫູ​ຈິນ​ເຖົາ ປະທານາທິບໍດີ​ສະຫະລັດ​ກ່າວ​ວ່າ ທ່ານ​ແລະ​ຜູ້​ນໍາ​ຈີນ​ຢາກເຮັດ​ໃຫ້​ໝັ້ນ​ໃຈ​ວ່າ
ອີຣ່ານຈະປະຕິບັດ​ຕາມ​ກົດ​ລະບຽບ​ແລະ​ກົດໝາຍ​ຂອງ​ນາໆ​ຊາດ​.

ພວກ​ມະຫາ​ອໍານາດ​ຝ່າຍ​ຕາ​ເວັນ​ຕົກ​ໄດ້​ເຕືອນ​ອີຣ່ານວ່າ​ ອີຣ່ານຈະ​ປະເຊີນໜ້າ​ກັບ​ການ​
ລົງ​ໂທດ​ເພີ່ມ​ອີກ ຖ້າ​ອີຣ່ານບໍ່​ຍອມ​ແກ້​ໄຂ​ຄວາມ​ເປັນຫ່ວງ​ຂອງ​ພວກຕົນກ່ຽວ​ກັບ​ລາຍ
ງານ​ຂອງ​ອົງການ​ພະລັງ​ປະລະມະ​ນູສະຫະ​ປະຊາ​ຊາດ​ທີ່​ເປີດ​ເຜີຍ​ໃຫ້​ຮູ້​ໃນ​ວັນ​ອັງຄານ
ຜ່ານ​ມາ​ ທີ່​ວ່າ​ມີ​ຫລັກຖານ​ທີ່​ເຊື່ອ​ຖື​ໄດ້​ກ່ຽວ​ກັບ​ຄວາມ​ພະຍາຍາມ​ຂອງ​ອີຣ່ານ​ເພື່ອ​
ອອກ​ແບບອາວຸດ​ນີວ​ເຄລຍນັ້ນ ​ແຕ່​ທາງ​ອີຣ່ານ​ໄດ້​ປະຕິ​ເສດ​ຕໍ່​ລາຍ​ງານ​ສະບັບ​ນີ້ ​ແລະ
ຢືນ​ຢັດ​ວ່າ ​ໂຄງການ​ນີວ​ເຄລຍຂອງ​ຕົນ​ແມ່ນ​ມີ​ວັດ​ຖຸປະສົງ​ທາງ​ສັນຕິ. ຣັດ​ເຊຍ​ແລະ​ຈີນ
ກ່າວ​ວ່າ ການ​ລົງ​ໂທດ​ຂອງ​ສະຫະ​ປະຊາ​ຊາດ​ຕື່ມ​ອີກ​ຕໍ່​ອີຣ່ານນັ້ນ​ ຈະ​ບໍ່​ແກ້​ໄຂ​ບັນຫາ​
ຂັດ​ແຍ່ງ​ກັນ​ເລື້ອງ​ນີວເຄລຂອງ​ອີຣ່ານແຕ່​ຢ່າງ​ໃດ.

ຫລັງ​ຈາກ​ການໂອ້​ລົມ​ສົນທະນາ​ກັນ​ໃນ​ວັນ​ເສົາ​ວານ​ນີ້​ທີ່ນະຄອນ​ໂຮ​ໂນ​ລູລູ ພວກ​ປະ
ທານາທິບໍດີຣັດ​ເຊຍ​ແລະ​ຈີນ​ບໍ່​ໄດ້​ແຈ້ງ​ລາຍ​ລະອຽດ​ໃດໆ​ໃຫ້ຊາບ​ກ່ຽວ​ກັ​ບການ​ໂອ້​ລົມ
ສົນທະນາ​ກັນ​ຂອງ​ພວກ​ທ່ານ​ກັບ​ປະທານາທິບໍດີ​ສະຫະລັດ​ນັ້ນ ​ແຕ່​ທ່ານ Ben
Rhodes ຮອງ​ທີ່​ປຶກສາ​ດ້ານ​ຄວາມ​ປອດ​ໄພ​ແຫ່ງ​ຊາດ​ສະຫະລັດ​ກ່າວ​ວ່າ ພວກ​ຜູ້​ນໍາ​
ທັງ​ສາມເປັນອັນ​ນຶ່ງ​ອັນ​ດຽວ​ກັນ​ໃນ​ການ​ຄັດຄ້ານ​ຕໍ່ການ​ທີ່​ອີຣ່ານຈະ​ກາຍ​ເປັນ​ປະເທດ
ທີ່​ມີ​ອາວຸດ​ນີວ​ເຄລຍນັ້ນ

ທ່ານ​ໂອ​ບາ​ມາ​ໄດ້​ພະຍາຍາມ​ເພີ່ມ​ຄວາມ​ກົດ​ດັນ​ຕໍ່​ອີຣ່ານຂຶ້ນ​ອີກ​ໂດຍ​ຜ່ານສະຫະ​ປະ
ຊາ​ຊາດ​ແລະ​ການ​ລົງ​ໂທດ​ແຕ່​ຝ່າຍ​ດຽວ​ຂອງ​ສະຫະລັດ ຂະນະ​ທີ່ຢືນ​ຢັດ​ວ່າ ທາງ​
ເລືອກ​ທັງ​ໝົດ​ແມ່ນ​ຍັງເປີດ​ກວ້າງ ຊຶ່ງເປັນ​ການ​ເອີ່ຍ​ເຕື້ອງເຖິງ​ການ​ເຄື່ອນໄຫວ​ທາງ​
ທະຫານ​ ທີ່​ອາດ​ເປັນ​ໄປ​ໄດ້. ພວກ​ຜູ້​ສະມັກ​ແຂ່ງຂັນ​ເປັນ​ປະທານາທິບໍດີ​ສັງກັດ​ພັກ
Republican ທີ່​ພະຍາຍາມ​ແຂ່ງຂັນ​ກັບ​ທ່ານ​ໂອ​ບາ​ມາ​ໃນ​ການ​ເລືອກ​ຕັ້ງ​ປະທານາ
ທິບໍດີໃນປີໜ້າ​ນີ້ ​ໄດ້​ຕໍາ​ໜິຕິຕຽນ​ຍຸດທະວິທີ​ຂອງ​ທ່ານ​ໂອ​ບາ​ມາ​ ໃນ​ການ​ໂຕ້​ວາ​ທີ
ກັນທີ່ຖ່າຍ​ທອດ​ທາງໂທລະພາບ​ໄປ​ຍັງ​ທົ່ວ​ປະ​ເທດ​ໃນ​ແລງ​ວັນ​ເສົາ​ວານ​ນີ້ ຊຶ່ງ​ພວກ
ຜູ້​ສະມັກ​ບາງ​ທ່ານ​ກ່າວ​ວ່າ ​ເຂົາ​ເຈົ້າ​ຈະ​ເອົາ​ມາດ​ຕະການ​ເຂັ້ມ​ແຂ້​ງຂຶ້ນ​ ເພື່ອ​ບໍ່ໃຫ້​ອີ
ຣ່ານມີ​ອາວຸດ​ນີວ​ເຄລຍນັ້ນ ​ເຖິ​ງແມ່ນ​ຈະ​ຕ້ອງ​ໄດ້ທໍາ​ສົງຄາມ​ກັບ​ອິຣ່ານກໍ​ຕາມ.

XS
SM
MD
LG