ລິ້ງ ສຳຫລັບເຂົ້າຫາ

ວັນພະຫັດ, ໑໘ ເມສາ ໒໐໒໔

ສະຫະລັດເຕືອນ ຄົນອາເມຣິກັນ ໃນທົ່ວໂລກ ໃຫ້ລະມັດລະວັງ (ເບິ່ງວີດີໂອ)


ນາຍ Manssor Arbabsiar ຜູ້ຕ້ອງຫາໃນການວາງແຜນລອບສັງຫານ ທູດ Saudi Arabia ປາກົດໂຕ ຢູ່ໃນສານແຫ່ງນຶ່ງໃນ Manhattan ທີ່ນະຄອນນີວຢອກ.
ວັນທີ 12 ຕຸລາ 2011.
ນາຍ Manssor Arbabsiar ຜູ້ຕ້ອງຫາໃນການວາງແຜນລອບສັງຫານ ທູດ Saudi Arabia ປາກົດໂຕ ຢູ່ໃນສານແຫ່ງນຶ່ງໃນ Manhattan ທີ່ນະຄອນນີວຢອກ. ວັນທີ 12 ຕຸລາ 2011.

ກະຊວງ​ການ​ຕ່າງປະ​ເທດ​ສະຫະລັດ​ໄດ້​ອອກ​ຄໍາ​ເຕືອນ​ໄປ​ຍັງ​ທົ່ວ​ໂລກ​ສໍາລັບ​ພົນລະ​ເມືອງ
​ອາ​ເມຣິກາ ກ່ຽວ​ກັບ​ການ​ເຄື່ອນ​ໄຫວ​ຕໍ່ຕ້ານ​ສະຫະລັດ​ທີ່​ອາດ​ຈະມີຂຶ້ນ ຫລັງ​ຈາກໄດ້ມີ
​ການ​ຟ້ອງຊາວ​ອີຣ່ານ 2 ຄົນ​ທີ່​ຖືກ​ກ່າວ​ຫາ​ວ່າ ​ສົມຮູ້​ຮ່ວມ​ຄິດ​ກັນ​ກັບ​ກຸງ Tehran ​ເພື່ອ​
ລອບ​ສັງຫານ​ເອກ​ອັກຄະ​ລັດຖະທູດ Saudi Arabia ປະ​ຈໍາສະຫະລັດ​ນັ້ນ.

ກະຊວງ​ການ​ຕ່າງປະ​ເທດ​ສະຫະລັດ​ກ່າວ​ໃນ​ຕອນ​ແລງ​ວັນ​ອັງ​ຄານ​ວານນີ້​ວ່າ ການ​ພະຍາ​
ຍາ​ມລອບ​ສັງຫານ​ທີ່​ຖືກກ່າວຫາ​ວ່າ​ ໄດ້​ຮັບ​ການໜຸນຫລັງ​ຈາກ​ອີຣ່ານນັ້ນ ​ອາດຈະເປັນ
ຮ່ອງຮອຍຊີ້ໃຫ້​ເຫັນ​ວ່າ ລັດຖະບານ​ອິຣ່ານອາດ​ສາມາດ​ທໍາ​ການ​ເພ່ງ​ເລັງ​ທີ່​ຂັນ​ແຂງ​ຫລາຍ
ຂຶ້ນ ​ໃນ​ການ​ເຄື່ອນໄຫວໃນການ​ກໍ່​ການ​ຮ້າຍ​ນັ້ນ.

ໃນ​ຕອນ​ເຊົ້າ​ວັນ​ອັງຄານ​ວານ​ນີ້ ກະຊວງ​ຍຸຕິ​ທໍາ​ສະຫະລັດ​ໄດ້​ຟ້ອງ​ນາຍ Manssor Arbab
siar ທີ່ຕັດຊາດເປັນຄົນ​ອະ​ເມຣິກາ​ ທີ່​ຖື​ໜັງສືຜ່ານ​ແດນ​ອີຣ່ານ ​ແລະ​ນາຍ Gholam Sha
kuri ຊຶ່ງ​ເປັນ​ສະມາຊິກ​ຂອງ​ກໍາລັງ Quds ຫຼືກຳລັງພິທັກການປະຕິວັດຂອງອີຣ່ານ ໃນຂໍ້
ຫາ​ສົມຮູ້​ຮ່ວມຄິດ​ເພື່ອ​ລອບ​ສັງຫານ​ທ່ານ Adel al-Jubeir ເອກ​ອັກຄະ​ລັດຖະທູດ Saudi
Arabia ປະ​ຈໍາ​ສະຫະລັດ​.

ທ່ານ Eric Holder ລັດຖະມົນຕີ​ຍຸຕິ​ທໍາ​ສະຫະລັດກ່າວ​ວ່າ ການວາງ​ແຜນ​ດັ່ງກ່າວ​ແມ່ນ​
ອິຣ່ານເປັນຜູ້ຄິດຂຶ້ນມາ ​ໃຫ້ການສະໜັບສະໜຸນ ​ແລະ​ອອກ​ຄໍາ​ສັ່ງໃຫ້ປະຕິບັດ. ທ່ານ
Eric Holder ​ໃຫ້​ຄໍາໜັ້ນສັນຍາ​ວ່າ ກຸງ​ວໍ​ຊິງ​ຕັນ​ຈະ​ຖືວ່າ​ລັດຖະບານ​ອີຣ່ານ​ເປັນ​ຜູ້​ຮັບຜິດ
ຊອບ​ເລື້ອງ​ນີ້.

ໃນ​ເວລາ​ບໍ່​ດົນ​ຫລັງຈາກ​ປະກາດ​ເລື້ອງ​ນີ້​ໃຫ້​ຊາບ​ແລ້ວ ກະຊວງ​ຍຸຕິ​ທໍາສະຫະລັດກໍໄດ້​ປະ
ກາດລົງ​ໂທດ​ດ້ານ​ເສດຖະກິດ​ຕໍ່​ນາຍ Arbabsiar ​ແລະ​ນາຍ Shakuri ຕະຫຼອດ​ທັງ​ພວກ
ເຈົ້າ​ໜ້າ​ທີ່3 ຄົນ​ໃນ​ໜ່ວຍ​ພິທັກ​ການ​ປະຕິວັດ​ຂອງ​ອິຣ່ານນັ້ນ.

ປະທານາທິບໍດີ​ບາຣັກ​ໂອ​ບາ​ມາ ​ໄດ້​ໂທລະ​ສັບ​ໄປ​ຫາ​ເອກ​ອັກຄະ​ລັດຖະທູດ al-Subeir
ເພື່ອສະ​ແດງ​ຄວາມ​ເປັນ​ເອກະ​ພາບ​ກັນ​ຕໍ່​ຕ້ານການ ວາງ​ແຜນ​ລອບ​ສັງຫານ​ດັ່ງກ່າວ ​ໂດຍ
ເອີ້ນ​ແຜນການ​ດັ່ງກ່າວ​ວ່າ ເປັນ​ການລະ​ເມີດ​ຢ່າງ​ຈະ​ແຈ້ງ​ຕໍ່​ກົດໝາຍ​ສະຫະລັດ​ແລະ​ກົດ
ໝາຍ​ສາກົນ. ທ່ານໄດ້​ໃຫ້​ຄວາມ​ໝັ້ນ​ໃຈ​ແກ່​ທ່ານ al-Jubeir ວ່າ ສະຫະລັດມີ​ຄວາມໝາຍ
ໝັ້ນ​ທີ່​ຈະ​ປົກ​ປ້ອງ​ພວກນັກ​ການ​ທູດ​ທຸກ​ຄົນ​ ທີ່​ຮັບໃຊ້​ປະ​ເທດ​ຂອງ​ເຂົາ​ເຈົ້າ​ຢູ່​ໃນ​ສະຫະລັດ​
ນີ້.

ທ່ານ​ນາງ Hillary Clinton ລັດຖະມົນຕີ​ການ​ຕ່າງປະ​ເທດ​ສະຫະລັດ ກ່າວ​ໃນ​ວັນ​ອັງຄານ​
ວານນີ້​ວ່າ ສະຫະລັດ​ຈະ​ສືບ​ຕໍ່​ດໍາ​ເນີນ​ງານ​ຮ່ວມ​ກັນ ກັບ​ພວກ​ປະ​ເທດ​ພັນທະ​ມິດ ​ເພື່ອ​ໂດດ
ດ່ຽວ​ອີຣ່ານອອກ​ຈາກ​ປະຊາຄົມນາໆ​ຊາດ​ນັ້ນ.

ອິຣ່ານ​ໄດ້​ປະຕິ​ເສດ​ຢ່າງ​ແຂງ​ແຮງ​ວ່າ​ຕົນ​ບໍ່​ມີ​ສ່ວນ​ພົວພັນ​ໃດໆ​ໃນ​ຄວາມ ພະຍາຍາມ​ລອບ
ສັງຫານນີ້. ​ເອກ​ອັກຄະ​ລັດຖະທູດ​ອີຣ່ານປະ​ຈໍາອົງການ​ສະຫະ​ປະຊາ​ຊາດ ​ໄດ້​ຂຽນ​ຈົດ
ໝາຍ​ສະບັບ​ນຶ່ງ​ໄປຍັງ​ສະຫະ​ປະຊາ​ຊາດໃນ​ວັນ​ອັງຄານ​ວານ​ນີ້ ​ໂດຍ​ສະ​ແດງ​ຄວາມ​ໂກດ
ແຄ້ນ​ຕໍ່​ການ​ກ່າວ​ຫາ​ຂອງ​ສະຫະລັດ ​ໂດຍ​ເອີ້ນ​ວ່າ ​ເປັນ​ການ​ກະທໍາ​ທີ່​ມີ​ຈຸດປະສົງທາງ ການ
ເມືອງ ​ອັນເປັນການ​ກະທຳແບບກະຫາຍສົງຄາມ ​ແລະ​ເປັນ​ການ​ໂຄສະນາ​ຊວນ​ເຊື່ອ.

XS
SM
MD
LG