ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ອີຣ່ານ ແລະ ມະຫາອຳນາດ ຂອງໂລກ ເລີ້ມເຈລະຈາກັນ ທີ່ ວຽນນາ (ວີດີໂອ)


US: Iran Must Prove Peaceful Nuclear Intentions
please wait

No media source currently available

0:00 0:02:42 0:00

ບັນດາ​ຜູ້ຕາງໜ້າ​ຈາກອີຣ່ານ ​ແລະ 6 ປະ​ເທດ​ມະຫາ​ອຳນາດຂອງ
ໂລກໄດ້​ເລີ້ມ​ທຳ​ການໂອ້​ລົມ​ສົນທະນາກັນ​ຮອບ​ສຸດ​ທ້າຍ​ໃນ​ຂະນະ
​ທີ່​ເສັ້ນຕາຍ​ຫຍັບ​ເຂົ້າ​ມາ​ໃກ້ ສຳລັບ​ຂໍ້​ຕົກລົງຂັ້ນ​ສຸດ​ທ້າຍ ກ່ຽວ​ກັບ
​ໂຄງການ​ນີວ​ເຄລຍຂອງເຕຫະຣ່ານ.

ພວກ​ນັກ​ເຈລະຈາຈາກ​ອີຣ່ານ ສະຫະລັດ ອັງກິດ ຝຣັ່ງ ​ເຢຍຣະມັນ
ຈີນ ​ແລະຣັດ​ເຊຍ ​ເລີ້ມ​ໄຂ​ການປະຊຸມ​ກັນ​ເຕັມ​ຄະນະ​ຂອງ​ການ​ໂອ້​
ລົມ​ສົນທະນາ​ກັນ​ເລື້ອງໂຄງການ​ນີວເຄລຍຂອງ​ອີຣ່ານ ຮອບ​ທີ 6 ​
ໃນ​ວັນ​ພະຫັດ​ມື້​ນີ້ ທີ່ນະຄອນວຽນ​ນາ.

​ໃນ​ວັນ​ພຸດ​ວານ​ນີ້ ອີຣ່ານ​ໄດ້​ໃຫ້​ສັນຍານ​ວ່າ ຕົນ​ຕຽມ​ພ້ອມ​ທີ່​ຈະ​ເອົາ ບາດກ້າວ​ຕ່າງໆ ທີ່​ເປັນ​ຮູບ​ປະ​ທຳ ​ເພື່ອ​ຮັບປະກັນ​ວ່າ ​ໂຄງການ​ນີວ​ເຄລຍຂອງ​ຕົນ ຍັງ​ມີ​ວັດຖຸ​ປະສົງ​ໃນ​ທາງ​ສັນ​ຕິ​ຢູ່ ​ແຕ່​ຈະ​ບໍ່ “ຄຸກ​ເຂົ່າຕໍ່​ການ​ຍອມ​ຈຳນົນ​ໃດໆ.”

​ເວລາ​ກ່າວ​ຢູ່​ໃນ​ວີ​ດີ​ໂອ You Tube ລັດຖະມົນຕີ​ຕ່າງປະ​ເທດ​ອີຣ່ານ ທ່ານ Javad Zarif ​ໄດ້​ຮຽກຮ້ອງ​ໃຫ້​ພວກ​ນັກ​ເຈລະຈາ​ທັງຫຼາຍ ​ໃຊ້ ຄວາມ​ເຄົາລົບ​ນັບຖື​ຊຶ່ງ​ກັນ​ແລະ​ກັນ ​ແທນ​ທີ່ຈະ​ໃຊ້​ອັນ​ທີ່​ທ່ານ​ເອີ້ນ​ວ່າ “ພາວະ​ຫັນປ່ຽນ​ແຫ່ງການ​ເພີ່ມ​ທະວີ​ຂຶ້ນ​ນັ້ນ.”

ໝົດ​ທຸກ​ພັກ​ຝ່າຍ ປະ​ເຊີນ​ກັບ​ກຳນົດ​ເສັ້ນ​ຕາຍ ຄືວັນ​ທີ 20 ​ເດືອນ​ກໍລະກົດ​ນີ້ ​ເພື່ອ​ໃຫ້​ບັນລຸ​ຂໍ້​ຕົກລົງ​ຂັ້ນ​ສຸດ​ທ້າຍ​ ຫຼື​ບໍ່​ດັ່ງ​ນັ້ນ ກໍ​ຈະສ່ຽງ​ຕໍ່​ຄວາມ​ເປັນ​ໄປ​ໄດ້ ທີ່​ວ່າ ການ​ໂອ້​ລົມ​ສົນທະນາ​ກັນ​ສາມາດ​ຕໍ່​ເວລາອອກໄປ​ອີກ​ ​ແລະ​ເຂົ້າ​ສູ່​ພາ​ວະທີ່​ຫຍຸ້ງຍາກຂຶ້ນ. ຄວາມ​ພະຍາຍາມ​ຕ່າງໆ​ໃນ​ເດືອນ​ແລ້ວ​ນີ້ ເພື່ອໃຫ້ບັນລຸ​ຂໍ້​ຕົກລົງ​ກັນ ທີ່​ມີ​ວັດຖຸ​ປະສົງ ​ແນໃສ່​ຄວບ​ຄຸມ​ໂຄງການ​ນີວ​ເຄລຍ ຂອງ​ອີຣ່ານ ​ເພື່ອ​ແລກປ່ຽນ​ກັບ​ການ​ຍົກ​ເລີກ​ການ​ລົງ​ໂທດ​ຂອງ​ສະຫະຊາ​ຊາດແລະປະເທດ ​ຕາ​ເວັນ​ຕົກ ​ໄດ້ຍຸດຕິລົງ​ໃນ​ສະພາບ​ທີ່ບໍ່ມີຄວາມກ້າວໜ້າໃດໆ.

XS
SM
MD
LG