ສຫລ ​ແລະ ອີຣ່ານ ເປີດການເຈລະຈາ ກ່ຽວກັບ ໂຄງການ ນິວເຄລຍ ຂອງອີຣ່ານ

ບັນດາ​ເຈົ້າໜ້າ​ທີ່​ ຈາກ​ສະຫະລັດ ​ແລະ ອີຣ່ານ ​ເປີດ​ການ​
ເຈລະຈາ​ໂດຍ​ກົງ ​ໃນ​ວັນ​ຈັນ​ມື້​ນີ້ ກ່ຽວ​ກັບ​ເລື່ອງ​ ໂຄງການ​ນິວ​
ເຄລຍຂອງ​ອີຣ່ານ ຊຶ່ງ​ມີ​ເສັ້ນຕາຍ ທີ່​ກຳນົດໃຫ້​ມີຂໍ້​ຕົກລົງ​ສາກົນ
ທີ່​ສົມບູນ​ແບບ ​ໃນ​ລະຍະອີກ 7 ອາທິດ​ທີ່​ຈະ​ມາ​ເຖິງ​ນີ້.

ຮອງ​ລັດຖະມົນຕີ​ກະຊວງ​ການ​ຕ່າງປະ​ເທດສະຫະລັດ​ ທ່ານ
William Burns ພ້ອມ​ກັນ​ກັບ ຮອງ​ລັດຖະມົນຕີ​ກະຊວງ​ການ​
ຕ່າງປະ​ເທດອີຣ່ານ ທ່ານ Abbas Araqchi ​ເລີ້ມນຳພາ​ບັນດາ​
ຜູ້​ແທນ​ຂອງພວກ​ຕົນ​ທີ່​ກ່ຽວຂ້ອງ​ ເຂົ້າກອງ​ປະຊຸມທີ່ນະຄອນ
Geneva ​ເປັນ​ການ​ເຊື່ອມຕໍ່ ​ການ​ເຈລະຈາ​ຮອບຂອງ​ບັນດາ
​ນາໆ​ຊາດທີ່​ຢຸດ​ສະ​ງັກລົງ​ໃນ​ເມື່ອເດືອນ​ແລ້ວ​ນີ້ ​ແລະ ​ໃນ​ຮອບ​
ຕໍ່​ໄປ​ໄດ້​ກຳນົດສຳລັບ​ອາທິດ​ໜ້າ​ນີ້.

ຜູ້​ແທນຂັ້ນສູງ​ຂອງ​ສະຫະພາບ​ຢູ​ໂຣບ ຮັບຜິດຊອບ​ດ້ານ​ນະ​ໂຍບາຍ​ຕ່າງປະ​ເທດ ທ່ານ
ນາງ Helga Schmidt ​ພ້ອມ​ກັບ​ທ່ານ​ນາງ Catherine Ashton ເຂົ້າຮ່ວມການ​ເຈລະຈາ
ໃນ​ວັນ​ຈັນ ​ແລະ ອັງຄານນີ້ດ້ວຍ.

ທ່ານນາງ Catherine Ashton ​ໄດ້​ເປັນ​ຜູ້ນຳພາ​ ກຸ່ມທີ່​ເອີນ​ກັນ​ວ່າ P5+1 ນັ້ນ ຊຶ່ງ​ປະກອບດ້ວຍ ສະຫະ​ລັດ​ ຣັດ​ເຊຍ ຈີນ ອັງກິດ ​ແລະ ຝຣັ່ງ ບວກ​ກັບ ​ເຢຍຣະ​ມັນ ​ໃນການ​ເຈລະຈາ​ ກັບປະ​ເທດ​ອີຣ່ານຫຼາຍຮອບ​ຜ່ານມາ​ ທີ່​ໄດ້​ມີ​ຂໍ້​ຕົກ​ລົງ​ໃນ​ເບື້ອງ​ຕົ້ນ ​ເມື່ອ​ເດືອນ​ພຶດສະຈິກາ ຜ່ານ​ມາ.